ജവായ് മലനിരകള്
രാജസ്ഥാനിലെ പാലി ജില്ലയില് സ്ഥിതി ചെയ്യുന്ന ജവായ് മലനിരകളും സമീപ പ്രദേശവും വന്യജീവികളുടെ വാസസങ്കേതമാണ്. വ്യത്യസ്തമായ പ്രകൃതി ഭംഗി കൊണ്ട് അനുഗ്രഹീതമായ ഇവിടം പുല്മേടുകള് കൊണ്ടും ഗുഹകള്, ലാവ ഒഴുകിയുണ്ടായ പാറകള് തുടങ്ങിയവ കൊണ്ട് സമ്പന്നം കൂടിയാണ്.
PC:Namita07
പ്രകൃതിയും മനുഷ്യനും
മനുഷ്യനും പ്രകൃതിയും തമ്മിലുള്ള ഉദാത്തമായ ബന്ധത്തിന് മാതൃകയാണ് രാജസ്ഥാനിലെ ഈ ഗ്രാമം. ഒട്ടേറെ പുള്ളിപ്പുലികള് ഇവിടെ വസിക്കുന്നുണ്ടെങ്കിവും അവയില് ഒന്നുപോലും ഇതുവരെയും അവയെ അക്രമിച്ചിട്ടില്ല എന്നാണ് ഗ്രാമീണര് പറയുന്നത്. കഴിഞ്ഞ 165 വര്ഷത്തിനിടയ്ക്ക് ഇവിടെ ആരെയും പുലി കൊന്നിട്ടില്ല എന്നും ഇവര് പറയുന്നു.
PC:Namita07
പുള്ളിപ്പുലികളെ കാണാം
പകല് സമയങ്ങളില് പോലും കടുവകളെ ഇവിടെ കാണാം. സ്വതന്ത്രമായി ചുറ്റിത്തിരിഞ്ഞു നടക്കുന്ന ഇവിടെയാണ് ഇന്ത്യയില് ഏറ്റവുമധികം പുള്ളിപ്പുലികളെ കാണാന് സാധിക്കുന്നതും.
PC:יוסי אוד
ദേവ്ഗിരി ഗുഹാ ക്ഷേത്രം
ജവായ് ഡാമിനു സമീപം സ്ഥിതി ചെയ്യുന്ന ദേവ്ഗിരി ഗുഹാ ക്ഷേത്രം ഇവിടുത്തെ മറ്റൊരു ആകര്ഷണമാണ്. വൈകുന്നേരങ്ങളില് ഈ ക്ഷേത്രത്തിന്റെ പരിസരത്തും പുള്ളിപ്പുലികളെ കാണാന് സാധിക്കും.
PC:Siddhesh Mangela
ജവായ് ക്രൊക്കൊഡയില് സാങ്ച്വറി
ജവായ് ഡാമിനടുത്തു സ്ഥിതി ചെയ്യുന്ന ജവായ് ക്രൊക്കൊഡയില് സാങ്ച്വറി ഇവിടുത്തെ പ്രധാനപ്പെട്ട മറ്റൊരു കാഴ്ചയാണ്. വെയിലുകായാന് തീരത്ത് വന്നുകിടക്കുന്ന മുതലകള് ഇവിടുത്തെ സ്ഥിരം കാഴ്ചയാണ്.
PC:Namita07
ദേശാടനക്കിളികള്
പുള്ളിപ്പുലികളും മുതലകളും മാത്രമല്ല ഇവിടെയുള്ളത്. ലോകത്തിന്റെ വിവിധ ഭാഗങ്ങളില് നിന്നും ഇവിടേക്ക് ദേശാടനക്കിളികള് എത്താറുണ്ട്.
PC:Mdk572
ജീപ്പ് സഫാരി
ഇവിടെ എത്തുന്ന സഞ്ചാരികളെ ഏറ്റവുമധികം ആകര്ഷിക്കുന്ന ഒന്നാണ് ജീപ്പ സഫാരി. പുലികളെ കാണാന്, അവയുടെ മുന്നിലേക്ക് ഇറങ്ങിച്ചെല്ലുന്ന ഒരനുഭവമാണ് ഇവിടുത്തെ ജീപ്പ് സഫാരി നമുക്ക് നല്കുക.
PC: Rasikdave
ജവായ് ഡാം
ലൂണാ നദിയുടെ പോഷക നദിയായ ജവായ് നദിയിലാണ് ജവായ് ഡാം സ്ഥിതി ചെയ്യുന്നത്. ജോധ്പൂരിലെ മഹാരാജാവായിരുന്ന ഉമൈദ് സിങ്ങാണ് ഈ ഡാം പണിയുന്നത്.
PC:Namita07
എത്തിച്ചേരാന്
പാലിയില് നിന്നും ജവായിലേയ്ക്ക് എത്താന് 3 വഴികളാണുള്ളത്. അതില് ഏറ്റവും എളുപ്പമുള്ള റൂട്ടാണ് സമര്പൂര് വഴി ജവായിലേക്കുള്ളത്. 89.4 കിലോമീറ്റര് ദൂരമാണ് ഈ വഴി സഞ്ചരിക്കേണ്ടത്.
ഫല്ന വഴി
പാലിയില് നിന്നും ഫല്ന വഴി ജവായിലെത്താന് 94.2 കിലോമീറ്റര് ദൂരം സഞ്ചരിക്കണം.
Click it and Unblock the Notifications
