നദിയില്‍ പതിക്കുന്ന ഇലകളെ ചുവപ്പിക്കുന്ന താമ്രപര്‍ണി നദി

താമ്രപര്‍ണി നദി

തമിഴ്‌നാട്ടിലെ പ്രധാനപ്പെട്ട നദികളിലൊന്നാണ് താമ്രപര്‍ണി നദി. ഏറെ പ്രശസ്തമായ അഗസ്ത്യാര്‍കൂടം മലനിരകളില്‍ നിന്നും ഉത്ഭവിക്കുന്ന ഈ നദി തിരുന്നല്‍വേലി വഴി മാന്നാര്‍ ഉള്‍ക്കടലില്‍ പതിക്കുന്ന നദിയാണ്. പഴയ തിരുവിതാംകൂര്‍ രാജ്യത്തിന്റെ ഭാഗമായിരുന്നുവത്രെ ഈ നദി.

PC:Rahuljeswin

താന്‍ പൊരുനൈ

ആദ്യകാലങ്ങളില്‍ ഈ നദി അറിയപ്പെട്ടിരുന്നത് താന്‍ പൊരുനൈ എന്നായിരുന്നുവത്രെ. അക്കാലത്തെ പ്രധാന തമിഴ് കൃതികളിലൊന്നായ എട്ടുതൊകൈ ഉള്‍പ്പെടെയുള്ളവയില്‍ ഇതിനെക്കുറിച്ച് പരാമര്‍ശിച്ചിട്ടുണ്ട്.

PC:Graham Racher

ഇലയെ ചുവപ്പാക്കുന്ന നദി

തമിരം എന്നും പറനി എന്നുമുള്ള രണ്ടു വാക്കുകളില്‍ നിന്നാണ് താമ്രപര്‍ണി നദിക്ക് ആ പേരുലഭിക്കുന്നത്. തമിരം എന്നാല്‍ തമിഴില്‍ കോപ്പര്‍ അഥവാ ചെമ്പ് എന്നും പറനി എന്നാല്‍ ഇല എന്നാണുമര്‍ഥം. അതിനാലാണ് ഇലയെ ചുവപ്പാക്കുന്ന നദി എന്ന് ഇതറിയപ്പെടുന്നത്. നദിയില്‍ ചെമ്പിന്റെ വലിയ തോതിലുള്ള നിക്ഷേപമുണ്ടത്രെ.

PC:Rehman Abubakr

പുരാണങ്ങളിലെ തമ്രപര്‍ണി

പാണ്ഡ്യരാജവംശക്കാലത്ത് മുത്തുകള്‍ ധാരാളമായി വ്യവസായം നടത്തിയിരുന്നത് തമ്രപര്‍ണിയുടെ സമീപത്തുള്ള കൊര്‍ക്കൈ എന്നസ്ഥലത്തായിരുന്നുവത്രെ. തോല്‍ക്കാപ്പിയം, രധുവംശ തുടങ്ങിയ ഗ്രന്ഥങ്ങളിലും ഇതിനെക്കുറിച്ച് പറയുന്നുണ്ട്. രാമായണത്തിലും മഹാഭാരതത്തിലും വരെ ഈ നദിയെക്കുറിച്ച് പരാമര്‍ശിച്ചിട്ടുണ്ട്.

PC:Kautilya

ഉത്ഭവം

പൊതിഗൈ മലനിരകള്‍ എന്നറിയപ്പെടുന്ന അഗസ്ത്യമലനിരകളില്‍ നിന്നുമാണ് ഈ നദി ഉത്ഭവിക്കുന്നത്. സമുദ്രനിരപ്പില്‍ നിന്നും ഏകദേശം 1725 മീറ്റര്‍ ഉയരത്തിലായാണ് ഇതിന്റെ ഉത്ഭവ സ്ഥാനം.

PC:Sdsenthilkumar

പാനതീര്‍ഥം വെള്ളച്ചാട്ടം

താമ്രപര്‍ണി നദി ഒഴുകുമ്പോള്‍ ഉണ്ടാകുന്ന അതിമനോഹരമായ വെള്ളച്ചാട്ടമാണ് പാനതീര്‍ഥം വെള്ളച്ചാട്ടം. ഏകദേശം നാല്പത് മീറ്ററോളം ഉയരത്തില്‍ നിന്നുമാണ് ഈ വെള്ളച്ചാട്ടം പതിക്കുന്നത്.

PC:Bastintonyroy

നദീതിരത്തെ നഗരങ്ങള്‍

ഉത്ഭവസ്ഥാനത്തു നിന്നും ഏകദേശം 123 കിലോമീറ്റര്‍ സഞ്ചരിച്ചാണ് ഈ നദി ഇന്ത്യന്‍ മഹാസമുദ്രത്തില്‍ പതിക്കുന്നത്. തിരുനെല്‍വേലി, തിരുച്ചെണ്ടൂര്‍, ശ്രീവൈകുണ്ഠം, അംബാസമുദ്രം തുടങ്ങിയ സ്ഥലങ്ങള്‍ ഈ നദിക്കരയിലാണ് സ്ഥിതി ചെയ്യുന്നത്.

PC:Karthikeyan.pandian

താമ്രപര്‍ണിയില്‍ മുങ്ങിക്കുളിക്കാം

കേരളത്തിലെ ഏറ്റവും പ്രയാസമേറിയ ട്രക്കിങ്ങ് റൂട്ടുകളില്‍ ഒന്നായ അഗസ്ത്യാര്‍കൂടം ട്രക്കിങ്ങ് താമ്രപര്‍ണി നദിവഴിയാണ് കടന്നുപോകുന്നത്. അഗസ്ത്യാര്‍കൂടം കയറുന്നവര്‍ ഈ നദിയില്‍ മുങ്ങിക്കുളിച്ചതിനു ശേഷമാണ് കൊടുമുടി കയറാന്‍ പോകുന്നത്.

PC:Infocaster