» » കുട്ടികളെയും കൊണ്ട് ധൈര്യത്തില്‍ പോകാന്‍ പറ്റിയ സ്ഥലങ്ങള്‍

കുട്ടികളെയും കൊണ്ട് ധൈര്യത്തില്‍ പോകാന്‍ പറ്റിയ സ്ഥലങ്ങള്‍

Written By: Elizabath

കുട്ടികളെയും കൊണ്ട് ധൈര്യത്തില്‍ പോകാന്‍ പറ്റിയ സ്ഥലങ്ങള്‍
അല്പം സാഹസികതയും ധൈര്യവുമുള്ളവര്‍ മാത്രമേ കുട്ടികളെ യാത്രകളില്‍ കൂടെക്കൂട്ടാറുള്ളു. എന്നാല്‍ യാത്ര ചെയ്യാന്‍ താല്പര്യമുള്ള കുഞ്ഞുങ്ങളെ അങ്ങനെ വീട്ടിലിരുത്താന്‍ പറ്റാത്ത മാതാപിതാക്കള്‍ക്ക് ഈ സ്ഥലങ്ങള്‍ ഒന്നു പരീക്ഷിക്കാം. എളുപ്പത്തില്‍ വലിയ മുന്നൊരുക്കങ്ങളില്ലാതെ പോയി തിരിച്ചുവരാന്‍ പറ്റിയ കുറച്ച് സ്ഥലങ്ങള്‍. അകലെയെവിടെയുമല്ല. നമ്മുടെ കേരളത്തില്‍ തന്നെ...

വാഗമണ്‍

വാഗമണ്‍

അധികം തണുപ്പില്ലാത്ത ഒരു ദിവസം വാഗമണ്ണിനിറങ്ങിയാല്‍ അടിച്ചുപൊളിച്ചു തിരിച്ചുവരാം. പൈന്‍ ഫോറസ്റ്റും മൊട്ടക്കുന്നും കണ്ട് കുട്ടികള്‍ ക്ഷീണിച്ചില്ലെങ്കില്‍ നേരെ പുള്ളിക്കാനം വഴി തൊടുപുഴയ്ക്ക വരാം. അധികം ബഹളങ്ങളില്ലാത്ത ഈ വഴി കുട്ടികള്‍ക്ക് തീര്‍ച്ചയായും ഇഷ്ടമാവും.

PC: Blak Aris

തേക്കടി

തേക്കടി

കുറച്ച് ബഹളത്തിന്റെ സ്ഥലമാണെങ്കിലും കുട്ടികള്‍ക്ക് തേക്കടി ഇഷ്ടപ്പെടും എന്നതില്‍ തര്‍ക്കമില്ല. ഇതിനോട് ചേര്‍ന്നുള്ള പെരിയാര്‍ വൈല്‍ഡ് ലൈഫ് സാങ്ച്വറിയും അവിടുത്തെ കാഴ്ചകളും കുട്ടികളുടെ മനസ്സ് നിറയ്ക്കും.

PC:green umbrella

മുഴപ്പിലങ്ങാട് ബീച്ച്

മുഴപ്പിലങ്ങാട് ബീച്ച്

കടലിന്റെ സൗന്ദര്യവും അസ്തമയ സൂര്യന്റെ ഭംഗിയും കുട്ടികളെ കാണിക്കണമെങ്കില്‍ മുഴപ്പിലങ്ങാട് ഡ്രൈവ് ഇന്‍ ബീച്ചിനോളം നല്ല ഓപ്ഷന്‍ വേറെയില്ല. നാലു കിലോമീറ്ററോളം ദൂരത്തില്‍ തലശ്ശേരിക്കും കണ്ണൂരിനും ഇടയിലായാണ് ഈ ബീച്ച് സ്ഥിതി ചെയ്യുന്നത്. കേരളത്തിലെ തന്നെ മികച്ച ബീച്ചുകളില്‍ ഒന്നു കൂടിയാണ് മുഴപ്പിലങ്ങാട്.

PC: Uberscholar

ഫോര്‍ട്ട് കൊച്ചി ബോട്ട് യാത്ര

ഫോര്‍ട്ട് കൊച്ചി ബോട്ട് യാത്ര

ഫോര്‍ട്ട് കൊച്ചിയിലേക്ക് യാത്രയ്‌ക്കൊരുങ്ങുകയാണെങ്കില്‍ രണ്ടുണ്ട് കാര്യം. കുട്ടികള്‍ക്ക് ബോട്ടിലും കയറാം ഫോര്‍ട്ട് കൊച്ചിയും കാണാം. ഫോര്‍ട്ട് കൊച്ചിയിലെ ബീച്ചിലൂടെ നടക്കാനും സമീപത്തെ വിവിധ ടൂറിസ്റ്റ് കേന്ദ്രങ്ങള്‍ സന്ദര്‍ശിക്കാനും ഈ സന്ദര്‍ഭം ഉപയോഗിക്കാം.

PC: prateekb

കുമരകം

കുമരകം


ഭക്ഷണം ഇഷ്ടപ്പെടുന്നവരാണെങ്കില്‍ കണ്ണടച്ച് കുട്ടികളെയും കൂട്ടി കുമരകത്തിനിറങ്ങാം. കുമരകത്തേക്കുള്ള വഴിയില്‍ രുചിയേറിയ നാടന്‍ വിഭവങ്ങളും കപ്പയും മീനുമൊക്കെ കിട്ടുന്ന ധാരാളം സ്ഥലങ്ങളുണ്ട്.

PC: Kaveri Jain

പയ്യാമ്പലം ബീച്ച്

പയ്യാമ്പലം ബീച്ച്

കണ്ണൂര്‍ ജില്ലയില്‍ പയ്യാമ്പലം ബീച്ചില്‍ ഒരിക്കലെങ്കിലും പോകാത്തവര്‍ കുറവായിരിക്കും. അധികം ബഹളങ്ങളിത്താത്ത ഈ ബീച്ചില്‍ കുട്ടികളെയും കൊണ്ട് ധൈര്യമായി പോകാവുന്ന ഒരിടമാണ്. മാത്രമല്ല കടലില്‍ കളിക്കാന്‍ താല്പര്യമില്ലാത്തവര്‍ക്ക് തൊട്ടടുത്തു തന്നെയുള്ള പാര്‍ക്കിലെ സൗകര്യങ്ങള്‍ പ്രയോജനപ്പെടുത്താം.

PC:sreejith Kenoth

 മലമ്പുഴ

മലമ്പുഴ

മലമ്പുഴ പലര്‍ക്കും ഗൃഹാതുരത്വമുണര്‍ത്തുന്ന ഓര്‍മ്മയാണ്. ഡാമും പൂന്തോട്ടവും റോക്ക് ഗാര്‍ഡനും പാര്‍ക്കുമൊക്കെയുള്ള ഇവിടം കുട്ടികള്‍ക്കിഷ്ടമാകുമെന്ന് തീര്‍ച്ച.

PC:Jaseem Hamza

ആലപ്പുഴ ബീച്ചും ലൈറ്റ് ഹൗസും

ആലപ്പുഴ ബീച്ചും ലൈറ്റ് ഹൗസും

ലൈറ്റ് ഹൗസുകളുടെ അത്ഭുതവും ചരിത്രവുമൊക്കെ അറിയാന്‍ കൗതുകമുള്ള കുട്ടികളെ കൂട്ടി ഇത്തവണ ആലപ്പുഴയ്ക്ക് പോകാം. കഥപറയുന്ന കടല്‍പ്പാലവും ബീച്ചും ലൈറ്റ് ഹൗസുമെല്ലാം ഒരു നല്ല വൈകുന്നേരത്തിനുള്ള വകുപ്പായി.

PC: Mpmanoj

രാമക്കല്‍മേട്

രാമക്കല്‍മേട്

കുട്ടികള്‍ സാഹസികത ആസ്വദിക്കാനായി എന്നു തോന്നിയാല്‍ സംശയിക്കണ്ട അടുത്ത യാത്രയ്ക്ക് രാമക്കല്‍മേട് തിരഞ്ഞെടുക്കാം. പച്ചമലനിരകളാല്‍ ചുറ്റപ്പെട്ട ഇവിടനിന്നുള്ള ബോടി, കമ്പം ഗ്രാമങ്ങളുടെ മനോഹരമായ ഉയരക്കാഴ്ച അതിശയിപ്പിക്കുന്നതായിരിക്കും.

pc: Rojypala

 നിലമ്പൂര്‍ തേക്ക് മ്യൂസിയം

നിലമ്പൂര്‍ തേക്ക് മ്യൂസിയം

ലോകത്തെ ഏറ്റവും പഴക്കം ചെന്ന തേക്കിന്‍തോട്ടവും അലസമായൊഴുകുന്ന ചാലിയാറും നെടുങ്കയം മഴക്കാടും മണ്‍പാത്ര നിര്‍മ്മാണത്തില്‍ പേരുകേട്ട അരുവാക്കോടുമൊക്കെ നിലമ്പൂരിനു മാത്രം നല്കാന്‍ കഴിയുന്ന കാഴ്ചകളാണ്.

PC: Vengolis

Please Wait while comments are loading...