ഐ‌തിഹ്യങ്ങളിലെ ആറന്മുള!

ആറ് മുളകൾ

ആറൻമുള എന്ന പേരുണ്ടായതിന് പിന്നിൽ ഒരു ഐതിഹ്യം നിലനിൽക്കുന്നുണ്ട്. ശബരിമലയിലെ നിലയ്ക്കലിലാണ് ഈ ക്ഷേത്രം ആദ്യം ഉണ്ടായിരുന്നതത്രെ. അവിടെ നിന്ന് ആറുമുളകളിൽ തീർത്ത ചങ്ങാടത്തിൽ പാർത്ഥസാരഥിയുടെ വിഗ്രഹം ആറൻമുളയിൽ കൊണ്ടു വരികയായിരുന്നത്രേ!

Photo Courtesy: Akhilan

64 ഗ്രാമ‌ങ്ങൾ

കേരളത്തിലെ 64 ബ്രാഹ്മണ ഗ്രാമങ്ങളിൽ ഒന്നാണ് ആറൻമുള. കേരളത്തിലെ ഏറ്റവും പഴക്കം ചെന്ന ക്ഷേത്രങ്ങളിൽ ഒന്നാണ് ആറൻമുള പാർത്ഥ സാരഥി ക്ഷേത്രം.
Photo Courtesy: Dvellakat

അയ്യപ്പനും ആറൻമുളയും

ശബരിമലയിലെ അയ്യപ്പ ക്ഷേത്രവും ആറൻമുളയും തമ്മിൽ ബന്ധമുണ്ട്. മകരവിളക്കിന് അയ്യപ്പനെ ചാർത്തിക്കുന്ന തങ്ക അങ്കി സൂക്ഷിക്കുന്നത് ആറൻമുള ക്ഷേത്രത്തിലാണ്.
Photo Courtesy: Koteswaragupta

ക്ഷേത്ര ഗോപുരം

പമ്പാ നദിയുടെ തീരത്ത് സ്ഥിതി ചെയ്യുന്ന ഈ ക്ഷേത്രത്തിന്റെ ഏറ്റവും വലിയ ആകർഷണം ക്ഷേത്രത്തിലെ നാ‌ല് പടുകൂറ്റൻ ഗോപുരങ്ങളാണ്. കേരള വാസ്തു കലയ്ക്ക് ഉത്തമ ഉദാഹരണങ്ങളായ കൊത്തുപണികളോടെയാണ് ഈ ഗോപുരങ്ങൾ നിർമ്മിച്ചിരിക്കുന്നത്. ഈ ഗോപുരങ്ങൾ തന്നെയാണ് ഈ ക്ഷേത്രത്തിന്റെ അഴകിന് മാറ്റു കൂട്ടുന്നത്.
Photo Courtesy: Sudhirn

ചുറ്റുമതിൽ

ക്ഷേത്രത്തിന്റെ ചുറ്റുമതിലാണ് മറ്റൊരു കൗതുകം. വലിയ ചുറ്റുമതിലിന്റെ ഉൾമതിലിൽ സുന്ദരമായ ചുവർ ചിത്രങ്ങൾ വരച്ച് വച്ചിട്ടുണ്ട്.
Photo Courtesy: Ssriram mt

മധുക്കടവ്

പമ്പയിലേക്ക് തുറന്ന് നിൽക്കുന്ന ക്ഷേത്രത്തിന്റെ ഗോപുരവാതിലാണ് മധുക്കടവ് എന്ന് അറിയപ്പെടുന്നത്. പമ്പാ നദിയിൽ നിന്ന് ഏകദേശം 20 മീറ്റർ ഉയരത്തിലാണ് ഈ ക്ഷേത്രം സ്ഥിതി ചെയ്യുന്നത്. നദിയിൽ നിന്ന് അൻപത്തേഴ് പടവുകൾ കയറി വേണം ക്ഷേത്രത്തിൽ എത്താൻ.
Photo Courtesy: Dvellakat

മറ്റ് ഗോപുരങ്ങൾ

കിഴക്കോട്ടാണ് ഈ ക്ഷേത്രത്തിന്റെ ദർശനം. കേരളത്തിലെ കൃഷ്ണ ക്ഷേത്രങ്ങളുടെ പ്രത്യേകതയാണ് ഇത്. പതിനെട്ട് പടവുകൾ കയറിവേണം കിഴക്കേ ഗോപുര വാതിലിൽ പ്രവേശിക്കാൻ. ശബരിമലയിലെ പതിനെട്ട് പടികളെ ഓർമ്മിപ്പിക്കുന്നതാണ് ഇത്.
Photo Courtesy: Captain

തെക്കും കിഴക്കും

ക്ഷേത്രത്തിന്റെ തെക്കേ ഗോപുര വാതിലും പടിഞ്ഞാറെ ഗോപുര വാതിലും എടുത്തു പറയേണ്ട ഒന്നാണ്. എന്നാൽ കിഴക്കേ ഗോപുര വാതിലിലൂടെയും പടിഞ്ഞാറെ ഗോപുര വാതിലിലൂടെയുമാണ് ഭക്തർ പ്രധാനമായും ഇവിടെ എത്തുന്നത്.

Photo Courtesy: Akhilan

ആറൻമുള കണ്ണാടി

പ്രശസ്തമായ ആറൻമുള കണ്ണാടിക്ക് പേരുകേട്ട സ്ഥലമാണ് ആറൻമുള. പ്രത്യേക ലോഹക്കൂട്ടുകൾ ഉപയോഗിച്ചാണ് ഈ കണ്ണാടി നിർമ്മിക്കുന്നത്. ജ്യോഗ്രഫിക്കൽ ഇൻഡിക്കേഷൻ ടാഗ് ലഭിച്ച കേരളത്തിൽ നിന്നുള്ള ആദ്യ ഉത്പന്നമാണ് ഇത്. പാരമ്പാരഗതമായി തൊഴിൽ ചെയ്യുന്ന ചില കുടുബങ്ങളാണ് ഈ കണ്ണാടി നിർമ്മിച്ചിരിക്കുന്നത്.
Photo Courtesy: Captain

എത്തിച്ചേരാൻ

ചെങ്ങന്നൂരിൽ നിന്ന് പത്ത് കിലോമീറ്റർ അകലെയാണ് ആറൻ‌മുള. ചെങ്ങന്നൂരാണ് അറൻമുളയ്ക്ക് അടുത്തുള്ള റെയിൽവെ സ്റ്റേഷൻ. ചെങ്ങന്നൂർ ബസ് സ്റ്റാൻഡിൽ നിന്ന് ഇവിടേക്ക് ബസുകൾ ലഭിക്കും. ചെങ്ങന്നൂരിൽ നിന്ന് അരമണിക്കൂർ ബസിൽ യാത്ര ചെയ്താൽ ആറൻമുളയിൽ എത്താം.
Photo Courtesy: Pradeep717 at ml.wikipedia