» »ജീവൻ രക്ഷിക്കുന്ന അത്ഭുത സസ്യങ്ങൾ ഒളിഞ്ഞിരിക്കുന്ന സ്ഥലം!!

ജീവൻ രക്ഷിക്കുന്ന അത്ഭുത സസ്യങ്ങൾ ഒളിഞ്ഞിരിക്കുന്ന സ്ഥലം!!

Written By:

സഞ്ചാരികൾക്കായി അത്ഭുതങ്ങൾ ഒളിപ്പിച്ചിരിക്കുന്ന ഇടം എന്ന നിലയിൽ പ്രശസ്തമാണ് ഹിമാചൽ പ്രദേശ്. ഇവിടുത്തെ മിക്ക സ്ഥലങ്ങളും സഞ്ചാരികൾക്ക് പരിചിതമാണെങ്കിലും ഒട്ടും അറിയപ്പെടാത്ത ഇടങ്ങളും ഇവിടെയുണ്ട്. അതിലൊന്നാണ് സിർമൗർ. ചരിത്രവും പൗരാണികതയും ചേർന്നു കിടക്കുന്ന ഇവിടം 1090 ൽ ജയ്സാൽമീർ രാജാവായിരുന്ന രാജാ രസാലു ആണ് സ്ഥാപിച്ചത്. പഴയ കാലത്തിന്റെ പ്രതാപങ്ങൾ ഒക്കെ മാറിയെങ്കിലും ഹിമാചലിലെ ഒരു അത്ഭുത നഗരം തന്നെയാണ് സിർമൗർ.
ഹിമാലയത്തിന്റെ മടിത്തട്ടിൽ കിടക്കുന്ന ഇവിടം എല്ലാ തരത്തിലുമുള്ള സഞ്ചാരികളെയും ആകർഷിക്കുന്ന സ്ഥലമാണ്. ബഹളങ്ങളൊന്നുമില്ലാതെ അവധി ദിനങ്ങൾ ചിലവഴിക്കുവാൻ പറ്റിയ സിർമൗറിന്റെ വിശേഷങ്ങൾ അറിയാം...

ചുർധാർ പീക്ക്

ചുർധാർ പീക്ക്

സിർമൗർ അറിയാനുള്ള യാത്ര ഇവിടുത്തെ പ്രധാന തീർഥാടന കേന്ദ്രങ്ങളിൽ നിന്നും ആരംഭിക്കുന്നതാണ് നല്ലത്. സമുദ്ര നിരപ്പിൽ വിവ്വും 3646 മീറ്റർ ഉയരത്തിൽ സ്ഥിതി ചെയ്യുന്ന ഇവിടം ഹിമാചൽ പ്രദേശിലെ ഏറ്റവും ഉയരം കൂടിയ ഇടങ്ങളിലൊന്നുകൂടിയാണ്. ചുർധാർ പീക്കിന്റെ ഏറ്റവും മുകളിലുള്ള ഭാഗം ശൈവ ഭക്തരുടെ പ്രിയപ്പെട്ട തീർഥാടന കേന്ദ്രമാണ്. അവരുടെ വിശ്വാസനമുസരിച്ച് ഇവിടെ നിന്നുമാണ് ഹനുമാൻ മൃതസഞ്ജീവനി ശേഖരിച്ചത് എന്നാണ്.. അതുകൊണ്ടുതന്നെ അപൂർവ്വങ്ങളായ ഒട്ടേറെ സസ്യങ്ങൾ ഈ കുന്നിന്റെ മുകളിൽ കാണപ്പെടുന്നു എന്നും ഒരു വിശ്വാസമുണ്ട്. അതിനാൽ ഈ സ്ഥലത്തിന്റെ പുണ്യം വീണ്ടും വർധിക്കുന്നു. ഒരിക്കലെങ്കിലും സിർമൗറിലെത്തുന്നവർ ഇവിടം തീർച്ചയായും സന്ദർശിച്ചിരിക്കേണ്ടതാണ്.

PC- Hariom5463

രേണുകാ ജീ

രേണുകാ ജീ

ഹിമാചൽ പ്രദേശിലെ തന്നെ ഏറ്റവും പ്രശസ്തമായ തീർഥാടന കേന്ദ്രങ്ങളിലൊന്നാണ് ഇവിടുത്തെ രേണുകാ തടാകം. ചുർധാർ പീക്കിലേക്കുള്ള യാത്രയ്ക്കു ശേഷം തീർച്ചയായും എളുപ്പത്തിൽ പോകുവാൻ സാധിക്കുന്ന ഒരിടം കൂടിയാണിത്. ആയിരക്കണക്കിന് സഞ്ചാരികളും തീർഥാടകരും ദിവസേന എത്തുന്ന ഇവിടെ പ്രശസ്തങ്ങളായ ക്ഷേത്രങ്ങളും സ്ഥിതി ചെയ്യുന്നു.
ഇവിടുത്തെ മറ്റൊരാകർഷണം എന്നു പറയുന്നത് അപൂർവ്വ ജീവജാലങ്ങളുള്ള ഇവിടുത്തെ കാടുകളാണ്. വ്യത്യസ്തങ്ങളായ വന്യജീവികളെയും ഇവിടെ കാണാം. കാർത്തിക ഏകാദശിയാണ് ഇവിടുത്തെ ഏറ്റവും വലിയ ആഘോഷം.

PC- Harvinder Chandigarh

ഹരിപൂർ

ഹരിപൂർ

സമുദ്രനിരപ്പിൽ നിന്നും687 മീറ്റർ ഉയരത്തിൽ സ്ഥിതി ചെയ്യുന്ന മറ്റൊരു സ്ഥലമാണ് ഹരിപ്പൂർ. ഇവിടുത്തെ പ്രധാന ചരിത്ര സ്ഥലങ്ങളിൽ ഒന്നായ ഇവിടുത്തെ പ്രധാന കാഴ്ച എന്നു പറയുന്നത് ഹരിപ്പൂർ ധാർ എന്നു പേരായ വർവ്വതമാണ്. ഏറെ വിശുദ്ധമായി കണക്കാക്കപ്പെടുന്ന ഇവിടെ ഒരു കോട്ടയും കാണാം. സിർമൗർ രാജാക്കൻമാർ നിർമ്മിച്ചതാണ് ഈ കോട്ട. ഈ കോട്ടയുടെ മുകളിൽ നിന്നും നഗരത്തിന്റെ മനോഹരമായ കാഴ്ചകൾ കാണുവാൻ സാധിക്കും.
സാഹസിക വിനോദങ്ങൾക്കും ഇവിടം ഏറെ പേരുകേട്ടതാണ്.

PC- subhas4u

ഹബ്ബൻ വാലി

ഹബ്ബൻ വാലി

മുകളിൽ പറഞ്ഞ സ്ഥലങ്ങൾ കൂടാതെ ഇവിടെ സന്ദർശിക്കുവാൻ പറ്റിയ മറ്റൊരു സ്ഥലമാണ് ഹബ്ബൻ വാലി. വ്യത്യസ്തങ്ങളായ സംസ്കാരങ്ങൾ കൊണ്ടും അപൂർവ്വങ്ങളായ ക്ഷേത്രങ്ങളുടെ സാന്നിധ്യം കൊണ്ടും പ്രശസ്തമാണ് ഇവിടം. ആധുനിക ജീവിത ശൈലികളുടെ ഒരു സ്പർശം പോലും ഏൽക്കാത്ത ഇവിടം സംസ്കാരങ്ങൾ അനുവർത്തിക്കുന്ന തരത്തിൽ മുന്നോട്ടു പോകുന്ന ഇടമാണ്. രജ്പുത് രാജാക്കൻമാരുടെ കാലത്ത് നിർമ്മിക്കപ്പെട്ട ക്ഷേത്രങ്ങളാണ് ഇവിടെ കൂടുതലുള്ളത്.

PC- Ashish Gupta

എങ്ങനെ എത്താം?

എങ്ങനെ എത്താം?

ഹിമാചൽ പ്രദേശിലെ എല്ലാ പ്രധാന പട്ടണങ്ങളുമായും ഇവിടം ബന്ധപ്പെട്ടിരിക്കുന്നു. ഡെറാഡൂണിലാണ് അടുത്തുള്ള റെയിൽവേ വിമാനത്താവളം സ്ഥിതി ചെയ്യുന്നത്. റോഡ് വഴി വരുന്നവർക്ക് സിര്മൗറിൽ നേരിട്ടെത്താം.

PC- Ashish Gupta

Read more about: himachal pradesh temple forts

മികച്ച ട്രാവല്‍ ഡീലുകളും ടിപ്‌സുകളും യാത്രാ വിവരണങ്ങളും അറിയാം...

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more