ലോകത്തിൽ തന്നെ ഒരേയൊരു സ്റ്റൈൽ മന്നൻ മാത്രമേയുള്ളു, അതാണ് സൂപ്പർ സ്റ്റാർ രജനികാന്ത്. രജനികാന്ത് എന്ത് ചെയ്താലും അത് വാർത്തയാണ്. അതിലൊന്നാണ് ഉത്തരാഖണ്ഡിലെ ബാബജി ഗുഹയിലെ സന്ദർശനം.
തന്റെ ജീവിതത്തിലെ പ്രധാനപ്പെട്ട തീരുമാനങ്ങള് എടുക്കുന്നതിനു മുന്പ് രജനികാന്ത് സന്ദര്ശിക്കുന്ന പ്രധാന സ്ഥലമാണ് ഇവിടം. ഈ അടുത്ത് രാഷ്ട്രീയ പ്രവേശനം പ്രഖ്യാപിച്ച രജിനി കഴിഞ്ഞ ദിവസവും ഈ ഗുഹയില് പോയിരുന്നു. രജനികാന്തിന് പ്രിയപ്പെട്ട ബാബാജി ഗുഹയേക്കുറിച്ച് അറിയുന്നതിന് മുൻപ് ആരാണ് ബാബാജി എന്ന് മനസിലാക്കാം.
മഹാവതാർ ബാബാജി
ഹിമാലയത്തിൽ പണ്ടുകാലത്ത് ജീവിച്ചിരുന്ന ഒരു യോഗീശ്വരനാണ് മഹാവതാർ ബാബാജി. ഒരു യോഗിയുടെ ആത്മകഥ എന്ന പുസ്തകത്തിൽ മഹാവതർ ബാബാജിയേക്കുറിച്ച് പരാമർശമുണ്ട്. അദ്ദേഹത്തിന്റെ അനുയായി ആയ ലഹിരി മഹാശയ എന്ന സന്യാസിയാണ് ആധുനിക ലോകത്തിന് മഹാവതാർ ബാബാജിയെ പരിചയപ്പെടുത്തി കൊടുത്തത്.
സൂപ്പർ സ്റ്റാർ രജനികാന്ത്, തന്റെ ആത്മീയ ഗുരുവായി കരുതുന്ന മഹാവതാർ ബാബാജിയുടെ ഗുഹ സ്ഥിതി ചെയ്യുന്നത് ഉത്തരാഖാണ്ഡിലെ ഹിമാലയൻ മലനിരകളുടെ ഭാഗമായ ധുണഗിരിയിൽ ആണ്.
മഹാവതാർ ബാബാജിയുടെ ശരിയായ പേരിനേക്കുറിച്ച് ആർക്കും വലിയ പിടിയില്ല. ലഹിരി മഹാശയ ആണ് മാഹാവതാർ ബാബാജി എന്ന് ഈ ഗുരുവിനെ വിശേഷിപ്പിച്ചത്. "മഹാവതാർ" എന്നാൽ "മഹത്തായ അവതാരം" എന്നും "ബാബാജി" എന്നത് "പൂജ്യ പിതാവ്" എന്നും ആണ് അർത്ഥം.
ദുനഗിരിയിലെ കുക്കുചിന എന്ന സ്ഥലത്താണ് ഈ ഗുഹ സ്ഥിതി ചെയ്യുന്നത്. ഹരിദ്വാറിൽ നിന്ന് കാത്ഗോഡം അവിടെ നിന്ന് റാണിഖേത്. ഉത്തരാഖണ്ഡിലെ പ്രശസ്തമായ ഒരു സ്ഥലമാണ് റാണിഖേദ്. റാണിഖേതിൽ നിന്ന് ദ്വാരഹത്. ദ്വാരഹത്തിൽ നിന്ന് കുക്കുചിന. കുക്കുചിന വരേയെ വാഹനത്തിൽ സന്ദർശിക്കാൻ കഴിയും
Photo: gautamnguitar
കുക്കുചിനയിൽ നിന്ന് പിന്നെ മലകയറി വേണം ഈ ഗുഹയിൽ എത്തിച്ചേരാൻ. ഏകദേശം 50 മിനിറ്റ് യാത്ര ചെയ്യണം ബാബാജി ഗുഹയിൽ എത്തിച്ചേരൻ. എന്നാൽ ഈ യാത്ര അത്ര കഠിനമൊന്നും ആയിരിക്കില്ല.
മലകയറി എത്തുമ്പോൾ ഗുഹയ്ക്ക് അരികിലായി ഒരു കെട്ടിടം കാണാം. ബാബാജിയുടെ ദേവാലയമാണ് ഈ കെട്ടിടം. Photo: gautamnguitar
സൂപ്പർ സ്റ്റാർ രജനികാന്ത് എല്ലാ വർഷവും ഈ സ്ഥലം സന്ദർശിക്കാറുണ്ട്. ഹരി, വെങ്കട് എന്നീ രണ്ട് സുഹൃത്തുക്കൾക്കൊപ്പമാണ് രജനികാന്തിന്റെ ഈ യാത്ര.
ചെരിപ്പഴിച്ച് വേണം ഗുഹയിലേക്ക് പ്രവേശിക്കാൻ. ഗുഹയിൽ പ്രവേശിച്ച് കഴിഞ്ഞാൽ സ്വസ്ഥമായി ധ്യാനിക്കാൻ സൗകര്യമുണ്ട്. ദിവസേന നിരവധി തീർത്ഥാടകരാണ് ഇവിടെ സന്ദർശിക്കുന്നത്.
ദേവഭൂമിയായ ഉത്തരാഖണ്ഡിലെ അതി മനോഹരമായ മലയോരപ്രദേശം ആണ് റാണിഖേത്. അല്മോറ ജില്ലയില് സ്ഥിതി ചെയ്യുന്ന റാണിഖേത് മൈതാനങ്ങളുടെ രാജ്ഞി എന്നാണ് പൊതുവെ അറിയപ്പെടുന്നത്. ചരിത്രപരമായി ഏറെ പ്രാധാന്യമുള്ള റാണിഖേത് പ്രകൃതി സൗന്ദര്യത്താലും അനുഗ്രഹീതമായ സ്ഥലമാണ്. വിശദമായി വായിക്കാം
അല്മോറ ടൗണില് നിന്ന് റാണിഖേതിലെത്താന് 50 കിലോ മീറ്റര് സഞ്ചരിച്ചാല് മതിയാകും. പൈന്, ഓക്ക്, ദേവതാരു മരങ്ങള് നിറഞ്ഞ വനത്തിന് മധ്യത്തില് പ്രകൃതി സൗന്ദര്യം ആസ്വദിച്ച് വിശ്രമിക്കാനുള്ള അവസരമാണ് റാണിഖേത് നല്കുന്നത്. വിശദമായി വായിക്കാം
റാണിഖേദിൽ നിന്ന് കുക്കുചിനയിലേക്ക് ടാക്സികൾ ലഭ്യമാണ് ഏകദേശം 4 മണിക്കൂർ യാത്രയുണ്ട് ഇവിടെ എത്തിച്ചേരാൻ. Photo: Mrneutrino
ദ്വാരഹത് ആണ് കുക്കുചിനയ്ക്ക് അടുത്തുള്ള പ്രധാന ടൗൺ. റാണിഖേതില് നിന്നും 35 കിലോമീറ്റര് അകലെയാണ് സ്ഥിതി ചെയ്യുന്നത്. വിശദമായി വായിക്കാം
മികച്ച ട്രാവല് ഡീലുകളും ടിപ്സുകളും യാത്രാ വിവരണങ്ങളും അറിയാം... Subscribe to Malayalam Nativeplanet