കാലമിത്ര കഴിഞ്ഞിട്ടും സ്ത്രീകളുടെ ക്ഷേത്രപ്രവേശനം കേരളത്തിന് ഇന്നുമൊരു കീറാമുട്ടി തന്നെയാണ്. ആര്ത്തവം അശുദ്ധമാണെന്നും സ്ത്രീകള് ക്ഷേത്രത്തില് പ്രവേശിക്കുന്നത് അശുദ്ധിയുണ്ടാക്കുമെന്നും വാദിച്ച് സ്ത്രീകളെ മാറ്റി നിര്ത്തിയിരിക്കുന്ന ഇടങ്ങള് ഇന്നുമുണ്ട്.
എന്നാല് സാമ്പ്രദായികമായി കൊണ്ടുനടക്കുന്ന ആചാരങ്ങളെയും പാരമ്പര്യങ്ങളെയും വെല്ലുവിളിക്കുന്ന ഒരു ക്ഷേത്രമുണ്ട്. അപൂര്വ്വങ്ങളില് അപൂര്വ്വമെന്നു തോന്നുന്ന ആചാരങ്ങളുമായി ഇന്നും നിലനില്ക്കുന്ന ഭാരതത്തിലെ, ഈ ശ്രേണിയിലെ ഒരേയൊരു ക്ഷേത്രമെന്നു വിളിക്കുവാന് സാധിക്കുന്ന മാ ലിംഗ ഭൈരവി ക്ഷേത്രം. കോയമ്പത്തൂരില് സ്ഥിതി ചെയ്യുന്ന മാ ലിംഗഭൈരവി ക്ഷേത്രത്തിന്റെ വിശേഷങ്ങള് അറിയാം...