പഴനി... ഹൈന്ദവ വിശ്വാസികളുടെ ഏറ്റവം പ്രധാന തീര്ത്ഥാടന സഥാനങ്ങളിലൊന്ന്. നാളും നേരവും നോക്കാതെ ഏതു സമയത്തും കയറിച്ചെല്ലുവാന് പറ്റിയ പളനി ക്ഷേത്രം മുരുകനെ വിളിച്ചപേക്ഷിക്കുന്ന വിശ്വാസികളുടെ ആശ്രയ കേന്ദ്രം കൂടിയാണ്. എത്ര വിഷമമാമണെങ്കിലും നേരിട്ടെത്തി പ്രാര്ത്ഥിച്ചാല് പഴനിമല മുരുകന് അതെല്ലാം മാറ്റി ഐശ്വര്യവും സമാധാനവും നല്കുമെന്നതിന് മലകയറിയെത്തുന്ന ജനങ്ങള് സാക്ഷി.
ആറുപടൈ വീടുകള് എന്ന പേരില് ആറു പ്രധാന മുരുക ക്ഷേത്രങ്ങളാണ് തമിഴ്നാട്ടിലുള്ളത്. എന്നാല് എത്തിച്ചേരുവാനുള്ള എളുപ്പം കൊണ്ടും വിശ്വാസങ്ങളുടെ കാര്യത്തിലും മലയാളികള് തേടിച്ചെല്ലുന്നത് പഴനി മുരുകനെയാണ്. എത്ര ചെറിയ പ്രാര്ത്ഥനയായാല് പോലും പഴയിയാണ്ടവന് ഇരുചെവിയും തുറന്ന് കേള്ക്കുമെന്നാണ് ഇവിടുത്തെ വിശ്വാസം.
കേരളത്തില് നിന്നും ഓരോ വര്ഷവും പതിനായിരക്കണക്കിന് ആളുകളാണ് പഴനിയിലേക്ക് തീര്ത്ഥാടനം നടത്തുന്നത്. ബസ് മാര്ഗ്ഗവും റോഡ് മാര്ഗ്ഗവും പോകുവാന് സാധിക്കുമെങ്കിലും ചിലവ് കുറവ് ട്രെയിനിലുള്ള യാത്രയ്ക്കാണ്.
ഇതാ കേരളത്തില് നിന്നും പഴയിനിയിലേക്ക് ട്രെയിന് വഴി എങ്ങനെ പോകാമെന്നും ടിക്കറ്റ് നിരക്കും ട്രെയിന് സമയവും ഉള്പ്പെടെയുള്ള കാര്യങ്ങളും വായിക്കാം...
പാലക്കാട് നിന്നും പഴനിയിലേക്ക്
പാലക്കാട്-ചെന്നൈ എക്സ്പ്രസാണ് പഴനിയിയിലേക്ക് പാലക്കാടു നിന്നും നേരിട്ടുള്ള ട്രെയിന് സര്വീസ്. PGT MAS EXPRESS (22652) എന്നതാണ് ട്രെയിന്. രണ്ട് മണിക്കൂര് 15 മിനിറ്റ് സമയം മാത്രം മതി ഇവിടെ നിന്നും പഴനിയിലെത്തുവാന്. പാലക്കാട്-ചെന്നൈ എക്സ്പ്രസ് കൂടാതെ തിരുവനന്തപുരത്തു നിന്നും ആരംഭിക്കുന്ന നേരത്തെ പറഞ്ഞ അമൃത എക്സ്പ്രസും പാലക്കാട് വഴി തന്നെയാണ് കടന്നുപോകുന്നത്. ആഴ്ചയില് എല്ലാ ദിവസവും ഈ ട്രെയിനുകള് ഓടുന്നുണ്ട്.
പാലക്കാട്-ചെന്നൈ എക്സ്പ്രസ് വഴി പാലക്കാട് നിന്നും പഴനിയില് എത്തുന്ന സമയം നോക്കാം
പാലക്കാട് ടൗണ് റെയില്വേ സ്റ്റേഷനില് നിന്നും ഉച്ചകഴിഞ്ഞ് 3.45നാണ് ട്രെയിന് പുറപ്പെടുന്നത്. പൊള്ളാച്ചിയില് 4.52 pm, ഉദുമല് പേട്ടില് 5.25pm, പളനിയില് 6.00 pm എന്നിങ്ങനെയാണ് ട്രെയിന് എത്തിച്ചേരുന്ന സമയം.
പഴനിയില് നിന്നും പാലക്കാടിന്
പളനിയില് നിന്നും തിരികെ പാലക്കാടിന് വരുമ്പോള് PGT MAS EXPRESS (22651) രാവിലെ 7.10 am ന് പളനി സ്റ്റേഷനിലെത്തും. ഉദുമല് പേട്ടയില്07.53am, പൊള്ളാച്ചി ജംങ്ഷനില് 08.42 am, പാലക്കാട്ട് ടൗണില് 9.28 am, പാലക്കാട് 10.00 am എന്നിങ്ങനെയാണ് ട്രെയിന് എത്തിച്ചേരുന്ന സമയം.