Click it and Unblock the Notifications
ഒരൊറ്റ യാത്രകൊണ്ടുമാത്രം അറിഞ്ഞുതീരുവാന് കഴിയാത്ത കാര്യങ്ങളാണ് ഋഷികേശിന്റെ പ്രത്യേകത. ആത്മീയാന്വേഷകര് മുതല് സാഹസിക സഞ്ചാരികള് വരെ സ്വര്ഗ്ഗമായി കണക്കാക്കുന്ന ഋഷികേശ് പ്രകൃതിഭംഗിയുടെയും സാഹസികതയുടെയും ആത്മീയതയുടെയും ഒരു ക്യാപ്സൂള് തന്നെയാണ്. തിങ്ങിനിറഞ്ഞു നില്ക്കുന്ന മേഘക്കൂട്ടങ്ങളും ഒന്നിനൊന്ന് ചേര്ന്നു നില്ക്കുന്ന കുന്നുകളും ആര്ത്തലച്ച് പാറക്കെട്ടുകളില് തട്ടിത്തടഞ്ഞ് ഒഴുകുന്ന ഗംഗയും ലോകത്തിന്റെ വിവിധ ഭാഗങ്ങളില് നിന്നെത്തുന്ന സഞ്ചാരികളും ഈ നാടിന് പ്രത്യേക ഭംഗിപകരുന്നു.
സാഹസികതയുടെയും യോഗയുടെയും ലോക ആസ്ഥാനമായ ഋഷികേശ് സഞ്ചാരികള്ക്ക് നല്കുന്നത് പരിധിയില്ലാത്ത ആനന്ദമാണ്. ഇതില് ഏറ്റവും പ്രധാനപ്പെട്ടവയാണ് റാഫ്ടിങ്ങും നൈറ്റ് ക്യാംപിങ്ങും ഒപ്പം ലോകപ്രശസ്തമായ ഋഷികേശ് ബംഗീ ജംപിങ്ങും.
സഞ്ചാരികളെ ഇതിലേ
ധൈര്യമുണ്ടോ!!
റിവര് റാഫ്ടിങ്
ആര്ത്തു പതഞ്ഞുപൊങ്ങി പാറക്കൂട്ടത്തിലൂടെ ഉയര്ന്നും താഴ്ന്നും പോകുന്ന റാഫ്ട് പലപ്പോഴും നിയന്ത്രണത്തില് നില്ക്കാറില്ല.
റിവർ റാഫ്ടിങ്ങിന്റെ ബേസിക് മുതൽ അഡ്വാൻസ്ഡ് വരെയുള്ള കാര്യങ്ങള് ഇവിടെ നിന്നും പഠിക്കുവാൻ അവസരമുണ്ട്. ബ്രഹ്മപുരി, മറൈൻ ഡ്രൈവ്,ശിവ്പുരി,കൗടല്യതുടങ്ങിയ ഇടങ്ങളാണ് ഋഷികേശില് റാഫ്ടിങ്ങിന് പേരുകേട്ടിരിക്കുന്നത്.
പറ്റിയ സമയം
മഴക്കാലം ഒഴികെയുള്ള ഏതു സമയവും ഋഷികേശിലെ റാഫ്ടിങ്ങിന് യോജിച്ചതാണ്. സാധാരണ ഗതിയില് ജൂലൈ 1 മുതൽ സെപ്റ്റംബർ 15 വരെ ഋഷികേശില് റിവര് റാഫ്ടിങ് നടക്കാറില്ല. നാലു വ്യത്യസ്ത സ്ട്രെച്ചുകളാണ് ഇവിടെ റാഫ്ടിങ്ങിനായി ലഭ്യമായുള്ളത്.
10 ദിവസത്തില് 8,000 പേര്
രാത്രി ക്യാംപിങ്ങ്
ഋഷികേശ് ബംഗീ ജംപിങ്
ഇന്ത്യയിലെ ഏറ്റവും ഉയരത്തിലുള്ള ബംഗീജംപിങ് സാധ്യമാകുന്നത് ഋഷികേശിലാണ്. മോഹന്ചട്ടി എന്നറിയപ്പെടുന്ന സ്ഥലത്താണ് ഇതുള്ളത്. കൃത്യമായി സ്ഥാപിച്ച് ഉറപ്പിച്ച ഒരു ഫ്ലാറ്റ്ഫോമില് നിന്ന് ബംഗീ ജംബ് നടത്താന് ഇന്ത്യയില് ഇതല്ലാതെ മറ്റൊരു സ്ഥലമില്ല. തറ നിരപ്പില് നിന്ന് ഏകദേശം 83 മീറ്റര് ഉയരം അഥവാ 272 മീറ്റര് ഉയരത്തില് സ്ഥിതി ചെയ്യുന്ന പാറക്കുന്നില് നിന്നുള്ള ഈ ചാട്ടമാണ് ഇന്ത്യയിലെ ഏറ്റവും ഉയരം കൂടിയ ബംഗീ ജംബ് ചാട്ടമായി കണക്കാക്കുന്നത്. ഇവിടെ ഹൈയുള് നദിയുടെ മുകളിലേക്കാണ് ചാട്ടം.
ഋഷികേശില് നിന്നും 25 കിലോമീറ്ററ് അകലെയാണ് . മോഹന്ചട്ടി സ്ഥിതി ചെയ്യുന്നത്.
