ശ്രാവണബല്ഗോള
കര്ണ്ണാടകയിലെ ഹാസന് ജില്ലയില് സ്ഥിതി ചെയ്യുന്ന ശ്രാവണബല്ഗോളയിലാണ് ലോകത്തിലെ ഏറ്റവും വലിയ ഒറ്റക്കല് പ്രതിമയായ ബാഹുബലി അഥവാ ഗോമതേശ്വരന്റെ പ്രതിമ സ്ഥിതി ചെയ്യുന്നത്. 58 അടി ഉയരമുള്ള ഈ പ്രതിമ ജൈന വിശ്വാസികളുടെ തീര്ഥാടന കേന്ദ്രങ്ങളിലൊന്നു കൂടിയാണ്.
PC:Rvsssuman
അരിഷ്ടനേമിയുടെ കലാവിരുത്
ഗോമതേശ്വരനോടുള്ള ആദര സൂചകമായി ഗംഗാ സാമ്രാജ്യത്തിലെ സൈന്യാധിപനായിരുന്ന ചാമുണ്ഡരായനാണ് പത്താം നൂറ്റാണ്ടില് ഈ പ്രതിമ സ്ഥാപിക്കുന്നത്. ഒറ്റക്കല്ലില് ഈ പ്രതിമ തീര്ത്തിരിക്കുന്നത് അരിഷ്ടനേമി എന്നു പേരായ ശില്പിയാണ്.
PC:Arpa Ghosh
കയോത്സര്ഗ്ഗ
രണ്ടായിരത്തിലധികം വര്ഷം പഴക്കമുണ്ടെന്ന് വിശ്വസിക്കുന്ന ഈ പ്രതിമയില് കയോത്സര്ഗ്ഗ അവസ്ഥയാണ് കൊത്തിയിരിക്കുന്നത്. ഭൂമിയില് കാലുറപ്പിച്ച് കൈകള് ശരീരത്തില് തൊടാതെ താഴ്ത്തിയിട്ട് മുഖത്ത് ചെറിയൊരു പുഞ്ചിരിയോടെ നില്ക്കുകയാണ് ഇവിടെ ഗോമതേശ്വരന്. ശരീരം വെടിയുന്നതിന് തൊട്ടു മുന്പുള്ള അവസ്ഥയായാണ് ഇതിനെ കണക്കാക്കുന്നത്.
PC:Ananth H V
മഹാമസ്താഭിഷേകം
12 വര്ഷത്തിലൊരിക്കല് ഇവിടെ നടക്കുന്ന മഹാമസ്താഭിഷേകം ഏറെ പ്രശസ്തമാണ്. ചന്ദനം, അരിപ്പൊടി, മഞ്ഞള്, കുങ്കുമം, പാല്, നെയ്യ്, തൈര്, കരിമ്പിന് നീര് എന്നിവ ഉപയോഗിച്ച് നടത്തുന്ന അഭിഷേക ചടങ്ങാണിത്. പതിനായിരക്കണക്കിന് വിശ്വാസികളാണ് ഈ ചടങ്ങില് പങ്കെടുക്കാനെത്തുന്നത്.
കര്കള
ഉഡുപ്പിയില് നിന്നും 60 കിലോമീറ്റര് അകലെ പശ്ചിമഘട്ടത്തിന്റെ മടിത്തട്ടില് സ്ഥിതി ചെയ്യുന്ന കര്കളയിലാണ് ബാഹുബലിയുടെ പ്രശസ്തമായ മറ്റൊരു പ്രതിമയുള്ളത്.
42 അടി ഉയരമുള്ള ഈ പ്രതിമ ഗോമതശ്വര കുന്നുകളിലാണ് സ്ഥിതി ചെയ്യുന്നത്.
PC: Dr Murali Mohan Gurram
വെന്നൂര്
ജൈന് ഭരണാധികാരിയായിരുന്ന തിമ്മന അജിലയുടെ നേതൃത്വത്തില് നിര്മ്മിച്ച വെന്നൂരിലെ ബാഹുബലി പ്രതിമ ഫല്ഗുനി നദിക്കരയിലാണ് സ്ഥിതി ചെയ്യുന്നത്. ബെല്ത്തങ്ങാടി എന്ന ഗ്രാമത്തിലാണ് ഇതുള്ളത്. 1604 ലാണ് ഈ പ്രതിമ സ്ഥാപിക്കുന്നത്.
ബിന്നാനി ബസഡി, മഹാലിംഗേസ്വര ക്ഷേത്രം തുടങ്ങിയവയാണ് ഇവിടുത്തെ മറ്റ് ആകര്ഷണങ്ങള്.
PC: Vikas m
ഗോമതാഗിരി
മൈസൂരില് നിന്നും 20 കിലോമീറ്റര് അകലെയുള്ള ഗോമതാഗിരിയിലാണ് ബാഹുബലിയുടെ മറ്റൊരു പ്രതിമ സ്ഥിതി ചെയ്യുന്നത്. 700 വര്ഷത്തോളം പഴക്കമുണ്ടെ്നന് വിശ്വസിക്കപ്പെടുന്ന ഈ പ്രതിമ വിജയനഗര രാജാക്കന്മാരുടെ കാലത്താണ് നിര്മ്മിക്കുന്നത്.
20 അടി മാത്രം ഉയരമുള്ള ഊ പ്രതിമയ്ക്ക് ശ്രാവണബല്ഗോളയിലെ പ്രതിമയുമായി ഏറെ സാദൃസ്യമുണ്ട്.
PC: Rajan Thambehalli
ധര്മ്മസ്ഥല
ബെലല്ത്തങ്ങാടിക്ക് സമീപം നേത്രാവതി നദിക്കരയില് സ്ഥിതി ചെയ്യുന്ന ധര്മ്മസ്ഥലയിലെ ബാഹുബലി പ്രതിമയ്ക്ക് 39 അടിയാണ് ഉയരം. ഇതിനു സമീപം തന്നെയാണ് ഗോമതേശ്വരന്റെ പ്രതിമയുള്ള ധര്മ്മസ്ഥല ക്ഷേത്രവും സ്ഥിതി ചെയ്യുന്നത്.
PC: Abdulla Al Muhairi
Click it and Unblock the Notifications
#/media/File:Statue_of_Bahubali.jpg){kind=link}
.jpg){kind=link}
