അരാകു വാലി
നിശബ്ദതയുടെ താഴ്വരയെന്നറിയപ്പെടുന്ന അരാകുവാലി വിശാഖപട്ടണത്തു നിന്നും 115 കിലോമീറ്റര് അകലെയാണ് സ്ഥിതി ചെയ്യുന്നത്.
ചുരങ്ങള് നിറഞ്ഞ റോഡുകളും വനങ്ങളും കൂടാതെ ടണലുകളും പാലങ്ങളും ഒക്കെയാണ് അരാകുവിന്റെ പ്രത്യേകത.
തൊട്ടടുത്തുള്ള അനന്തഗിരി എന്ന സ്ഥലത്ത് കാപ്പിപ്രേമികള്ക്കായി കാപ്പി മ്യൂസിയവുമുണ്ട്. കൂട്ടുകാരോടൊത്തുള്ള സാഹസിക യാത്രയ്ക്ക് ഇതിലും പറ്റിയ സ്ഥലമില്ല.
PC: Sunny8143536003
പൂവാര്
തിരുവനന്തപുരത്തു നിന്നും 27 കിലോമീറ്റര് അകലെയായി സ്ഥിതി ചെയ്യുന്ന പൂവാര് കേരളത്തിലെ ഏറ്റവും ഭംഗിയുള്ള പ്രദേശങ്ങളിലൊന്നാണ്.
കടലും കായലും സമ്മേളിക്കുന്ന ഇവിടം ശാന്തമായ ഒരിടമാണ്.
കടലും കായലും അതിരുപങ്കിടുന്ന അഴിമുഖമാണ് ഇവിടുത്തെ ഏറ്റവും വലിയ ആകര്ഷണം. ഒരുവശം കടലും മറുവശം കായലും ചേരുന്ന കാഴ്ച ഏറെ മനോഹരമാണ്.
PC: Sunny8143536003
മഹാബലിപുരം
കല്ലില് കവിതയും ചരിത്രവുമെവുതിയ നാടാണ് മഹാബലിപുരം. പഴമയും സംസ്കാരവും ഒന്നുച്ചുകാണുന്ന ഇവിടെ ഓരോ കല്ലിനും കാണും ചരിത്രം.
ചെന്നൈയില് നിന്നും 60 കിലോമീറ്റര് അകലെ കാഞ്ചീപുരം ജില്ലയില് സ്ഥിതി ചെയ്യുന്ന മഹാബലിപുരം ചരിത്രകാരന്മാരെയും ചരിത്രപ്രേമികളെയും ആകര്ഷിക്കും എന്നതില് സംശയമില്ല.
PC:Jean-Pierre Dalbéra
ഓലി
സുഹൃത്ത് ഇത്തിരി സാഹസികനും സഞ്ചാരിയുമാണെങ്കില് തിരഞ്ഞെടുക്കാന് പറ്റിയ സ്ഥലമാണ് ഓലി. ഇന്ത്യയിലെ മിനി സ്വറ്റ്സര്ലന്ഡ് എന്നറിയപ്പെടുന്ന ഇവിടം ലോകത്തിലെ ഏറ്റവും മികച്ച സ്കീയിങ് കേന്ദ്രങ്ങളില് ഒന്നു കൂടിയാണ്. ഉത്തരാഖണ്ഡിലെ ചമോലി ജില്ലയിലാണ് ഓലി സ്ഥിതി ചെയ്യുന്നത്.
pc: unsplash
മക്ലിയോഡ് ഗഞ്ച്
ലിറ്റില് ലാസ എന്നറിയപ്പെടുന്ന ഹിമാചല്പ്രദേശിലെ മക്ലിയോഡ് ഗഞ്ച് ഹിമാചല് യാത്രയില് തീര്ച്ചയായും സന്ദര്ശിക്കേണ്ട ഒരിടമാണ്. ബുദ്ധസംസ്കാരത്തെക്കുറിച്ച അറിയുവാനും പഠിക്കുവാനുമാണ് ഇവിടെ അധികവും ആളുകള് എത്തുന്നത്.
PC: Derek Blackadder
കസോള്
ഇസ്രായേലി ടൂറിസ്റ്റുകള്ക്കായി ഇസ്രായേല് സര്ക്കാര് ദത്തെടുത്ത ഇന്ത്യന് ഗ്രാമമാണ് ഹിമാചലിലെ കസോള്. ഇസ്രായേലുകാര്ക്കു വേണ്ടി മാത്രം നിര്മ്മിക്കപ്പെട്ട ഒരിടമാണെന്ന് തോന്നും ഇവിടെ എത്തിയാല്.
PC: Alok Kumar
പോണ്ടിച്ചേരി
സുഹൃത്തുക്കള്ക്ക് അടിച്ചുപൊളിച്ചു പോകാന് പറ്റിയ സ്ഥലങ്ങളുട ലിസ്റ്റില് ഒന്നാമതുള്ള ഇടമാണ് പോണ്ടിച്ചേരി. പുതുച്ചേരി എന്നറിയപ്പെടുന്ന ഇവിടെ ചെന്നൈയ്ക്ക് സമീപമാണ് സ്ഥിതി ചെയ്യുന്നച്. ഫ്രഞ്ച് അധിനിവേശത്തിന്റെ അടയാളങ്ങള് ഇപ്പോഴും ഇവിടെ കാണുവാന് സാധിക്കും.
PC: Kalyan Kanuri
ഷെട്ടിഹള്ളി
വിവാഹിതനാകുന്ന സുഹൃത്തിന് ഒരു കിടിലന് യാത്ര തന്നെ വേണം ഒരുക്കാന് എന്നാഗ്രഹിക്കുന്നവര്ക്ക് പറ്റിയ സ്ഥലമാണ് കര്ണ്ണാടകയിലെ ഷെട്ടിഹള്ളി ചര്ച്ച്.
മഴക്കാലങ്ങളില് വെള്ളത്തിനടിയില് മുങ്ങുകയും മഴ കഴിയുമ്പോള് പുറത്തുവരുകയും ചെയ്യുന്ന ഈ പള്ളിയെ ഒരു മുങ്ങല് വിദഗ്ദന് എന്നു പറയാം.
PC: Bikashrd
വര്ക്കല ബീച്ച്
അധികദൂരമൊന്നും പോകാന് ആഗ്രഹിക്കുന്നില്ലെങ്കില് വര്ക്കല ബീച്ച് തിരഞ്ഞെടുക്കാം. കേരളത്തിലെ ഗോവ എന്നറിയപ്പെടുന്ന വര്ക്കല ബീച്ച് സൗന്ദര്യത്തിന്റെ കാര്യത്തില് ഗോവയെ കടത്തിവെട്ടും. വര്ക്കല ക്ലിഫ് എന്നറിയപ്പെടുന്ന കടലിനോട് ചേര്ന്നുള്ള മലയാണ് ഇവിടുത്തെ ഏറ്റവും വലിയ ആകര്ഷണം.
pc: Joshua Singh
ആഗ്ര
യമുനയുടെ തീരത്ത് സ്ഥിതി ചെയ്യുന്ന സുന്ദര പട്ടണങ്ങളിലൊന്നാണ് ആഗ്ര. മുഗള് സാമ്രാജ്യത്തിന്റെ തലസ്ഥാനമായിരുന്ന ഇവിടം ലോധി രാജവംശത്തിലെ സിക്കന്ഗര്ഡ ലോധിയാണ് സ്ഥാപിച്ചത്.
നിത്യപ്രണയത്തിന്റെ സ്മാരകമായ താജ്മഹലാണ് ഇവിടുത്തെ ആകര്ഷണം.
PC: mahesh3847
നഹാന്
കാടിനു നടുവിലെ ഹിപ്പി ഗ്രാമമെന്ന് അറിയപ്പെടുന്ന നഹാന് ഹിമാചലിലെ അധികം അറിയപ്പെടാത്ത ഒരിടമാണ്. വ്യത്യസ്തമായ രുചികളും കഫേകളും ഒക്കെയാണ് ഇവിടുത്തെ പ്രത്യേകത. ഭക്ഷണപ്രിയരെ സംബന്ധിച്ചെടുത്തോളം ഒരു സ്വര്ഗ്ഗം തന്നെയാണിത്.
PC: taylorandayumi
കാസര്ദേവി ഗ്രാമം
യൗവ്വനവും ഉന്മേഷവും വീണ്ടെടുക്കണെമെന്ന് ആഗ്രഹമുണ്ടെങ്കില് അതിനു പറ്റിയ സ്ഥലമാണ്
ഉത്തരാഖണ്ഡിലെ അല്മോറയിലുള്ള കാസര് ദേവി ഗ്രാമം. ബാക്ക് പാക്കേഴ്സിന്റെ ഇഷ്ടകേന്ദ്രങ്ങളിലൊന്നായ ഇവിടെ വിവേകാനന്ദനും ബോബ് ഡിലനുമൊക്കെ വന്ന് ധ്യാനിച്ചിട്ടുണ്ടത്രെ.
PC: Evenmadderjon
Click it and Unblock the Notifications
