സിക്കിം വിന്റർ കാർണിവൽ; വിന്റർ ആഘോഷിക്കാൻ സിക്കിമിലേക്ക്!

ബുദ്ധ വിഹാരങ്ങൾ

ടിബറ്റൻ ബുദ്ധിസ്റ്റുകളുടെ ഇന്ത്യയിലെ പ്രധാനപ്പെട്ട സ്ഥലങ്ങളിൽ ഒന്നാണ് സിക്കിം. അതിനാൽ തന്നെ സിക്കിമിൽ ചെറുതും വലുതുമായ നിരവധി ബുദ്ധവിഹാരങ്ങൾ കാണാൻ സാധിക്കും. റംടെക് ബുദ്ധവിഹാരമാണ് ഇതിൽ ഏറെ പ്രധാനം. സിക്കിമി‌ൽ എത്തുന്നവർ ഒരിക്കലും സന്ദർശനം ഒഴിവാക്കരുതാത്ത സ്ഥലമാണ് ഇത്.

ചിത്രത്തിന് കടപ്പാട്: dhillan chandramowli

ഗൊയിച്ചാ ലാ ട്രെക്കിംഗ്

സിക്കിമിൽ പോയിട്ട് കാഞ്ചൻ ജംഗ കണ്ടില്ലെങ്കിൽ അത് വലിയ നഷ്ടമായിരിക്കും. ഗോയിച്ചാ ലായിലേക്കുള്ള ട്രെക്കിംഗ് ആണ് കാഞ്ചൻ ജംഗ കാണാനുള്ള ഏറ്റവും നല്ല അവസരം. പടിഞ്ഞാറൻ സിക്കിമിലെ യുക്സോമിൽ നിന്നാണ് ഗോയിച്ചായിലേക്കുള്ള ട്രെക്കിം പാത ആരംഭിക്കുന്നത്.

സിക്കിമിന്റെ വടക്ക്

സഞ്ചാരികളെ എപ്പോഴും ആകർഷിപ്പിക്കുന്ന ഒന്നാണ് വടക്കൻ സിക്കിമിലെ വിദൂര പ്രദേശങ്ങളായ യുംതാങ്, സോപ്ത താഴ്വരകൾ. തുടർച്ചായുണ്ടാകുന്ന മണ്ണിടിച്ചിലും ഭൂമികുലുക്കവും ഈ പ്രദേശത്തേക്കുള്ള യാത്ര വളരെ ദുർഘടമാക്കിയിട്ടുണ്ട്. അത് തന്നെയാണ് ഇവിടേക്കുള്ള യാത്രയിലെ ത്രില്ലും.

ചിത്രത്തിന് കടപ്പാട്: Nichalp

തേയില തോട്ടങ്ങൾ

സിക്കിമിലെ തേയിലതോട്ടങ്ങളാണ് മറ്റൊരു മനോഹരമായ ദൃശ്യാനുഭവം സഞ്ചാരികൾക്ക് സമ്മാനിക്കുന്നത്. തെക്കൻ സിക്കിമിലെ ചെറുഗ്രാമമായ തേമിയാണ് തേയിലത്തൊട്ടങ്ങൾക്ക് പേരുകേട്ട സ്ഥലം. സിക്കിമിൽ ഈ പ്രദേശത്ത് മാത്രമേ തേയിലത്തോട്ടങ്ങൾ കാണാൻ കഴിയു.

ചിത്രത്തിന് കടപ്പാട്: Vikramjit Kakati

സുന്ദരമായ സൊംങ്‌കൊ തടാകം

സിക്കിമിലെ പേരുകേട്ട തടാകമാണ് സൊങ്‌കൊ തടാകം. പരുക്കൻ മലനിരകളുടെ പശ്ചാത്തലത്തിൽ സുന്ദരമായ കാഴ്ചയാണ് സോംങ്കോ തടാകം സഞ്ചാരികൾക്ക് ഒരുക്കിവയ്ക്കുന്നത്. ഗാംങ്ടോങിൽ നിന്ന് നാലുമണിക്കൂർ യാത്രയുണ്ട് ഇവിടേയ്ക്ക്.

ചിത്രത്തിന് കടപ്പാട്: Anupam Manur

ടീസ്റ്റ നദി

സിക്കിമിന്റെ താഴ്വരയിലൂടെ ശാന്തമായി ഒഴുകുന്ന നദിയാണ് ടീസ്റ്റ നദി. സാഹസികരായ സഞ്ചാരികൾക്ക് റിവർ‌ റാഫ്റ്റിംഗിന് ഇവിടെ സൗകര്യമുണ്ട്.

ചിത്രത്തിന് കടപ്പാട്: Anuj Kumar Pradhan

ടിബറ്റോളജി പഠിക്കാം

എന്തായാലും സിക്കിമിൽ എത്തിയതല്ലേ? ടിബറ്റൻ സംസ്കാരത്തേക്കുറിച്ചും വജ്രായന ബുദ്ധിസത്തെക്കുറിച്ചും പഠിക്കാൻ ഒരു സ്ഥലമുണ്ട് ഗാങ്ടോക്കിൽ. നാംഗ്യാൽ ഇൻസ്റ്റിട്യൂട്ട് ഓഫ് ടിബറ്റോളജി.

ചിത്രത്തിന് കടപ്പാട്: Nichalp

റോഡോഡെൻഡ്രോണിന്റെ സൗരഭ്യം

വാർസി, സിംഗ്ബ വനങ്ങളിൽ വളരുന്ന റോഡോഡെ‌ൻഡ്രോ എന്ന അപൂർവയിനം പൂക്കളുടെ സൗരഭ്യം ആസ്വദിക്കണമെങ്കിൽ മാർച്ച് മെയ് മാസത്തിൽ പോകണം. ചുവപ്പ്, പിങ്ക് മഞ്ഞ വെള്ള നിറങ്ങളിലായി പൂത്തുലഞ്ഞ് നിൽക്കുന്ന ആയിരക്കണക്കിന് ചെടികൾ സഞ്ചാരികളുടെ മനം കവരും.

ചിത്രത്തിന് കടപ്പാട്: Tarourashima