കേരളത്തിലെ ചരിത്രപ്രസിദ്ധമായ മുസ്ലീംപള്ളികള്‍

പൊന്നാനി വലിയ ജുമുഅത്ത് പള്ളി

ചെറിയ മെക്കാ എന്ന് അറിയപ്പെടുന്ന പൊന്നാനിയിലാണ് ഈ പള്ളി സ്ഥിതി ചെയ്യുന്നത്. പൊന്നാനിയിലെ വിനോദ സഞ്ചാര ആകർഷണങ്ങളിൽ ഒന്നാണ് ക്ഷേത്രത്തിന്റെ ആകൃതിയിൽ നിർമ്മിച്ചിട്ടുള്ള ഈ പള്ളി. കേരളത്തിലെ പ്രശസ്തമായ മുസ്ലീം മതപഠന കേന്ദ്രമായിരുന്ന പൊന്നാനിയിലെ ഈ പള്ളിക്ക് ഏറേ ചരുത്ര പ്രാധാന്യമുണ്ട്.

ചിത്രത്തിന് കടപ്പാട്: Vicharam

താഴത്തങ്ങാടി ജുമാ മസ്ജിദ്

കോട്ടയത്തെ താഴത്തങ്ങാടിയിലാണ് ഈ ജുമാ മസ്ജിദ് സ്ഥിതി ചെയ്യുന്നത്. ആയിരം വർഷത്തിലേറേ പഴക്കമുള്ള ഈ പള്ളി തനത് കേരള വാസ്തുശില്പ ശൈലിയിലാണ് രൂപകല്പന ചെയ്തിരിക്കുന്നത്. മീനച്ചിലാറിന്റെ തീരത്താണ് ഈ പള്ളി സ്ഥിതി ചെയ്യുന്നത്. ഈ പള്ളിയിലെ കൊത്തുപണി ഏറേ പ്രശസ്തമാണ്. നിരവധി സഞ്ചാരികളാണ് ഇത് കാണാൻ ഇവിടെ എത്താറുള്ളത്. കൂടുതൽ വായിക്കാം

ചിത്രത്തിന് കടപ്പാട്: Aryaabraham

മിശ്കാൽ പള്ളി

കോഴിക്കോട്ടെ ഏറ്റവും പഴക്കമുള്ള മുസ്ലീം പള്ളിയാണ് ഇത്. ഒരു ആരാധന കേന്ദ്രമെന്നതിനേക്കാൾ ഉപരി കോഴിക്കോട് എത്തുന്ന സഞ്ചാരികളെ ഏറെ ആകർഷിപ്പിക്കുന്ന ഒന്നാണ് ഈ പള്ളി. എ ഡി 650ൽ നിർമ്മിക്കപ്പെട്ടതെന്ന് കരുതുന്ന ഈ പള്ളി 1510 പോർചുഗീസുകാരുടെ ആക്രമണത്തിന് ഇരയായി. കോഴിക്കോട് കുറ്റിച്ചിറയിലാണ് ഈ പള്ളി സ്ഥിതി ചെയ്യുന്നത്.

ചിത്രത്തിന് കടപ്പാട്: Adam Jones Adam63

മുച്ചുന്തിപ്പള്ളി

കോഴിക്കോട് കുറ്റിച്ചിറയിലാണ് ഈ പള്ളി സ്ഥിതി ചെയ്യുന്നത്. ഭാരതീയ ക്ഷേത്ര രൂപത്തിൽ നിർമ്മിക്കപ്പെട്ട ഈ പള്ളി കേരളത്തിൽ ആദ്യകാലത്ത് നിർമ്മിക്കപ്പെട്ട മുസ്ലീം പള്ളികളിൽ ഒന്നാണ്.

ചിത്രത്തിന് കടപ്പാട് : Nmkuttiady

മാലിക് ദിനാർ ജുമാ മസ്ജിദ്

ഏറേ ചരിത്ര പ്രാധാന്യമുള്ള മറ്റൊരു മസ്ജിദ് ആണ് മാലിക് ദിനാർ ജുമാ മസ്ജിദ്. കാസർകോട് സ്ഥിതി ചെയ്യുന്ന ഈ മസ്ജിദ് പണികഴിപ്പിച്ചത് മുസ്ലീം സൂഫിവര്യനായ മാലിക് ദിനാർ ആണെന്നാണ് വിശ്വസിക്കപ്പെടുന്നത്. കേരളത്തിലെ പഴക്കം ചെന്ന മസ്ജിദുകളിൽ ഒന്നാണ് ഇത്. കൂടുതൽ വായിക്കാം

ചിത്രത്തിന് കടപ്പാട്: Ashrafulkhalq

ചേരമാൻ ജുമാ മസ്ജിദ്

കൊടുങ്ങല്ലൂരിലെ മേത്തലയിലാണ് ഈ മസ്ജിദ് സ്ഥിതി ചെയ്യുന്നത്. ഇന്ത്യയിലെ ആദ്യത്തെ മസ്ജിദ് ആണ് ഇതെന്നാണ് പറയപ്പെടുന്നത്. എ ഡി 629ൽ മാലിക് ഇബ്നു ദിനാർ ആണ് ഈ മസ്ജിദ് നിർമ്മിച്ചതെന്ന് പറയപ്പെടുന്നത്. ജാതിമത വ്യത്യാസമില്ലാതെ നിരവധി ആളുകളാണ് ഈ മസ്ജിദിൽ സന്ദർശനം നടത്തുന്നത്. പതിനൊന്നാം നൂറ്റാണ്ടിൽ ഈ മസ്ജിദ് പുതുക്കി പണിതിരുന്നു. വീണ്ടും പുതുക്കി നിർമ്മിച്ച മസ്ജിദ് ആണ് ഇപ്പോൾ നിലവിലുള്ളത്. കൂടുതൽ വായിക്കാം

ചിത്രത്തിന് കടപ്പാട്: Aruna

വാവരു പള്ളി

ശബരിമലയിലെ പ്രധാന ആകര്‍ഷണങ്ങളിലൊന്നാണ് വാവരു പള്ളി. പ്രാചീനകാലം മുതല്‍ത്തന്നെ വ്യത്യസ്ത സമുദായങ്ങള്‍ തമ്മില്‍വര്‍ത്തിച്ചുവന്നിരുന്ന സൗഹാര്‍ദ്ദത്തിന്റെ അടയാളം കൂടിയാണ് ഇത്. വാവരെക്കുറിച്ച് നിരവധി കഥകളുണ്ട് പ്രചാരത്തില്‍.
അയ്യപ്പക്ഷേത്രത്തിന് സമീപത്തായാണ് വാവരുക്ഷേത്രവും. കുരുമുളകാണ് വാവരുസ്വാമിക്കുള്ള പ്രധാന നേര്‍ച്ച. കൂടുതൽ വായിക്കാം

ചിത്രത്തിന് കടപ്പാട് : jay

പാളയം ജുമാ മസ്ജിദ്

തിരുവനന്തപുരത്തെ പാളയത്താണ് ഈ മസ്ജിദ് സ്ഥിതി ചെയ്യുന്നത്. ഇതിന് അരികിൽ തന്നെ ഒരു ക്രിസ്ത്യൻ ദേവലയവും ക്ഷേത്രവും സ്ഥിതി ചെയ്യുന്നു. ഇവിടെ എത്തുന്ന ഏതൊരാളിലും ഏറെ കൗതുകം ഉണ്ടാക്കുന്ന ഒന്നാണ് ഇത്.

ചിത്രത്തിന് കടപ്പാട് : Sugeesh

സെൻട്രൽ മഹൽ ജുമാ മസ്ജിദ്

എറണാകുളം ജില്ലയിലെ കാവുങ്കരയിലാണ് ഈ പള്ളി സ്ഥിതി ചെയ്യുന്നത്. 1927 ഫെബ്രുവരി 19നാണ് ഇവിടെ ആദ്യത്തെ ജുമാ നമസ്കാരം നടന്നത്.

ചിത്രത്തിന് കടപ്പാട് : Cmjmvpa