മച്ചാനെ ഇതാണ് മാട്ടുപ്പെട്ടി!

മാട്ടുപ്പെട്ടിയേക്കുറിച്ച്

സമുദ്രനിരപ്പില്‍ നിന്നും 1700 അടി ഉയരത്തിലായാണ് മാട്ടുപ്പെട്ടി സ്ഥിതി ചെയ്യുന്നത്. നിബിഢ വനങ്ങളും പുല്‍മേടുകളുമൊക്കെയാണ് ഈ തടാകത്തിന് ചുറ്റുമുള്ള കാഴ്ച. വെറുതെ ഈ തടാകക്കരയില്‍ നില്‍ക്കുന്നതുതന്നെ മനസ്സിലെ കുളിര്‍പ്പിയ്ക്കും.

Photo Courtesy: Shanmugamp7

ഫോട്ടോഗ്രാഫി

പ്രകൃതിസൗന്ദര്യം ആസ്വദിയ്ക്കാന്‍ താല്‍പര്യമുള്ളവര്‍ വിട്ടുകളയാന്‍ പാടില്ലാത്തൊരു സ്ഥലമാണിത്. ഫോട്ടോഗ്രാഫിയ്ക്കും മികച്ച സാധ്യതകളുണ്ടിവിടെ.

Photo Courtesy: Jaseem Hamza

മാട്ടുപ്പെട്ടി ഡാം

1940ല്‍ ആണ് ഇവിടുത്തെ മാട്ടുപ്പെട്ടി ഡാം പണികഴിപ്പിച്ചത്. അണക്കെട്ടിന്റെ പരിസരത്തൊക്കെ ആള്‍ക്കൂട്ടങ്ങളെ കാണാം. ബോട്ടിംഗ് നടത്താന്‍ ആഗ്രഹിക്കുന്നവര്‍ക്ക് പെഡല്‍ ബോട്ടുകളും സ്പീഡ് ബോട്ടുകളും ലഭ്യമാണ്.
Photo Courtesy: കാക്കര

മാ‌ട്ടുപ്പെട്ടി തടാകം

ഡാമിനോട് ചേര്‍ന്നാണ് മാട്ടുപ്പെട്ടി തടാകം സ്ഥിതി ചെയ്യുന്നത്. രാവിലെയാണ് നിങ്ങളുടെ യാത്രയെങ്കില്‍ തടാകത്തില്‍ പതിഞ്ഞിട്ടുള്ള മലനിരകളുടെ ദൃശ്യങ്ങള്‍ ബാഗിനുള്ളില്‍ നിന്ന് നിങ്ങളുടെ ക്യാമറയെ പുറത്തെടുപ്പിക്കും.
Photo Courtesy: Bimal K C

പക്ഷികള്‍

നിര‌വധി പക്ഷികള്‍ ചേക്കാറാന്‍ എത്തുന്ന ഈ സ്ഥലം പക്ഷി നിരീക്ഷകരുടെ സ്വര്‍ഗമാണ്. ഒക്ടോബര്‍ നവംബര്‍ മാസങ്ങളില്‍ നിരവധി ദേശാടന പക്ഷികള്‍ ഇവിടെ എത്താറുണ്ട്.
Photo Courtesy: Shanmugamp7

കന്നുകാലി ഫാം

ഇന്‍ഡോ-സ്വിസ് ലൈവ്‌സ്‌റ്റോക് പ്രൊജക്ടിന് കീഴിലുള്ള ഒരു കാലിവളര്‍ത്തുകേന്ദ്രം ഇവിടെ പ്രവര്‍ത്തിക്കുന്നുണ്ട്, നൂറോളം ഇനങ്ങളില്‍പ്പെട്ട കന്നുകാലികളെ ഫാമില്‍ കാണാം.

Photo Courtesy: Shanmugamp7

റോഡ്

മൂന്നാറിൽ നിന്ന് മാട്ടുപ്പെട്ടിയിലേക്കുള്ള റോഡ്. മൂന്നാറിൽ നിന്ന് പതിമൂന്ന് കിലോമീറ്റർ യാത്ര ചെയ്യണം ഇവിടെ എത്താൻ. സുന്ദരമായ കാഴ്ചകളാണ് യാത്രയിൽ സഞ്ചാരികൾക്ക് കാണാൻ കഴിയുന്നത്.
Photo Courtesy: Pank.dhnd

ബോട്ട് യാത്ര

ബോട്ട് യാത്രയാണ് മാട്ടുപ്പെട്ടി ഡാമിലെ പ്രധാന ആക്റ്റിവിറ്റി. പെഡൽബോട്ട്, സ്പീഡ് ബോട്ട് എന്നിങ്ങനെയുള്ള ബോട്ടുകൾ ഇവിടെ ലഭിക്കും.
Photo Courtesy: Raman Patel