അണക്കെട്ടിന്റെ കാഴ്ചകൾ കണ്ടൊരു സൈക്കിൾ സവാരി

മലമ്പുഴ ഒരുങ്ങുന്നു കാഴ്ചക്കാർക്കായി

പാലക്കാട് ജില്ലയുടെ വൈകുന്നേരങ്ങൾ ആസ്വദിക്കുവാൻ പറ്റിയ മലമ്പുഴ അന്നും ഇന്നും പാല്കകാടിന്‍റെ ഒരു ചെറിയ കഷ്ണമാണ്. പാലക്കാട്ടുകാർ തങ്ങളുടെ ഒഴിവു നേരങ്ങൾ ചിലവഴിക്കുവാൻ തിരഞ്ഞെടുക്കുന്ന ഇടമാണ് മലമ്പുഴ

PC:Joseph Lazer

കാണാൻ കാഴ്തകളൊരുപാട്

സാധാരണ മലമ്പുഴ അണക്കെട്ടും ഉദ്യാനവും ഒക്കെ കറങ്ങിയടിക്കുവാനാണ് ആളുകൾ ഇവിടെ എത്തുന്നത്. പ്രത്യേകിച്ച് ബഹളങ്ങളും തിരക്കുകളും ഇല്ലാതെ പോയി വരാം എന്നതു തന്നെയാണ് ഇവിടം മിക്കവരുടെയും പ്രിയപ്പെട്ട ഇടമാക്കി മാറ്റുന്നത്.

PC:Lallji

ഇനി സൈക്കിളും

മലമ്പുഴയുടെ ഭംഗി ആസ്വദിക്കാനെത്തുന്നവർക്ക് മുന്നിൽ വ്യത്യാസ്തമായ ഒരാശയവുമായി വന്നിരിക്കുകയാണ് ഇവിടുത്തെ ജലസേചന വകുപ്പ്. കാഴ്ചകൾ മാത്രമല്ല, അല്പം ആരോഗ്യസംരക്ഷണവും ഇനി മലമ്പുഴ ടൂറിസത്തിന്റെ ഭാഗമാവുകയാണ്. സൈക്കിൾ ചവിട്ടി കാഴ്ചകൾ കാണാനും അതോടൊപ്പം ആരോഗ്യം സംരക്ഷിക്കുവാനും ഇവിടെ പരിപാടി തുടങ്ങിക്കഴിഞ്ഞു.

വേണമെങ്കിൽ കുടുംബമായി സൈക്കിളോടിക്കാം

അണക്കെട്ടിനോട് ചേർന്നുള്ള മാവിൻ തോപ്പിലൂടെ സൈക്കിളുകൾ ഓടിച്ച് കാഴ്ച ആസ്വദിക്കുവാനുള്ള സൗകര്യമാണ് ഇവിടെയുള്ളത്. കുട്ടികളുൾപ്പെടെ എല്ലാവർക്കും ഇവിടെ സൈക്കിളുകൾ ലഭ്യമാണ്. ഇനി കുടുംബമായി സൈക്കിൾ ചവിട്ടണമെന്നു തോന്നിയാലും അതിന് അവസരമുണ്ട്.

കുട്ടികൾ, മുതിർന്ന സ്ത്രീകൾ, മുതർന്ന പുരുഷൻമാർ എന്നിവർക്ക് രണ്ടു വീതം സൈക്കിളുകളാണ് ഇവിടെ ഒരുക്കിയിരിക്കുന്നത്. അണക്കെട്ടിനു സമീപത്തെ റോഡിലൂടെ എത്ര മേണമെങ്കിലും സഞ്ചരിക്കാൻ അനുമതിയുണ്ട്. മണിക്കൂറിന് പത്തു രൂപയാണ് വാടക.

അല്പം സാഹസികതയുമാവാം

സാധാരണ ഈ സൈക്കിൾ യാത്ര കൂടാതെ അല്പം സാഹസികതയ്ക്കും ഇതിൽ ഇടം നല്കുവാൻ ജലസേചന വകുപ്പിന് പദ്ധതിയുണ്ട്. 38 കിലോമീറ്റർ നീളമുള്ള റിംഗ് റോഡിലൂടെയായിരിക്കും സാഹസിക സൈക്കിൾ യാത്ര ഒരുങ്ങുക.

PC:Zuhairali

മലമ്പുഴ അണക്കെട്ട്

തെക്കേ ഇന്ത്യയിലെ ഏറ്റവും വലിയ അണക്കെട്ടുകളിലൊന്നാണ് മലമ്പുഴ അണക്കെട്ട്. പശ്ചമഘട്ടത്തോട് ചേർന്നു സ്ഥിതി ചെയ്യുന്ന ഈ സ്ഥലത്തിന്റെ സൗന്ദര്യമാണ് സ‍്ചാരികലെ ഇത്രയധികം ഇവിടേക്ക് ആകർഷിക്കുന്നത്. ഫാന്റസി പാർക്ക് മലമ്പുഴ ഡാമിന്റെ അടുത്തുള്ള ഒരു പ്രധാന ആകർഷണമാണ്