കെഎസ്ആര്‍ടിസിയുടെ മൂന്നു ദിവസ കണ്ണൂര്‍ യാത്ര,കാണാം പൈതല്‍മലയും പറശ്ശിനിക്കടവും!

നെയ്യാറ്റിന്‍കര-കണ്ണൂര്‍ യാത്ര

കെ എസ് ആർ ടി സി ബഡ്ജറ്റ് ടൂറിസം സെല്ലിന്‍റെ നേതൃത്വത്തില്‍ ഒക്ടോബർ 2, 3, 4 തിയ്യതികളില്‍ പറശ്ശിനിക്കടവ്,വിസ്മയ അമ്യൂസ്മെന്റ് പാർക്ക്, പൈതൽ മല, ഏഴരക്കുണ്ട് , പാലക്കയം തട്ട് എന്നിവിടങ്ങളിലേക്ക് ആണ് നെയ്യാറ്റിന്‍കര യൂണിറ്റ് ഉല്ലാസയാത്ര സംഘടിപ്പിക്കുന്നത്.

ഒന്നാം ദിവസം

ഒക്ടോബർ 2 ഞായറാഴ്ച നെയ്യാറ്റിൻകരയിൽ നിന്ന് യാത്ര പുറപ്പെട്ട് ഒക്ടോബർ 3 തിങ്കളാഴ്ച രാവിലെ വിസ്മയ അമ്യുസ്മെന്റ് പാർക്കിൽ എത്തിച്ചേരുകയും . എട്ടുമണിയോടെ ഭക്ഷണം കഴിച്ച്, ഒൻപതു മണിയോടെ സ്നേക്ക് പാർക്കുവാനായി പോകും, 10:30 ന് തിരിച്ച് വിസ്മയ അമ്യുസ്മെന്റ് പാർക്കിൽ എത്തി അവിടത്തെ വിനോദങ്ങൾക്ക് ശേഷം വൈകിട്ട് 5:00 ന് പറശ്ശിനിക്കടവ് ക്ഷേത്രത്തിലെത്തും ക്ഷേത്ര ദര്‍ശനത്തിനും പറശ്ശിനിക്കടവ് ബോട്ടിങ്ങിനും അവസരമുണ്ടായിരിക്കും, തുടര്‍ന്ന് 07:30ന് വിസ്മയ പാർക്കിൽ തിരിച്ച് എത്തി ക്യാമ്പ് ഫയറും, ഭക്ഷണവും. തുടർന്ന് വിസ്മയ പാർക്കിൽ സ്റ്റേ.

PC:Sreelalpp

രണ്ടാം ദിവസം

ഒക്ടോബർ 4 ന് രാവിലെ വിസ്മയ പാർക്കിൽ നിന്ന് യാത്ര പുനരാരംഭിക്കും. ഒൻപതു മണിയോടെ പൈതൽ മലയിൽ എത്തി 12:30 വരെ അവിടത്തെ കാഴ്ചകൾ കണ്ടതിനു ശേഷം 02:00 മണിക്ക് ഏഴരക്കുണ്ട് , പാലക്കയം തട്ട് എന്നീ സ്ഥലങ്ങളിലേക്കു പോകും. അതിനുശേഷം രാത്രി എട്ടു മണിയോടെ നെയ്യാറ്റിൻകരയിലേയ്ക്ക് യാത്ര തിരിക്കുന്നു.

PC:RAJENDRAN T M

ടിക്കറ്റ് തുക

ഒരാളിൽ നിന്നും ടിക്കറ്റ് ചാർജ്ജ് 3990 - രൂപ മാത്രമാണ് ഈടാക്കുന്നത് എൻട്രീഫീസ് ഉൾപ്പെടെയുള്ള തുകയാണിത്. ഭക്ഷണം ഇതില്‍ ഉൾപ്പെടില്ല എന്ന കാര്യം ഓര്‍മ്മിക്കുക.

ബുക്കിങ്

ടിക്കറ്റ് മുൻകൂട്ടി ബുക്കു ചെയ്യുന്നതിനും കൂടുതല്‍ വിവരങ്ങള്‍ക്കും
കെ എസ് ആർ ടി സി നെയ്യാറ്റിൽകര ഓഫീസുമായി ബന്ധപ്പെടാം.
ഫോൺ:- 9846067232
ഈ മെയിൽ- [email protected]