കൊല്ക്കത്തയും ദീപാവലിയും
ഇന്ത്യയില് വ്യത്യസ്തമായ രീതിയില് ദിപാവലി ആഘോഷിക്കുന്ന സ്ഥലങ്ങളില് പ്രധാനപ്പെട്ടയിടമാണ് കൊല്ക്കത്ത.
PC: Matthias Rosenkranz
കാളീദേവിയെ പൂജിച്ചുള്ള ആഘോഷം
കൊല്ക്കത്തക്കാര്ക്ക് ആഘോഷാവസരങ്ങള് ഏതായാലും കാളീപൂജ നിര്ബന്ധമാണ്. ശ്രീകൃഷ്ണന് നരകാസുരനെ വധിച്ചതിന്റെ ഓര്മ്മയ്ക്കായിട്ടാണ് ദീപാവലി ആഘോഷിക്കുന്നതെങ്കിലും കാളീപൂജയാണ് ഇവിടുത്തെ പ്രധാന ചടങ്ങ്. അതിനു ശേഷം മാത്രമേ ഇവിടെ ദീപാവലിയുടെ ചടങ്ങുകള്ക്ക് തുടക്കമാവു.
PC:Shahnawaz Sid
സുന്ദര്ബന്സ് ദേശീയോദ്യാനം
ലോകത്തിലെ ഏറ്റവും വലിയ കണ്ടല്ക്കാടുകള് സ്ഥിതി ചെയ്യുന്ന സ്ഥലമാണ് സുന്ദര്ബന്സ് ദേശീയോദ്യാനം . അതിനാല്ത്തന്നെ ലോകത്തെമ്പാടുനിന്നുമുള്ള പ്രകൃതി സ്നേഹികളുടെയും വന്യജീവി സംരക്ഷകരുടെയും ഇഷ്ടയിടം കൂടിയാണിവിടം.
ഭാഗ്യം തുണച്ചാല് ബംഗാള് കടുവകളെ കാണാനും സാധിക്കും.
കൊല്ക്കത്തയില് നിന്നും 109 കിലോമീറ്ററാണ് ഇവിടേക്കുള്ള ദൂരം.
PC:Spattadar
ഡാര്ജലിങ്
ഇന്ത്യയിലെ ഏറ്റവും പ്രശസ്തമായ ഹില്സ്റ്റേഷനാണ് ഡാര്ജലിങ്. കാഞ്ചന്ജംഗ ദേശീയോദ്യാനവും തേയിലത്തോട്ടങ്ങളുടെ മനംമയക്കുന്ന ഭംഗിയുമാണ് ഇവിടുത്തെ പ്രത്യേകത.
കൊല്ക്കത്തയില് നിന്നും 615 കിലോമീറ്ററാണ് ഇവിടേക്കുള്ള ദൂരം.
PC:Jamey Cassell
കൂച്ച് ബെഹാര്
ബംഗാളിലെ ഏക ആസൂത്രിത നഗരമായ കൂച്ച് ബെഹാര് ഹിമാലയത്തിന്റെ മടിത്തട്ടിലാണ് സ്ഥിതി ചെയ്യുന്നത്. കൂച്ച് ബെഹാര് പാലസ് എന്നറിയപ്പെടുന്ന കൊട്ടാരമാണ് ഇവിടുത്തെ പ്രധാന കാഴ്ച.
ക്ലാസിക്കല് വെസ്റ്റേണ് ശൈലിയില് നിര്മ്മിച്ചിരിക്കുന്ന ഈ കൊട്ടാരം കാണേണ്ട കാഴ്ച തന്നെയാണ്.
PC:Amartyabag
ബിഷ്ണുപൂര്
ടെറാക്കോട്ട ക്ഷേത്രങ്ങള്ക്ക് പേരുകേട്ടയിടമാണ് ബിഷ്ണുപൂര്. ഗുപ്ത രാജാക്കന്മാരുടെ കാലത്ത് നിര്മ്മിക്കപ്പെട്ട ടെറാക്കോട്ട ക്ഷേത്രങ്ങള് ചരിത്രത്തെയും സ്മാരകങ്ങളെയും വാസ്തുവിദ്യയെയും സ്നേഹിക്കുന്നവര്ക്ക് പറ്റിയ സ്ഥലമാണ്.
PC:Pdhang
മാന്ദര്മാനി
കൊല്ക്കത്തയില് നിന്നും എളുപ്പത്തില് പോയി വരാവുന്ന ഒരു കടലോര പ്രദേശമാണ് മാന്ദര്മാനി. യോഗയില് താല്പര്യമുള്ളവര്ക്ക് രാവിലെയും അല്പം റൊമാന്റിക് ആയവര്ക്ക് വൈകുന്നേരവും സന്ദര്ശിക്കാന് പറ്റിയ സ്ഥലമാണിത്.
PC:Joydeep
Click it and Unblock the Notifications
