Search
  • Follow NativePlanet
Share
» »കാപ്പിത്തോട്ടങ്ങളുടെ നാട്ടിലെത്തിയാല്‍

കാപ്പിത്തോട്ടങ്ങളുടെ നാട്ടിലെത്തിയാല്‍

കൊച്ചുമകളുടെ നാട് (ചിക്ക മഗളു ഊര്) എന്നര്‍ഥമുള്ള ചിക്കമംഗളുരു ടൂറിസത്തിലും ഇന്ത്യന്‍ രാഷ്ട്രീയത്തിലുമൊക്കെ പേരുകേട്ടയിടമാണ്.

By Elizabath

ഏഴു കാപ്പിക്കുരുകള്‍ കൊണ്ട് ഇന്ത്യയുടെ തന്നെ കാപ്പിത്തോട്ടമായി മാറിയ സ്ഥലമാണ് ചിക്കമംഗളുരു.

17-ാം നൂറ്റാണ്ടില്‍ യെമനില്‍ നിന്നും ബാബ ബുധന്‍ എന്ന ബുദ്ധസന്യാസികൊണ്ടുവന്ന ആ ഏഴു കാപ്പിക്കുരുക്കളാണ് ചിക്കമംഗളുരു നാടിന്റെ തലയിലെഴുത്ത് മാറ്റിയത്.
കൊച്ചുമകളുടെ നാട് (ചിക്ക മഗളു ഊര്) എന്നര്‍ഥമുള്ള ചിക്കമംഗളുരു ടൂറിസത്തിലും ഇന്ത്യന്‍ രാഷ്ട്രീയത്തിലുമൊക്കെ പേരുകേട്ടയിടമാണ്. ഭക്ഷണപ്രിയര്‍ക്ക് ഒന്നും നോക്കാതെ പോകാന്‍ പറ്റിയ ഇവിടുത്തെ മസാലദോശയും വടയും ഏറെ പേരുകേട്ടതാണ്.

ഏകാന്തസഞ്ചാരികളുട സ്വര്‍ഗ്ഗമായ ഇവിടെ കാഴ്ചകള്‍ ധാരാളമുണ്ട്. സാഹസികരെയും പ്രകൃതി സ്‌നേഹികളെയും ഒരുപോലെ ആകര്‍ഷിക്കുന്ന ചിക്കമംഗളുരു സഞ്ചാരികള്‍ക്കായി ഒരുക്കിയിരിക്കുന്നത് എന്തൊക്കെയാണെന്ന് അറിയുമോ?

ബാബാ ബുധന്‍ഗിരി

ബാബാ ബുധന്‍ഗിരി

ചന്ദ്ര ദ്രോണ പര്‍വ്വത എന്നും ദത്താത്തേയ
പീഠം എന്നും അറിയപ്പെടുന്ന ബാബാ ബുധന്‍ഗിരി
ഇവിടുത്തെ ഇയരമേറിയതും പ്രധാനപ്പെട്ടതുമായ മലനിരയാണ്. സമുദ്രനിരപ്പില്‍ നിന്നും 1895 മീറ്റര്‍ ഉയരത്തില്‍ സ്ഥിതി ചെയ്യുന്ന ഇവിടം ഹിന്ദുക്കളുടെയും മുസ്ലീങ്ങളുടെയും ആരാധനാ സ്ഥലമാണ്.

PC: S N Barid

 മുല്ലയനഗിരി

മുല്ലയനഗിരി

രണ്ടായിരം മീറ്ററിലധികം ഉയരമുള്ള മുല്ലയനഗിരി കര്‍ണ്ണാടകയിലെ ഏറ്റവും ഉയരംകൂടിയ കൊടുമുടിയായാണ് അറിയപ്പെടുന്നത്.
ഇന്ത്യയില്‍ മൗണ്ടന്‍ ബൈക്ക് റേസിങ്ങിനു പറ്റിയ സ്ഥലങ്ങളില്‍ ഒന്നുകൂടിയാണ് മുല്ലയാനഗിരി. മുല്ലയാനഗിരിയിലേക്കുള്ള യാത്ര ട്രക്കിങ്ങിന്റെ രൂപത്തിലാണ് നടത്താറുള്ളത്.
മലമുകളിലായുള്ള ശിവക്ഷേത്രമാണ് ഇവിടുത്തെ മറ്റൊരാകര്‍ഷണം.

PC: Lakshmipathi23

ഹെബ്ബെ വെള്ളച്ചാട്ടം

ഹെബ്ബെ വെള്ളച്ചാട്ടം

കാട്ടിനുള്ളില്‍ മറഞ്ഞിരിക്കുന്ന വെള്ളച്ചാട്ടമാണ് ഹെബ്ബെ വെള്ളച്ചാട്ടം. ഏകദേശം 551 അടി ഉയരത്തില്‍ നിന്നും താഴേക്ക് പതിക്കുന്ന വെള്ളച്ചാട്ടം കാണമെങ്കില്‍ ചെറിയൊരു ട്രക്കിങ് വേണ്ടിവരും. ഡൊഡ്ഡ ഹെബ്ബെ എന്നും ചിക്ക ഹെബ്ബെ എന്നും പേരായ രണ്ടു വെള്ളച്ചാട്ടങ്ങളായി ഇടയ്ക്കിത് മാറുമെങ്കിലും താഴേയെത്തുന്നത് ഒന്നായാണ്.
കാട്ടിലൂടെ ഒഴുകി വരുന്നതിനാല്‍ വെള്ളച്ചാട്ടത്തിന് ഔഷധഗുണങ്ങളുണ്ടെന്ന് വിശ്വസിക്കപ്പെടുന്നു.

PC: Srinivasa83

കെമ്മനഗുഡി

കെമ്മനഗുഡി

ശ്രീ കൃഷ്ണരാജേന്ദ്ര ഹില്‍ സ്റ്റേഷന്‍ എന്നറിയപ്പെടുന്ന കെമ്മനഗുഡി വോഡയാര്‍ രാജാക്കന്‍മാരുടെ വേനല്‍ക്കാല വസതിയായിരുന്നു.
ബാബ ബുധന്‍ഗിരി മലനിരയുടെ മനോഹരമായ കാഴ്ചയാണ് ഇവിടുത്തെ ഏറ്റവും വലിയ ആകര്‍ഷണം. ഇവിടുത്തെ റോസ് ഗാര്‍ഡനും പ്രകൃതിയോടൊപ്പമുള്ള നടത്തവുമാണ് സഞ്ചാരികളെ ആകര്‍ഷിക്കുന്നത്.

PC: RakeshRaju M

ഭദ്രാ വൈല്‍ഡ് ലൈഫ് സാങ്ച്വറി

ഭദ്രാ വൈല്‍ഡ് ലൈഫ് സാങ്ച്വറി

വൈല്‍ഡ് ലൈഫ് സഫാരിക്ക് പേരുകേട്ട ഭദ്രാ വൈല്‍ഡ് ലൈഫ് സാങ്ച്വറി മുത്തോടി വൈല്‍ഡ് ലൈഫ് സാങ്ച്വറി എന്ന പേരിലും അറിയപ്പെടുന്നു. കടുവകളെ അതിന്റെ സ്വാഭാവിക അന്തരീക്ഷത്തില്‍ സംരക്ഷിക്കുന്ന ഇവിടെ മറ്റനേകം വന്യജീവികളേയും കാണാന്‍ സാധിക്കും.

PC: Girish.hc2016

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X