»ഈ ക്ഷേത്രങ്ങളിൽ വെച്ച് ഫോൺ ഉപയോഗിച്ചാൽ എട്ടിന്റെ പണി; അറിയാം മൊബൈൽ നിരോധിച്ച ക്ഷേത്രങ്ങൾ
ഈ ക്ഷേത്രങ്ങളിൽ വെച്ച് ഫോൺ ഉപയോഗിച്ചാൽ എട്ടിന്റെ പണി; അറിയാം മൊബൈൽ നിരോധിച്ച ക്ഷേത്രങ്ങൾ
Travel Guide
oi-Elizabeth Joseph
ബൈൽ ഫോണുകൾക്ക് നേരത്തെതന്നെ വിലക്കേർപ്പെടുത്തിയ നിരവധി ക്ഷേത്രങ്ങൾ നമ്മുടെ നാട്ടിലുണ്ട്. ഗുരുവായൂർ ക്ഷേത്രം അതിലൊന്നാണ്. മൊബൈൽ ഫോണുകൾക്ക് നിരോധനം ഏർപ്പെടുത്തിയ ക്ഷേത്രങ്ങള് ഏതൊക്കെയാണെന്നു നോക്കാം....
ക്ഷേത്രങ്ങളിലെ മൊബൈൽ ഫോൺ ഉപയോഗം സംബന്ധിച്ച് വ്യത്യസ്ത അഭിപ്രായങ്ങളാണ് ആളുകൾക്കുള്ളത്. വിശ്വാസത്തോടെയും പവിത്രതയോടെയും കാണേണ്ട സ്ഥലത്ത് മൊബൈൽ ഫോണുകളുടെ ആവശ്യമില്ലെന്നാണ് ഒരു വിഭാഗം പറയുന്നത്. നേരത്തെ ദ്രാസ് ഹൈക്കോടതി തമിഴ്നാട്ടിലെ ക്ഷേത്രങ്ങളിൽ മൊബൈൽ ഫോണുകൾ വിലക്കിയത്. ക്ഷേത്രങ്ങളുടെ പവിത്രതയും പരിശുദ്ധിയും കാത്തുസംരക്ഷിക്കുവാനായാണ് ക്യാമറകളും ഫോണുകളും നിരോധിക്കുന്നതെന്നായിരുന്നു ഉത്തരവിൽ പറഞ്ഞത്.
എന്നാൽ മൊബൈൽ ഫോണുകൾക്ക് നേരത്തെതന്നെ വിലക്കേർപ്പെടുത്തിയ നിരവധി ക്ഷേത്രങ്ങൾ നമ്മുടെ നാട്ടിലുണ്ട്. ഗുരുവായൂർ ക്ഷേത്രം അതിലൊന്നാണ്. മൊബൈൽ ഫോണുകൾക്ക് നിരോധനം ഏർപ്പെടുത്തിയ ഇന്ത്യയിലെ ക്ഷേത്രങ്ങള് ഏതൊക്കെയാണെന്നു നോക്കാം...
തിരുപ്പതി ക്ഷേത്രവും മൊബൈൽ ഫോണും
തിരുപ്പതി ബാലാജി ക്ഷേത്രത്തിലും മൊബൈൽ ഫോണുകൾക്ക് കർശന വിലക്ക് ഏർപ്പെടുത്തിയിട്ടുണ്ട്. ക്ഷേത്രത്തിൽ തിരുമല തിരുപ്പതി ദേവസ്ഥാനത്തിന്റെ സൗജന്യ മൊബൈൽ ഡെപ്പോസിറ്റിങ് സെന്റർ പ്രവർത്തിക്കുന്നുണ്ട്. . ക്ഷേത്രത്തിൽ പ്രവേശിക്കുന്നതിന് മുമ്പ് സുരക്ഷാ ഉദ്യോഗസ്ഥർ നിങ്ങളുടെ ഇലക്ട്രോണിക് ഉപകരണങ്ങൾ ക്യൂവിൽ ശേഖരിക്കുകയാണ് ചെയ്യുന്നത്.
തമിഴ്നാട്ടിലെ ക്ഷേത്രങ്ങളിൽ മൊബൈൽ ഫോൺ ഉപയോഗിക്കുന്നതിന് മദ്രാസ് ഹൈക്കോടതി വിലക്ക് ഏർപ്പെടുത്തി.
തൂത്തുക്കുടി ജില്ലയിലെ തിരുച്ചെന്തൂർ സുബ്രഹ്മണ്യ സ്വാമി ക്ഷേത്രത്തിനുള്ളിൽ മൊബൈൽ ഫോൺ നിരോധനം ആവശ്യപ്പെട്ട് എം സീതാരാമൻ എന്നയാൾ സമർപ്പിച്ച പൊതുതാല്പര്യ ഹർജിയിലാണ് മധുര ബെഞ്ച് വിധി പറഞ്ഞത്.
സംസ്ഥാനത്തെ എല്ലാ ക്ഷേത്രങ്ങളിലും ശുദ്ധിയും പവിത്രതയും കാത്തുസൂക്ഷിക്കുന്നതിനുള്ള നിർദ്ദേശങ്ങൾ പാലിക്കാൻ തമിഴ്നാട് സർക്കാരിന്റെ ഹിന്ദു റിലീജിയസ് ആൻഡ് ചാരിറ്റബിൾ എൻഡോവ്മെന്റ് വകുപ്പിനാണ് കോടതി നിർദ്ദേശം നൽകിയത്.