»കേരളത്തില് തന്നെ കറങ്ങാം ഈ ഏപ്രില് മാസത്തില്..കാരണങ്ങള് നിരവധി
കേരളത്തില് തന്നെ കറങ്ങാം ഈ ഏപ്രില് മാസത്തില്..കാരണങ്ങള് നിരവധി
Travel Guide
oi-Elizabeth Joseph
പലപ്പോഴും നമുക്ക് നമ്മുടെ നാട് കണ്ടുതീര്ക്കുന്നതിലും താല്പര്യം മറ്റിടങ്ങളിലേക്ക് യാത്ര ചെയ്യുന്നതിനായിരിക്കും. ഏതു തരത്തിലുമുള്ള സഞ്ചാരികള്ക്കും വേണ്ടതെല്ലാം കേരളത്തിലുണ്ട്.
നമ്മുടെ നാടിനെക്കുറിച്ച് പറയുവാന് പ്രത്യേകിച്ച് മുഖവുരയുടെ ആവശ്യം നമുക്കാര്ക്കുമില്ല. ലോകത്തിന്റെ എല്ലാ കോണുകളില് നിന്നും സഞ്ചാരികള് ഒഴുകിയെത്തുന്ന കേരളത്തെ ദൈവത്തിന്റെ സ്വന്തം നാടെന്നു വിശേഷിപ്പുന്നതില് അതിശയം ഒട്ടുമേയില്ല. പ്രകൃതിഭംഗിയും പച്ചപ്പും ഉത്സവങ്ങളും ആഘോഷവും കാടും മേടും പുല്മേടും മലമടക്കുകളും കടലും തീരവും അങ്ങനെയങ്ങനെ മനസ്സില് കയറിനില്ക്കുന്ന ഒട്ടേറെ കാര്യങ്ങള് കേരളം സഞ്ചാരികള്ക്ക് വാഗ്ദാനം ചെയ്യുന്നു.
പലപ്പോഴും നമുക്ക് നമ്മുടെ നാട് കണ്ടുതീര്ക്കുന്നതിലും താല്പര്യം മറ്റിടങ്ങളിലേക്ക് യാത്ര ചെയ്യുന്നതിനായിരിക്കും. ഏതു തരത്തിലുമുള്ള സഞ്ചാരികള്ക്കും വേണ്ടതെല്ലാം കേരളത്തിലുണ്ട്.
ആഘോഷങ്ങളില് പങ്കെടുക്കാം
പൂരങ്ങളുടെയും തെയ്യങ്ങളുടെയും അവസാന സീസണ് വരുന്നത് ഏപ്രില് മാസത്തോടെയാണ്. കാവുകളിലും ക്ഷേത്രങ്ങളിലും ആവോളം സമയം ചിലവഴിക്കുവാനും തെയ്യങ്ങളും തിറയും കണ്ട് ആഘോഷിക്കുവാനും ഈ സമയം പ്രയോജനപ്പെടുത്താം. വിഷുവാണ് ഏപ്രില് മാസത്തിലെ മറ്റൊരു പ്രധാന ആഘോഷം. വിഷുക്കണിയും കൈനീട്ടവും സദ്യയും എല്ലാമായി കേരളീയര് പ്രത്യേകിച്ച് മലബാറുകാര് വിഷുക്കാലം ആഘോഷിക്കുന്നു.
സാഹസികരാകാം
സാഹസിക യാത്രയില് താല്പര്യമുള്ളവര്ക്ക് നിരവധി കാര്യങ്ങള് ഇവിടെ ആസ്വദിക്കുവാനുണ്ട്. തിരുവനന്തപുരത്തെ കോവളം, വര്ക്കല ബീച്ചുകളില് നിന്നും സര്ഫിങ്ങും കയാക്കിങ്ങും പാരാഗ്ലൈഡിങ്ങും എല്ലാം ചെയ്യുവാനുള്ള അവസരമുണ്ട്. സ്കൂബാ ഡൈവിങ്ങിനും ഇവിടെ സാധ്യതകളുണ്ട്. കൊല്ലം ജില്ലയിലെ മണ്റോ തുരുത്തില് നിങ്ങള്ക്ക് കനോയിങ് ആസ്വദിക്കാം. കുട്ടവഞ്ചിയിലോ സാധാരണ വള്ളത്തിലോ കനാലിന്റെ കാഴ്ചകള് മൂന്നു മണിക്കൂറോളം സമയം ആസ്വദിക്കുവാനുള്ള പാക്കേജാണ് ഇവിടെയുള്ളത്.
വാട്ടര് സ്പോര്ട്സില് താല്പര്യമില്ലാത്തവര്ക്ക് ഫിഷിങ്ങും ട്രക്കിങ്ങും ജീപ്പ് സഫാരിയുമടക്കം വേറെയും സാധ്യതകള് ഒരുപാടുണ്ട്.
കായലിലൂടെ ഒരു സഫാരി
നമ്മുടെ നാട്ടില് ഒരിക്കലും മിസ് ചെയ്യരുതാത്ത കാര്യങ്ങളില് ഒന്നാണ് കായലിലൂടെ കെട്ടുവഞ്ചിയിലുള്ള യാത്ര. ഇരുവശവും തിങ്ങിനിറഞ്ഞു നില്ക്കു്ന തെങ്ങിന് തോപ്പുകള്ക്കു നടുവിലൂടെ കെട്ടുവള്ളത്തിലോ വഞ്ചിയിലോ ഉള്ള യാത്ര പ്രകൃതിയോട് ചേര്ന്നുള്ള കാഴ്ചകളിലേക്ക് നമ്മെ എത്തിക്കും. യഥാര്ത്ഥ കേരളീയ ഭംഗി എന്നത് ഈ യാത്രകളിലാണ് അറിയുവാന് സാധിക്കുക.