ശബരിമല 2022: കർണ്ണാടക സ്പെഷ്യൽ ബസ് , ട്രെയിൻ സർവീസുകൾ- സമയം, ബുക്കിങ് വിശദാംശങ്ങൾ

രാജഹംസ നോൺ എസി ബസ് സർവീസ്

ഒരു എസി ബസും ഒരു നോൺ എസി ബസുമാണ് ശബരിമല സർവീസിനുള്ളത്. ഇതിൽ രാജഹംസ നോൺ എസി ബസ് ഡിസംബര് 1 മുതൽ ഉച്ചയ്ക്ക് 1.01 മണിക്ക് ശാന്തിനഗറിൽ നിന്നും സർവീസ് ആരംഭിക്കും. 1.31 ന് മൈസൂര്‍ റോഡ് സാറ്റ്ലൈറ്റ് ബസ് സ്റ്റാൻഡിൽ എത്തിച്ചേരും. മൈസൂരിൽ വൈകിട്ട് 4.46 എന്നീ സമയങ്ങളിൽ എത്തിച്ചേരും. പിറ്റേദിവസം രാവിലെ 7.29ന് ബസ് നിലയ്ക്കലിൽ എത്തിച്ചേരും.
തിരികെയുള്ള സർവീസ് വൈകിട്ട് 5.00 മണിക്ക് നിലക്കലിൽ നിന്നും തുടങ്ങും. മൈസൂരില് പിറ്റേന്ന് പുലർച്ചെ 8.30നും ഉച്ചയ്ക്ക് 12ന് ബാംഗ്ലൂരിലും ബസ് എത്തും. ടിക്കറ്റ് നിരക്ക് ഒരാൾക്ക് 1153 രൂപയാണ്.

ഐരാവത് എസി ബസ് സർവീസ്

ബാംഗ്ലൂർ-പമ്പ രണ്ടാമത്തെ പ്രതിദിന ബസ് സർവീസ് ഡിസംബർ 1 മുതൽ തന്നെ ആരംഭിക്കും. ഈ സർവീസ് ഉച്ചകഴിഞ്ഞ് 2.01 ന് ശാന്തിനഗറിൽ നിന്നും സർവീസ് ആരംഭിക്കും. 2.45ന് മൈസൂര്‍ റോഡ് സാറ്റ്ലൈറ്റ് ബസ് സ്റ്റാൻഡിൽ എത്തിച്ചേരും. പിറ്റേന്ന് രാവിലെ 6.45ന് നിലക്കൽ ബസ് സ്റ്റാൻഡിൽ എത്തിച്ചേരും,
മടക്ക യാത്ര വൈകിട്ട് 6.00 മണിക്ക് നിലക്കലിൽ നിന്നാരംഭിച്ച് പിറ്റേന്ന് രാവിലെ 8.00 മണിക്ക് മൈസൂരിലും 11 മണിക്ക് ബാംഗ്ലൂരിലും എത്തിച്ചേരും. ടിക്കറ്റ് നിരക്ക് ഒരാൾക്ക് 1487 രൂപ.

Sabarimala Virtual Queue Booking:രജിസ്റ്റർ ചെയ്ത് ദർശന സ്ലോട്ടുകൾ ഇങ്ങനെ ബുക്ക് ചെയ്യാം

ടിക്കറ്റ് ബുക്കിങ്

കർണ്ണാടക ആര്‍ടിസിയുടെ വെബ്സൈറ്റ് വഴി ടിക്കറ്റുകൾ ഓൺലൈൻ ആയി ബുക്ക് ചെയ്യാം. https://ksrtc.in/ എന്നതാണ് വെബ്സൈറ്റ് അഡ്രസ്. ഓർമ്മിക്കുക, ഡിസംബർ 1 മുതലാണ് ബുക്കിങ് ലഭ്യമായിട്ടുള്ളത്.

ട്രെയിനിനും വരാം

ദക്ഷിണ പശ്ചിമ റെയിൽവേ വടക്കൻ റെയിൽവേ കർണ്ണാടക വഴി ശബരിമല തീർത്ഥാടനത്തിന് പ്രത്യേക ട്രെയിൻ സർവീസുകൾ നടത്തുന്നുണ്ട്. ഇതിൽ ബാംഗ്ലൂരിൽ നിന്നുള്ളവർക്ക് നാട്ടിലേക്ക് വരുവാൻ പറ്റുന്ന രീതിയിലുള്ള രണ്ട് സർവീസുകളുണ്ട്. യെലഹങ്ക, കെആർ പുരം വഴി കടന്നുപോകുന്ന ട്രെയിനുകൾ ക്രിസ്മസ്, പുതുവര്‍ഷ അവധികൾക്കായി നാട്ടിലെത്തുവാൻ ടിക്കറ്റ് നോക്കുന്നവർക്ക് ഉപകാരപ്രദമാണ്.

ട്രെയിൻ യാത്രക്കാർക്ക് ആശ്വസിക്കാം, യുടിഎസ് ആപ്പിന്‍റെ ദൂരപരിധി ഇനി 20 കിമീ, ക്യൂ നിൽക്കാതെ ടിക്കറ്റെടുക്കാം

വിജയപുര-കൊല്ലം (07385) ട്രെയിൻ സർവീസ്
ഡിസംബർ 5,12,19,26, ജനുവരി 2, 9, 16 തീയതികളിൽ സ്പെഷ്യൽ സർവീസ് നടത്തുന്ന ട്രെയിനാണിത്. തിങ്കളാഴ്ചകളിൽ രാത്രി 11ന് വിജയപുരയിൽ നിന്ന് പുറപ്പെട്ട് ബുധനാഴ്ച വൈകിട്ട് 4.45ന് കൊല്ലത്തെത്തും. ...

കൊല്ലം വിജയപുര സർവീസ് (07386)
ഡിസംബർ 7,14,21,28, ജനുവരി 4,11,18 ദിവസങ്ങളിലാണ് ഓടുന്നത്. ബുധനാഴ്ചകളിൽ രാവിലെ 10.45നു കൊല്ലത്ത് നിന്ന് പുറപ്പെട്ട് വ്യാഴാഴ്ച വൈകിട്ട് 6.30നു വിജയപുരയിലെത്തും

ബെളഗാവി-കൊല്ലം സ്പെഷൽ (07361)
ഡിസംബർ 4, 11, 18,25, ജനുവരി 1,8,15 ദിവസങ്ങളിലാണ്
ബെളഗാവി-കൊല്ലം സ്പെഷൽ സര്‍വീസ് നടത്തുന്നത്.
ഞായറാഴ്ചകളിൽ രാവിലെ 11.30നു ബെളഗാവിയിൽ നിന്ന് പുറപ്പെട്ട് തിങ്കളാഴ്ച വൈകിട്ട് 3.15നു കൊല്ലത്തെത്തും.

കൊല്ലം-ബെളഗാവി സ്പെഷൽ (07362)
. ഡിസംബർ 5, 12, 19, 26, ജനുവരി 2, 9,16 ദിവസങ്ങളിലാണ് കൊല്ലം-ബെളഗാവി സ്പെഷൽ സർവീസ് നടത്തുന്നത്. തിങ്കളാഴ്ചകളിൽ വൈകിട്ട് 5.10നു കൊല്ലത്ത് നിന്ന് പുറപ്പെട്ട് ചൊവ്വാഴ്ച രാത്രി 11നു ബെളഗാവിയിലെത്തും

ശബരിമല തീർത്ഥാടനം 2022: ക്ഷേത്രസമയം മുതൽ ബുക്കിങ്ങും മലയിറങ്ങലും വരെ.. അറിയേണ്ടതെല്ലാം!

രോഗം മാറ്റുന്ന വൈദ്യനാഥൻ,സൂര്യൻ പ്രതിഷ്ഠ നടത്തിയ ക്ഷേത്രം... കാഞ്ഞിരങ്ങാട് ക്ഷേത്ര വിശ്വാസങ്ങളിലൂടെ