Search
  • Follow NativePlanet
Share
» »വയനാട് സഞ്ചാരികളിൽ നിന്നും ഒളിപ്പിച്ചിരിക്കുന്ന രഹസ്യങ്ങൾ ഇതാണ്!! വിശ്വസിച്ചേ പറ്റൂ!!

വയനാട് സഞ്ചാരികളിൽ നിന്നും ഒളിപ്പിച്ചിരിക്കുന്ന രഹസ്യങ്ങൾ ഇതാണ്!! വിശ്വസിച്ചേ പറ്റൂ!!

വയനാടിനെക്കുറിച്ച് അറിഞ്ഞിരിക്കേണ്ട കാര്യങ്ങൾ

കാഴ്ചകളുടെ സ്വര്‍ഗ്ഗമൊരുക്കിയിരിക്കുന്ന നാടാണ് വയനാട്. കേരളം ദൈവത്തിന്റെ സ്വന്തം നാട് എന്നറിയപ്പെടുമ്പോൾ അതിൽ ഏറ്റവും മനോഹരമായ കാഴ്ചകളുള്ള ഇടമാണിവിടം. കാടും മലകളും കുന്നും വെളളച്ചാട്ടങ്ങളും താഴ്വരകളും ഒക്കെ ചേർന്ന് ഇവിടെ എത്തുന്നവർക്കു മുന്നിൽ പ്രകൃതിയുടെ അത്ഭുതം കാണിക്കുന്ന വയനാടിനെ ഇഷ്ടപ്പെടാത്തവരായി ആരും കാണില്ല.
ഒരു പാമ്പിനെപ്പോലെ വളഞ്ഞു പുളഞ്ഞു കിടക്കുന്ന ചുരങ്ങൾ കയറിയിറങ്ങി മാത്രം എത്തുവാൻ സാധിക്കുന്ന ഈ നാട് ഒളിപ്പിച്ചിരിക്കുന്ന അത്ഭുതങ്ങൾക്ക് കയ്യും കണക്കുമില്ല. കരിന്തണ്ടന്‌‍റെ ആത്മാവ് ഉറങ്ങുന്ന ചങ്ങലമരം മുതൽ കൽപ്പറ്റയും ചെമ്പ്രയും മീൻമുട്ടിയും ബാണാസുര സാഗറും എടക്കലും പക്ഷിപാതാളവും കുറുവാ ദ്വീപും തൊള്ളായിരംകണ്ടിയും കാന്തൻപാറയും തിരുനെല്ലിയും കിടങ്ങനാടും മുത്തങ്ങയും പൂക്കോടും കുറുമ്പാലക്കോട്ടയും ഒക്ക ചേരുന്ന ഇവിടുത്തെ ഭംഗി പറഞ്ഞറിയിക്കുവാനാവില്ല.
ഇവിടെ കാണേണ്ട സ്ഥലങ്ങളിൽ മാത്രം ഒതുക്കി നിർത്തേണ്ട നാടല്ല വയനാട് എന്നതാണ് യാഥാർഥ്യം. ഒരു സഞ്ചാരി എന്ന നിലയിൽ വയനാടിനെക്കുറിച്ച് അറിഞ്ഞിരിക്കേണ്ട വ്യത്യസ്തമായ, ആദ്യം കേൾക്കുമ്പോൾ വിചിത്രമാണല്ലേ എന്നു തോന്നിക്കുന്ന കുറച്ച് കാര്യങ്ങൾ നോക്കാം...

Cover Pc: Kalidas Pavithran

പുറത്തിറങ്ങുവാൻ ചുരങ്ങൾ മാത്രം

മറ്റു ജില്ലകളിൽ നിന്നും വ്യത്യസ്തമായി വയനാടിനു പുറത്തു കടക്കണമെങ്കിൽ ആശ്രയിക്കേണ്ട വരിക ചുരങ്ങളെയാണ്. പ്രധാനമായും അഞ്ച് ചുരങ്ങളാണ് വയനാടിനെ ചുറ്റിയുള്ളത്. കോഴിക്കോട് അടിവാരത്തേക്കുള്ള താമരശ്ശേരി ചുരം, തൊട്ടിൽപ്പാലം വഴിയുള്ള കുറ്റിയാടിയിലേക്കുള്ള ചുരം, കണ്ണൂർ നെടുമ്പൊയിലേക്കുള്ള പേരിയ ചുരം, കണ്ണൂർ കൊട്ടിയൂരെത്തുന്ന പാൽച്ചുരം, വടുവൻചാലിൽ നിന്നും മലപ്പുറത്തെത്തുന്ന നാടുകാണിച്ചുരം എന്നിവയാണ് ഇവിടുത്തെ ചുരം പാതകൾ.

കാലത്തിനൊപ്പം നിന്ന്

കേരളത്തിൽ തന്നെ ഏറ്റവും പഴക്കമുള്ള സംസ്കാരത്തിൻറ അവശിഷ്ടങ്ങള്‍ കണ്ടെടുത്തിട്ടുള്ള പ്രദേശമാണ് വയനാട്. ഏകദേശം അയ്യായിരം വർഷങ്ങള്‍ക്കും മുൻപേ ഇവിടെ ജനവാസം ഉണ്ടായിരുന്നതായാണ് ചരിത്രകാരന്മാർ പറയുന്നത്. ഇതിന്റെ തെളിവുകൾ ജില്ലയുടെ പല ഭാഗങ്ങളിലും നിന്നും കണ്ടെടുത്തിട്ടുമുണ്ട്. ബലൂചിസ്ഥാനിലെയും ഹാരപ്പൻ സംസ്കാരത്തിനു മുന്‌പുള്ള നിർമ്മാണ രീതികളുമായാണ് അവയ്ക്ക് കൂടുതൽ സാമ്യം തോന്നുന്നത്.

കാപ്പിയും തേയിലയുമല്ല, നെല്ലാണ്!!

വയനാട് എന്നു കേൾക്കുമ്പോൾ തേയിലത്തോട്ടങ്ങളും കാപ്പിത്തോട്ടങ്ങളും ഒക്കെയാവും ആദ്യം ഓർമ്മയിൽ വരിക. എന്നാൽ ഇതൊക്കെയുണ്ടങ്കിലും ഇവിടുത്തെ പ്രധാന കൃഷി എന്നത് നെല്ലാണത്രെ. വയൽ നാട് എന്ന പേരിൽ നിന്നുമാണ് വയനാട് ഉണ്ടായത് എന്നും ചില ചരിത്രകാരന്മാർക്ക് അഭിപ്രായമുണ്ട്.

രണ്ട് സംസ്ഥാനങ്ങളുമായി അതിർത്തി

കേരളത്തിലെ ഒരൊറ്റ ജില്ല മാത്രമാണ് രണ്ട് സംസ്ഥാനങ്ങളുമായി അതിർത്തി പങ്കിടുന്നത്. അത് വയനാടാണ്. തമിഴ്നാട്, കർണ്ണാടക എന്നീ സംസ്ഥാനങ്ങളാണത്.

കേരളത്തിലെ ഏക കണ്ണാടി ക്ഷേത്രം

കേരളത്തിലെ ഏക കണ്ണാടി ക്ഷേത്രം

കേരളത്തിലെ ഒരേയൊരു കണ്ണാടി ക്ഷേത്രം സ്ഥിതി ചെയ്യുന്ന സ്ഥലവും വയനാടാണ്. കൽപ്പറ്റയിലെ കോട്ടമുണ്ടയിലാണ് അത്യപൂർവ്വമായ കണ്ണാടി ക്ഷേത്രം സ്ഥിതി ചെയ്യുന്നത്. ജൈനമതത്തിന്റെ ഉടമസ്ഥതയിലാണ് ഈ ക്ഷേത്രം. കൽപ്പറ്റയിൽ നിന്നും 20 കിലോമീറ്റർ അകലെയാണ് ഇവിടം. ക്ഷേത്രത്തിനുള്ളിലെ ചുവരുകളിലാണ് കണ്ണാടി കൾ പതിപ്പിച്ചിരിക്കുന്നത്.ജൈനനായ പരശ്വനാഥ സ്വാമിക്കായി സമര്‍പ്പിച്ചിരിക്കുന്ന ക്ഷേത്രമാണിത്. ഇവിടത്തെ ആയിരക്കണക്കിന് വിഗ്രഹങ്ങളെ പ്രതിഫലിപ്പിക്കുന്ന കണ്ണാടികള്‍ക്ക് പ്രശസ്തമായതാണ് കോട്ടമുണ്ട കണ്ണാടി ക്ഷേത്രം.

PC:Hiroki Ogawa

മണ്ണുകൊണ്ട് നിർമ്മിച്ച ഏറ്റവും വലിയ അണക്കെട്ട്

മണ്ണുകൊണ്ട് നിർമ്മിച്ച ഇന്ത്യയിലെ ഏറ്റവും വലതും ഏഷ്യയിലെ രണ്ടാമത്തേതുമായ അണക്കെട്ടാണ് വയനാട്ടിലെ ബാണാസുര സാഗർ അണക്കെട്ട്. കബിനിയുടെ പോഷകനദിയായ പനമരം പുഴക്ക് കുറുകെയാണ് ഈ അണക്കെട്ട് നിർമ്മിച്ചിരിക്കുന്നത്. കൽപ്പറ്റയിൽ നിന്നും 21 കിലോമീറ്റർ അകലെ പടിഞ്ഞാറേത്തറ ഗ്രാമത്തിലാണ് ഇത് സ്ഥിതി ചെയ്യുന്നത്.

ഏക ലവകുശ ക്ഷേത്രം

ഏക ലവകുശ ക്ഷേത്രം

കേരളത്തിലെ ഏക ലവകുശ ക്ഷേത്രം സ്ഥിതി ചെയ്യുന്ന ഇടം എന്ന ബഹുമതിയും വയനാടിനാണ്. പുൽപ്പള്ളിക്കടുത്താണ് ഈ ക്ഷേത്രമുള്ളത്. സീതാ ദേവി ലവകുശന്മാർക്ക് ജന്മം നല്കിയത് ഇവിടെ വെച്ചാണ് എന്നാണ് കരുതപ്പെടുന്നത്. മുരിക്കന്മാർ എന്ന പേരിലാണ് ലവകുശന്മാരെ ഇവിടെ ആരാധിക്കുന്നത്.
വിശദീകരിക്കുവാൻ കഴിയാത്ത പല കാര്യങ്ങളും ഇവിടെ കാണാം. ഇവിടെ ഈ ക്ഷേത്രത്തിന്റെ പരിസരങ്ങളിലൊരിടത്തും അട്ടയെ കാണാൻ സാധിക്കില്ല. ഒരിക്കൽ ലവകുശന്മാരെ അട്ട കടിച്ചപ്പോൾ സീതാ ദേവി ശപിച്ചതിനു ശ്ഷമാണ് അട്ടകൾ ഇവിടെ വളരാത്തത് എന്നാണ് വിശ്വാസം.
ഈ ക്ഷേത്രത്തിന്റെ മൂലസ്ഥാനം ചേടാറ്റിൻകാവാണ്.

PC:നിരക്ഷരൻ

കേരളത്തിന്റെ ഊട്ടി

കേരളത്തിന്റെ ഊട്ടി എന്നറിയപ്പെടുന്ന സ്ഥലമാണ് വയനാട്. ഊട്ടിയ്ക്ക് സമാനമായ കാലാവസ്ഥയും ഭൂപ്രകൃതിയുമാണ് ഇവിടേക്ക് ആളുകളെ ആകർഷിക്കുന്ന പ്രധാന കാര്യം.

റെയിലും ഇല്ല, കടലും ഇല്ല

കടൽത്തീരവും റെയിൽവേയും ഇല്ലാത്ത ഒരു നാട് കൂടിയാണ് വയനാട്.

താമരശ്ശേരി ചുരം

താമരശ്ശേരി ചുരം

കോഴിക്കോടിനെ വയനാടുമായി ബന്ധിപ്പിക്കുന്ന ഏറ്റവും പ്രധാന പാതകളിലൊന്നാണ് താമരശ്ശേരി ചുരം. ദേശീയ പാത 212 ൻഫറെ ഭാഗമായ ഇതിന്‍റെ ഇരുവശവും കാടുകൾ നിറഞ്ഞ മനോഹര കാഴ്ചയാണുള്ളത്. താമരശ്ശേരി അടിവാരത്തു നിന്നും തുടങ്ങി വയനാട് ലക്കിടിയിൽ അവസാനിക്കുന്ന ഈ പാതയിൽ ഒൻപത് ഹെയർപിൻ വളവുകളാണുള്ളത്. 12 കിലോമീറ്റർ ദൂരം വരുന്ന ആ പാത ബ്രിട്ടീഷുകാർക്ക് കുതിരസവാരി നടത്തി വയനാട് എത്തുക എന്ന ലക്ഷ്യത്തിലായിരുന്നു ആദ്യം നിർമ്മിച്ചത്.

PC:Sreeraj PS

ഗോത്രവർഗ്ഗക്കാരുടെ നാട്

കേരളത്തിൽ ഏറ്റവും അധികം ഗോത്രവിഭാഗക്കാർ വസിക്കുന്ന ഇടം കൂടിയാണ് വയനാട്. പണിയന്മാർ, കുറുവന്മാർ, അടിയാർ, കുറിച്യന്മാർ, ഊരാളി, തുടങ്ങിയ ഗോത്രവർഗ്ഗക്കാരാണ് ഈ നാടിന്‌‍റെ യഥാർഥ അവകാശികൾ.

എടക്കൽ ഗുഹ

വയനാട്ടിലെ ഏറ്റവും പ്രശസ്തമായ കാഴ്ചകളിലൊന്നാണ് ഇവിടുത്തെ എടക്കൽ ഗുഹ. ആദിമ മനുഷ്യരുടെ അടയാളങ്ങൾ സൂക്ഷിച്ചിരിക്കുന്ന ഇവിടം സുൽത്താൻ ബത്തേരി അമ്പലവയലിനടുത്താണ് സ്ഥിതി ചെയ്യുന്നത്. രണ്ട് മലകൾക്കിടയിലേക്ക് ഒരു കൂറ്റൻ പാറ വീണുകിടക്കുന്നതിലാണ്‌ ഇടയിലെ കല്ല് എന്ന അർഥത്തിൽ ഈ സ്ഥലത്തിന് എടക്കൽ എന്ന പേരു ലഭിച്ചത്.

ചങ്ങലമരം

വയനാടിന്റെ കഥകളിൽ ഏറ്റവും അധികം നിറഞ്ഞു നിൽക്കുന്ന ഒരിടമാണ് ലക്കിടയ്ക്കു സമീപമുള്ള ചങ്ങലമരം. വയനാട് ചുരത്തിന്റെ വഴി കാണിച്ചു കൊടുത്ത കരിന്തണ്ടൻ എന്ന ആദിവാസി യുവാവിനെ ബ്രിട്ടീഷുകാരനായ എൻജിനീയർ തന്റെ സ്വാർഥ ലാഭത്തിനായി കൊന്നുവത്രെ. ഗതികിട്ടാത്ത അയാളുടെ ആത്മാവിനെ ഇവിടെ ചങ്ങലയിൽ തളച്ചിരിക്കുകയാണെന്നും ഈ ചങ്ങല ഓരോ ദിവസവും വളരുന്നുണ്ട് എന്നുമാണ് വിശ്വാസം. കൽപ്പറ്റയിൽ നിന്നും 16 കിലോമീറ്ററാണ് ഇവിടേക്കുള്ള ദൂരം.

നീലിമല

വയനാട്ടിലെ പ്രധാനപ്പെട്ട ഓഫ്ബീറ്റ് ഹിൽസ്റ്റേഷനുകളിൽ ഒന്നാണ് നീസിമല. സാഹസികത കുറച്ചധികകമുണ്ടെങ്കിൽ മാത്രം എത്തിപ്പെടുവാൻ സാധിക്കുന്ന ഇവിടം ട്രക്കിങ്ങിനും ക്യാംപിങ്ങിനും പറ്റിയ ഇടം കൂടിയാണ്. മേപ്പാടിയിൽ നിന്നും 15 കിലോമീറ്റർ അകലെയാണ് ഇവിടം സ്ഥിതി ചെയ്യുന്നത്.

സൂചിപ്പാറ വെള്ളച്ചാട്ടം

വയനാട്ടിലെത്തുന്ന സഞ്ചാരികൾ ആദ്യം തന്നെ സന്ദർശിക്കുവാനെത്തുന്ന സ്ഥലങ്ങളിലൊന്നാണ് സൂചിപ്പാറ വെള്ളച്ചാട്ടം. മൂന്നു തട്ടുകളിലായി കിടക്കുന്ന ഈ വെള്ളച്ചാട്ടം അധികം പ്രയാസമില്ലാതെ എത്തിച്ചേരുവാനും കുട്ടികൾക്കു പോലും സുരക്ഷിതമായി ഇറങ്ങുവാനും പറ്റിയ ഇടമാണ്. വൈറ്റ് വാട്ടർ റാഫ്ടിങ്ങിനുള്ള സൗകര്യങ്ങളും ഇവിടെ ഏർപ്പെടുത്തിയിട്ടുണ്ട്.

ചെമ്പ്ര മല

വയനാട്ടിലെ ഏറ്റവും ംനോഹരമായ ഇടങ്ങളിലൊന്നാണ് ചെമ്പ മലയും ഇവിടുത്തെ ഹൃദയാകൃതിയിലുള്ള തടാകവും. വയനാടിന്റെ നെറുകയിൽ എത്തിക്കുന്ന ഒരു അനുഭൂതിയാണ് ഇവിടെ എത്തിയാൽ ലഭിക്കുകയ അല്പം ശ്രമകരമായ ട്രക്കിങ്ങിലൂടെ മാത്രമേ ഇവിടെ എത്തിച്ചേരുവാൻ സാധിക്കൂ.

ഒക്ടോബർ മുതൽ ഫെബ്രുവരി വരെ

വയനാട് എപ്പോൾ വേണമെങ്കിലും സന്ദർശിക്കുവാൻ പറ്റുന്ന ഇടമാണ്. എങ്കിലും ഒക്ടോബർ മുതൽ ഫെബ്രുവരി വരെയും പിന്നീട് മേയ് മാസവുമാണ് ഇവിടം സന്ദർശിക്കുവാൻ ഏറ്റവും യോജിച്ചത്. മിക്കപ്പോഴും ഇവിടെ തണുപ്പ് നിറഞ്ഞ കാലാവസ്ഥയാണ് അനുഭവപ്പെടുന്നത്.

കേരളം കന്യാകുമാരി കൊടുത്ത് വാങ്ങിയ പാലക്കാട്... കഥയിലെന്താണ് സത്യം!!കേരളം കന്യാകുമാരി കൊടുത്ത് വാങ്ങിയ പാലക്കാട്... കഥയിലെന്താണ് സത്യം!!

ഒളിഞ്ഞിരിക്കുന്ന അസുരന്‍കുണ്ട് മുതൽ തുടങ്ങുകയാണ് തൃശൂർ കാഴ്ചകൾ ഒളിഞ്ഞിരിക്കുന്ന അസുരന്‍കുണ്ട് മുതൽ തുടങ്ങുകയാണ് തൃശൂർ കാഴ്ചകൾ

Read more about: wayanad വയനാട്
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X