ഹണിമൂണ് പാക്കേജുകൾ ഇഷ്ടംപോലെ കാണാമെങ്കിലും നമ്മുടെ ബജറ്റിനൊത്തു വരുന്നവ പ്ലാൻ ചെയ്തെടുക്കുക എന്നത് എളുപ്പമുള്ള കാര്യമല്ല. ലക്ഷങ്ങൾ ചിലവഴിച്ചാൽ മാത്രമേ മികച്ച ഒരു ഹണിമൂൺ പാക്കേജ് കിട്ടുകയുള്ളൂ എന്ന ധാരണ മാറ്റിമറിച്ച് കിടിലൻ ഒരു റൊമാന്റിക് പാക്കേജ് ഒരുക്കുകയാണ് ഐആര്സിടിസി. മറ്റു പാക്കേജുകളെവെച്ചുനോക്കുമ്പോൾ സാധാരണക്കാർക്കും പോകുവാൻ സാധിക്കുന്ന ഈ പാക്കേജ് ആന്ഡമാനിലേക്കുള്ളതാണ്. ഐആര്സിടിസിയുടെ റൊമാന്റിക് ആൻഡമാൻ ഹോളിഡെയ്സ് പാക്കേജിനെക്കുറിച്ച് അറിയാം...
അഞ്ചാം ദിവസവും ആറാം ദിവസവും ഏഴാം ദിവസവും
അഞ്ചാം ദിവസം പ്രഭാതഭക്ഷണത്തിന് ശേഷം ഹോട്ടലിൽ നിന്ന് ചെക്ക്ഔട്ട് ചെയ്ത് ഭരത്പൂർ ബീച്ച് സന്ദർശിക്കും. ഇവിടുത്തെ പ്രസിദ്ധമായ ജല കായിക വിനോദങ്ങളിൽ പങ്കെടുക്കാം. ഉച്ചയ്ക്കു ശേഷം പോർട്ട് ബ്ലെയറിലേക്കുള്ള മടക്കയാത്രയാണ്.
ആറാം ദിവസം ബരാതാങ് ദ്വീപ് സന്ദര്ശനമാണ്. അതിരാവിലെ, പായ്ക്ക് ചെയ്ത പ്രഭാതഭക്ഷണവുമായി ബരാതങ്ങിലേക്ക് പോകുക. സാധാരണ ആന്ഡമാന് പാക്കേജുകളിൽ കടന്നുപോകാത്ത ഇടങ്ങളിലൂടെയാണ് ഈ ദിവസത്തെ യാത്ര. ജർവ ഗോത്രവർഗ്ഗക്കാരുടെ പ്രദേശം, ലൈം സ്റ്റോൺ ഗുഹ,കണ്ടൽക്കാടിലൂടെയുള്ള സ്പീഡ് ബോട്ട് യാത്ര, എന്നിവയ്ക്കു ശേഷം വൈകുന്നേരം പോർട്ട്ബ്ലെയറിലേക്ക് മടങ്ങും.
യാത്രയിലെ ഏഴാമത്തെ ദിവസം പുതിയ യാത്രകളൊന്നുമില്ല. രാവിലെ ഹോട്ടലിൽ നിന്നും ചെക്ക് ഔട്ട് ചെയ്ത് മടങ്ങാം,
PC: Pinakeen Bhatt/ Unsplash
ടിക്കറ്റ് നിരക്ക്
ഗ്രൂപ്പ് ബുക്കിങ്ങും വ്യക്തിഗത ബുക്കിങ്ങും ഈ പാക്കേജിൽ ലഭ്യമാക്കിയിട്ടുണ്ട്. യാത്രയിൽ നിങ്ങൾ തിരഞ്ഞെടുക്കുന്ന താമസൗകര്യങ്ങൾ അനുസരിച്ച് നിരക്കിൽ വ്യത്യാസം വരും. സിംഗിൾ ഒക്യുപൻസിക്ക് 56600 രൂപയും ഡബിൾ ഒക്യുപൻസിയിൽ ഒരാൾക്ക് 36700 രൂപയും ട്രിപ്പിൾ ഒക്യുപൻസിയിൽ 32100 രൂപയും 5-11 പ്രായക്കാരായ കുട്ടികളിൽ ബെഡ് ആവശ്യമുള്ളവർക്ക് 18400 രൂപയും 2-4 പ്രായക്കാരായ കുട്ടികളിൽ ബെഡ് ആവശ്യമില്ലാത്തവർക്ക് 14300 രൂപയുമാണ് നിരക്ക്.
ഗ്രൂപ്പ് ബുക്കിങ് നടത്തുമ്പോൾ നാല് പേരുള്ള ഗ്രൂപ്പിൽ ഒരാൾക്ക് 37000 രൂപയും ആറ് പേരുള്ള ഗ്രൂപ്പിൽ 35300 രൂപയുമാണ് നിരക്ക്. കൂടുതൽ വിവരങ്ങൾക്ക് 8595904073 എന്ന നമ്പറിൽ ബന്ധപ്പെടാം.