ശരണം വിളികളുമായി വീണ്ടുമൊരു വീണ്ടുമൊരു മണ്ഡലകാലം കൂടിയെത്തുകയാണ്.. മാലയിട്ട്, വ്രതമെടുത്തു, അയ്യനെ കാണുവാൻ വിശ്വാസികൾ മലകയറിയെത്തുന്ന സമയം. മണ്ഡലകാല മകരവിളക്ക് മഹോത്സവത്തിനായി ശബരിമലയിലെ ഒരുക്കങ്ങളെല്ലാം അവസാന ഘട്ടത്തിലെത്തി. വ്യാഴാഴ്ച ക്ഷേത്രനട തുറക്കും. നവംബർ 17 മുതല് ഡിസംബര് 27 വരെയാണ് മണ്ഡലകാലം. കൊവിഡ് നിയന്ത്രണങ്ങൾക്കു ശേഷം നിയന്ത്രണങ്ങളെല്ലാമെടുത്തു കളഞ്ഞ ശേഷമുള്ള ആദ്യത്തെ തീർത്ഥാടന കാലമാണിത്.
മൂന്ന് കാനന പാതകളും
ഇത്തവണ മൂന്ന് കാനനപാതകളും തീർത്ഥാടകർക്കായി തുറന്നു നല്കും.കരിമല പാതയും വണ്ടിപ്പെരിയാർ സത്രം, പുല്ലുമേട് വഴി സന്നിധാനത്തേക്കുള്ള കാനനപാതയും തുറക്കും. കല്ലുപാകി നീലിമല പാത നവീകരിച്ചിട്ടുണ്ട്.