മഹാരാഷ്ട്രയില്‍ ഉല്‍ക്കവീണ സ്ഥലം ഇപ്പോള്‍ ഒരു തടാകമാണ്!

01. ലോണാര്‍ തടാകം

ചരിത്രാതീതകാലത്ത് ഒരു കൂറ്റന്‍ ഉല്‍ക്ക വന്നുപതിച്ചതേത്തുടര്‍ന്നുണ്ടായ ഗര്‍ത്തമാണ് ലോണാറിലേക്ക് വിനോദസഞ്ചാരികളെ ആകര്‍ഷിപ്പിക്കുന്നത്. ഇപ്പോള്‍ ഇത് ഒരു തടാകമാണ്. ലോണാര്‍ തടാ‌കം എന്നാണ് ഈ ‌തടാകം അറിയപ്പെടുന്നത്.

Photo Courtesy: V4vjk

02. സംഭവം നടന്നത്

അടുത്തകാലത്തൊന്നും അല്ല ഈ ഉല്‍ക്കവീ‌ണത്. ഏകദേശം 52000 വര്‍ഷം മുന്‍പാണ്. ഏകദേശം 4000 അടി വ്യാസവും 450 അടി താഴ്ചയുമുണ്ട് ഈ തടാകത്തിന്.

Photo Courtesy: Akash Sharma

03. ബ്രിട്ടീഷുകാരുടെ കാലത്ത്

ബ്രിട്ടീഷ് ഉദ്യോഗസ്ഥനായിരുന്ന ജെ ഇ അലക്‌സാണ്ടറാണ് ഈ തടാകം കണ്ടെത്തിയത് എന്ന് കരുതപ്പെടുന്നു.
Photo Courtesy: Pranabk

04. പുരാണങ്ങളില്‍

സ്‌കന്ദപുരാണത്തിലും പദ്മപുരാണത്തിലും അയിന ഇ അക്ബാരിയിലും പരാമര്‍ശിക്കപ്പെടുന്ന തടാകം ലോണാര്‍ തടാകമെന്നാണ് കരുതുന്നത്.

Photo Courtesy: V4vjk

05. ലോകാത്ഭുതം

കൃഷ്ണശിലയില്‍ തീര്‍ക്കപ്പെട്ടിരിക്കുന്നതും ഉപ്പുവെള്ളം നിറഞ്ഞതുമായ ലോകത്തെ ഒരേയൊരു തടാകം എന്നാണ് ലോണാര്‍ തടാകം അറിയപ്പെടുന്നത്.
Photo Courtesy: Nagwani

06. കാഴ്ചകള്‍

കനത്ത കാടിനാല്‍ ചുറ്റപ്പെട്ടുകിടക്കുകയാണ് ലോണാര്‍ തടാകം. ഈ കാടുകളില്‍ നിരവധി പക്ഷിമൃഗാദികളെ കാണാം. മൂങ്ങ, താറാവ്, മയില്‍ തുടങ്ങിയവയാണ് ഇവിടെ അധികമായും കാണപ്പെടുന്ന പക്ഷികള്‍. തടാകത്തിനുള്ളില്‍ ജീവജാലങ്ങളോ സസ്യലതാധികളോ ഇല്ല.
മൂന്ന് കിലോമീറ്റര്‍ അകലത്തിലായി കമല്‍ജ മാതാ ക്ഷേത്രവും ലോനാര്‍ സരോവരവും കാണാം.
Photo Courtesy: Rohanguj2

07. ദൈത്യാസുതന്‍

തടാകത്തിന് അരികിലായി ദൈത്യസുതന്റെ ഒരു ക്ഷേത്രവും കാണാം. രാജ്യത്തിന്റെ വിവിധ ഭാഗങ്ങളില്‍ നിന്നും ക്ഷേത്രവും ഈ തടാകവും കാണുന്നതിനായി സഞ്ചാരികള്‍ എത്തിച്ചേരുന്നു. ഖജുരാവോ ക്ഷേത്രങ്ങളുടെ ഓര്‍മകളുണര്‍ത്തുന്ന മനോഹരമായ ക്ഷേത്രമാണ് ഈ ക്ഷേ‌ത്രം.

Photo Courtesy: Smundra

08. ഹേമദ്പതി ശൈലി

ആറാം നൂറ്റാണ്ടിനും പന്ത്രണ്ടാം നൂറ്റാണ്ടിനുമിടയില്‍ മഹാവിഷ്ണുവിന് സമര്‍പ്പിച്ചുകൊണ്ടാണ് ഈ ക്ഷേത്രം നിര്‍മിച്ചത്. ചാലൂക്യരാജാക്കന്മാരുടെ ഭരണകാലത്തായിരുന്നു ഇത്. ഹേമദ്പതി നിര്‍മാണശൈലിയാണ് ക്ഷേത്രനിര്‍മാണത്തിനായി ഉപയോഗിച്ചിരിക്കുന്നത്.
Photo Courtesy: Date.amod

09. ഐതിഹ്യം

ലവണാസുരന്‍ എന്നും ലോണാസുരന്‍ എന്നും പേരുള്ള ഒരു രാക്ഷസന്‍ ഇവിടെ ജീവി‌ച്ചിരുന്നു. അയാള്‍ ജനങ്ങളെ നിരന്തരമായി ഉപദ്രവിച്ച് തുടങ്ങിയപ്പോള്‍ ഭഗവാന്‍ വിഷ്ണു ദൈത്യസുതനായി ഇവിടെ അവതരിച്ച് രാക്ഷസനെ നിഗ്രഹിച്ചു എന്നാണ് വിശ്വാസം.
Photo Courtesy: Satish-ansingkar

10. എത്തിച്ചേരാന്‍

ഔറംഗബാദാണ് ലോനാറിന് സമീപത്തുള്ള പ്രധാനപ്പെട്ട ടൗണ്‍. 145 കിലോമീറ്റര്‍ അകലത്തിലാണിത്.
നിരവധി സര്‍ക്കാര്‍ വാഹനങ്ങളും പ്രൈവറ്റ് ബസ്സുകളും ഇവിടേക്ക് സര്‍വ്വീസ് നടത്തുന്നുണ്ട്. പൂനെ, മുംബൈ തുടങ്ങിയ സ്ഥലങ്ങളിലേക്കെല്ലാം ഇവിടെനിന്നും ബസ്സ് സര്‍വ്വീസുണ്ട്.
Photo Courtesy: VinyS