Click it and Unblock the Notifications
എന്തൊക്കെയാണ് എന്നതിലുപരി എന്തൊക്കെ അല്ല എന്ന ചോദ്യമാണ് ഈ നഗരത്തിന് കൂടുതല് യോജിക്കുക. സന്തോഷത്തിന്റെ നഗരം, ഘോഷയാത്രകളുടെ നഗരം, ബുദ്ധിജീവികളുടെയും എഴുത്തുകാരുടെയും നഗരം അങ്ങനെ വിശേഷണങ്ങള് ധാരാളമുണ്ട് ആയിരം സ്വപ്നങ്ങളുടെ സ്വന്തം കൊല്ക്കത്ത നഗരത്തിന്. രബീന്ദ്രനാഥ ടാഗോറിനെയും സ്വാമി വിവേകാനന്ദനെയുമൊക്കെ ഓര്ക്കുമ്പോള് അറിയാതെ മനസ്സില് കയറിയ ഈ നഗരത്തെ പരിചയപ്പെടാം.
മഹാനഗരം
സ്വാതന്ത്ര്യസമരത്തിന്റെയും ഇടതുപക്ഷ പ്രസ്ഥാനത്തിന്റെയുമൊക്കെ ഈറ്റില്ലമായ കൊല്ക്കത്തയിലെ ഓരോ തെരുവുകള്ക്കും എന്തിനധികം ഓരോ റോഡുകള്ക്കും പറയാനുണ്ടാവും ആയിരമായിരം കഥകള്.
ദക്ഷിണേശ്വര് കാളി മന്ദിര്
ഹൂഗ്ലി നദിയുടെ തീരത്തായി സ്ഥിതി ചെയ്യുന്ന ഈ ക്ഷേത്രം കാളി ദേവിയ്ക്കായാണ് സമര്പ്പിച്ചിരിക്കുന്നത്. 19-ാം നൂറ്റാണ്ടിലാണ് ഈ ക്ഷേത്രം നിര്മ്മിക്കുന്നത്. ബംഗാള് വാസ്തുവിദ്യയില് നിന്ന് പ്രചോദനം ഉള്ക്കൊണ്ട് പൗരാണികമായ നവരത്ന രീതിയിലാണ് ക്ഷേത്രത്തിന്റെ രൂപകല്പന.
ഇതിന്റെ മറുകരയിലുള്ള ബേലൂര്മഠ് രാമകൃഷ്ണ മിഷന്റെ ആസ്ഥാനമാണ്.
ജോരസങ്കോ താക്കൂര് ബാരി
ടാഗോര് കുടുംഹത്തിന്റെ പാരമ്പര്യ ഭവനമാണ്.രബീന്ദ്രനാഥ ടാഗോര് ജനിച്ചത് ഈ ഭവനത്തിലാണ് എന്നതാണ് സഞ്ചാരികളെ ഇവിടേക്ക് ആകര്ഷിക്കുന്നത്. ഇപ്പോള് രബീന്ദ്ര ഭാരതി സര്വ്വകലാശാലയുടെ ഉള്ളിലായാണ് ഈ സ്ഥലം.
ഹൗറ പാലം
രബീന്ദ്രസേതു എന്നറിയപ്പെടുന്ന ഹൗറ പാലം കൊല്ക്കത്തയെയും ഹൗറയെയും ബന്ധിപ്പിച്ചുകൊണ്ട് ഹൂബ്ലി നദിക്കു കുറുകെയാണ് പണിതിരിക്കുന്നത്. നിരവധി സിനിമകളില് മുഖം കാണിച്ചിട്ടുള്ള ഹൗറാപാലത്തിലൂടെ ദിവസേന ഒരു ലക്ഷത്തോളം വാഹനങ്ങളാണ് കടന്നുപോവുന്നത്.
എസ്പ്ലനേഡ്
ഇന്ത്യന് മ്യൂസിയം
വിക്ടോറിയ മെമ്മോറിയല്
കാളിഘട്ട്
pc: PROVnGrijl
