വിശ്വാസങ്ങളും കഥകളും ഒരുപാടുണ്ട് മാമ്മലശ്ശേരി ശ്രീരാമസ്വാമി ക്ഷേത്രത്തിന് പറയുവാൻ. മിത്തുകളും വിശ്വാസങ്ങളും പിരിച്ചെടുക്കാനാകാത്ത വിധത്തില് ചേര്ന്നു കിടക്കുന്ന അതിപുരാതനമായ ഒരു ക്ഷേത്രം. ശ്രീരാമന്റെ പാദസ്പര്ശത്താല് അനുഗ്രഹീതമായ മണ്ണിൽ തലയുയർത്തി നിൽക്കുന്ന ക്ഷേത്രത്തിന് നൂറ്റാണ്ടുകളുടെ പഴക്കമുണ്ടെങ്കിലും കാലത്തെ അതിജീവിച്ച് നിൽക്കുന്ന നിർമ്മിതി. എറണാകുളം ജില്ലയിൽ പിറവത്തിന് സമീപം സ്ഥിതി ചെയ്യുന്ന മാമ്മലശ്ശേരി ശ്രീരാമസ്വാമി ക്ഷേത്രത്തിന്റെ വിശേഷങ്ങൾ അറിയാം...
വഴിപാടുകൾ
ഉദ്ദിഷ്ട കാര്യങ്ങൾക്ക് വഴിപാടുകൾ നേരുന്ന ഒരു പതിവ് ഇവിടെയുണ്ട്. ഉദ്ദിഷ്ട കാര്യലബ്ദിയ്ക്കും സര്വൈശ്വര്യ സിദ്ധിക്കും ശ്രീരാമ സ്വാമിയ്ക്ക് സ്വര്ണ്ണഗോപി സമര്പ്പണം,
രോഗശാന്തി, കുടുംബൈശ്വര്യ സിദ്ധി എന്നിവയ്ക്ക് ശ്രീരാമ സ്വാമിയ്ക്ക് അമ്പും വില്ലും സമര്പ്പണം,
ജോലിതടസ്സം മാറുവാന്, മാറുവാൻ ഹനുമാന് ഗദാ സമർപ്പണം,
വിദേശയാത്രാ തടസ്സം മാറുവാന്
അവല് നിവേദ്യം; പാല്പ്പായസം, കൂട്ടുപായസം, നെല്പ്പറ, കുന്നിക്കുരുപറ എന്നിവയും ഇവിടെ നടത്താം.
നട തുറക്കുന്ന സമയം
സാധാരണ ദിവസങ്ങളില് നട തുറക്കുന്ന സമയം രാവിലെ 05.30 മുതല് 10.00 വരെയും വൈകിട്ട് 5.30 മുതല് 7.00 വരെയുമാണ്. കര്ക്കിടക മാസത്തില് പുലര്ച്ചെ 04 മുതല് ഉച്ചയ്ക്ക് 1 മണി വരെയും ഉച്ചകഴിഞ്ഞ് 4.00 മുതല് രാത്രി 8.00 മണിവരെയും ആണ് നട തുറക്കുന്ന സമയം.
എത്തിച്ചേരുവാൻ
എറണാകുളത്തുനിന്ന് വരുന്നവർക്ക് തൃപ്പൂണിത്തുറ - തിരുവാങ്കുളം - ചൂണ്ടി രാമമംഗലം വഴി മാമ്മലശ്ശേരിയെത്താം. തൃപ്പൂണിത്തുറ വഴി വരുന്നവർക്ക് മുളന്തുരുത്തി - പിറവം വഴിയും പെരുമ്പാവൂരു നിന്ന് വരുമ്പോൾ പട്ടിമറ്റം - ചൂണ്ടി - രാമമംഗലം വഴിയും കോതമംഗലത്തു നിന്ന് മൂവാറ്റുപുഴ - പാമ്പാക്കുട - അഞ്ചല്പ്പെട്ടി വഴിയും കോട്ടയത്തുനിന്ന് ഏറ്റുമാനൂർ - കടുത്തുരുത്തി - പിറവം - മുളക്കുളം വഴിയും മാമ്മലശ്ശേരി യിൽ എത്താം.