ഇന്ത്യയുടെ തെക്കേ മുനമ്പായ കന്യാകുമാരിയിൽ സ്ഥിതി ചെയ്യുന്ന ഒരു ക്രിസ്ത്യൻ ദേവാലയമാണ് ഔർ ലേഡി ഓഫ് റാൻസം ചർച്ച്. പതിനേഴാം നൂറ്റണ്ടിലാണ് ഇവിടെ ഈ ക്രിസ്ത്യൻ ദേവാലയം നിർമ്മിക്കപ്പെട്ടത്.
പതിനാറാം നൂറ്റാണ്ടിൽ റോമിൽ നിന്ന് കൊണ്ടുവന്നതാണ് ഇവിടുത്തെ കന്യാമറിയത്തിന്റെ പ്രതിമ എന്നാണ് വിശ്വാസം. പള്ളിയിലെ സ്വർണ്ണ നിറത്തിലുള്ള അൾത്താരയിലാണ് ഈ പ്രതിമ സ്ഥാപിച്ചിരിക്കുന്നത്. അലങ്കാര മാത എന്നാണ് കന്യാമറിയം ഇവിടെ അറിയപ്പെടുന്നത്. കന്യാമറിയത്തിന്റെ പ്രതിമയ്ക്ക് ഇരുവശങ്ങളിലുമായും സെയിന്റ് ജോസഫിന്റേയും സെയിന്റ് സേവ്യാറിന്റേയും പ്രതിമകളുണ്ട്.
കൊത്ത് പണികൾ ചെയ്ത് സുന്ദരമാക്കിയ ഒരു കിരീടം കന്യാമറിയത്തിന്റെ തലയിൽ ധരിച്ചിച്ചുണ്ട്. സ്വർഗത്തിന്റേയും ഭൂമിയുടേയും രാഞ്ജി എന്നതിന്റെ പ്രതീകമാണ് ഈ കിരീടം.
വിവിധ സംഗീതോപകരണങ്ങൾ വായിക്കുന്ന മാലാഖമാരുടെ പ്രതിമകളും ഈ ദേവാലയത്തിന്റെ അൾത്താരയിൽ കാണാം.