Click it and Unblock the Notifications
വേമ്പനാട്ട് കായലും കനാലും നാടന് ഭക്ഷണവും അതിലും നാടന് കാഴ്ചകളും ഗ്രാമീണ ജീവിതവും ഉള്ക്കൊള്ളുന്ന വൈക്കം... ഇന്ത്യയുടെ ചരിത്രത്തോട് ചേര്ന്നു നില്ക്കുന്ന സംഭവങ്ങള്ക്ക് സാക്ഷ്യം വഹിച്ച, സഞ്ചാരികളുടെ മനസ്സു നിറയ്ക്കുന്ന കാഴ്ചകള് വൈക്കത്തിനു സ്വന്തമാണ്. ഇപ്പോഴിതാ ഉത്തരവാദിത്വ ടൂറിസം വഴി ലോക വിനോദ സഞ്ചാര ഭൂപടത്തില് ഇടം നേടിയിരിക്കുകയാണ് വൈക്കം.
വൈക്കം ഉത്തരവാദിത്വ ടൂറിസത്തെക്കുറിച്ചും ഇവിടുത്തെ പ്രത്യേകതകളെക്കുറിച്ചും വിശേഷങ്ങളെക്കുറിച്ചും വായിക്കാം...
കവര് ചിത്രം keralatourism
വൈക്കം
പ്രകൃതിഭംഗിയും ആത്മീയതയും
വൈക്കത്തില് നിന്നും ഒരിക്കലും അടര്ത്തി മാറ്റുവാന് സാധിക്കാത്ത രണ്ടു കാര്യങ്ങളാണ് ഇവിടുത്തെ പ്രകൃതിഭംഗിയും ആത്മീയതയും. കായലിന്റെ തിളക്കും തീരത്തെ കാഴ്ചകളും വൈക്കം മഹാ ദേവ ക്ഷേത്രവും വൈക്കത്തിന്റെ ഭംഗി ഇരട്ടിയാക്കുന്ന കാര്യങ്ങളാണ്.
ലോക ടൂറിസം ഭൂപടത്തിലെ വൈക്കം ഗ്രാമം
PC:Vishnubonam
പെപ്പര്
10 ഇടങ്ങള്
വൈക്കം നിയോജകമണ്ഡലത്തിലെ ചെമ്പ്, വെള്ളൂര്, മറവന്തുരുത്ത്, ടി.വി.പുരം, തലയാഴം, കല്ലറ, വെച്ചൂര്, ഉദയനാപുരം, തലയോലപ്പറമ്പ് എന്നീ പഞ്ചായത്തുകളിലും വൈക്കം നഗരസഭയിലുമാണ് നിലവില് പദ്ധതി നടപ്പാക്കിയിരിക്കുന്നത്
പാക്കേജ്
മറ്റു പാക്കേജുകള്
വടയാര് ആറ്റുവേലക്കടവിലൂടെ ബോട്ടിങ്. കയര് നിര്മാണം, ഓലമെടയല്, പപ്പട നിര്മാണം, ജാതിത്തോട്ടം നാടന് ഭക്ഷണം എന്നിവയാണ് മറവന്തുരുത്ത് പാക്കേജില് ഉള്പ്പെടുത്തിയിരിക്കുന്നത്.
ഏഴുമാന്തുരുത്തിലെ പാടശേഖരങ്ങളിലൂടെയുള്ള ബോട്ടിങ്. തഴപ്പായ നിര്മാണം, കള്ളുചെത്തല്, താറാവ് ഫാം, മാംഗോ മെഡോസ് പാര്ക്ക് ചേരുന്നതാണ് കല്ലറ പാക്കേജ്.
ഡയറി ഫാം, വെച്ചൂര് പശുഫാം, കയര് നിര്മാണം, പരമ്പരാഗത മീന്പിടിത്ത രീതികള് , ശിക്കാരവള്ളത്തിലുള്ള യാത്ര, നാടന് ഭക്ഷണം എന്നിവയാണ് വെച്ചൂര് പാക്കേജിലുള്ളത്.
സാംസ്കാരിക പാക്കേജ് എന്നാണ് തലയാഴം പാക്കേജ് അറിയപ്പെടുന്നത്. കളമെഴുത്തും പാട്ടും തിരുവാതിര കളിയും സര്പ്പക്കാവും ആണ് ഈ പാക്കേജില് കാണുവാന് കഴിയുക.
വൈക്കം ബോട്ടുജെട്ടിയില് നിന്ന് ഓട്ടോയില് യാത്ര ആരംഭിച്ച് മുറിഞ്ഞപുഴയില് എത്തിയശേഷം കനോപ്പി യാത്ര. കയര് നിര്മാണം എന്നിവ അടങ്ങിയതാണ് ഓട്ടോ പാക്കേജ്.
