Search
  • Follow NativePlanet
Share
» »വിസയില്ലാതെ കാണാം സെര്‍ബിയയുടെ ലോകം... കല്ലില്‍ തീര്‍ത്ത ഗ്രാമവും വിലകൂടിയ ചീസും.. സെര്‍ബിയന്‍ വിശേഷങ്ങള്‍

വിസയില്ലാതെ കാണാം സെര്‍ബിയയുടെ ലോകം... കല്ലില്‍ തീര്‍ത്ത ഗ്രാമവും വിലകൂടിയ ചീസും.. സെര്‍ബിയന്‍ വിശേഷങ്ങള്‍

തെക്കുപടിഞ്ഞാറന്‍ യൂറോപ്പും മധ്യ യൂറോപ്പും തമ്മില്‍ ചേരുന്ന ഇടമായ സെര്‍ബിയ പ്രകൃതിഭംഗിയുടെ കാര്യത്തില്‍ മാത്രമല്ല, ചരിത്ര ഇടങ്ങളുടെയും ശേഷിപ്പുകളുടെയും രുചിവൈവിധ്യങ്ങളുടെയും കേന്ദ്രം കൂടിയാണ്.

വായിച്ചും കേട്ടും പരിചിതമായതിലേറെ നേരിട്ടുപോയി മാത്രം മനസ്സിലാക്കേണ്ട രാജ്യങ്ങളിലൊന്നാണ് സെര്‍ബിയ. അധികം സഞ്ചാരികളൊന്നും വന്നുപോയിട്ടില്ലാത്ത ഈ ഭൂപ്രദേശം ഏതു തരത്തിലുള്ള യാത്രാ സ്നേഹികള്‍ക്കും ആസ്വദിക്കുവാന്‍ സാധിക്കുന്ന രാജ്യമാണ്. തെക്കുപടിഞ്ഞാറന്‍ യൂറോപ്പും മധ്യ യൂറോപ്പും തമ്മില്‍ ചേരുന്ന ഇടമായ സെര്‍ബിയ പ്രകൃതിഭംഗിയുടെ കാര്യത്തില്‍ മാത്രമല്ല, ചരിത്ര ഇടങ്ങളുടെയും ശേഷിപ്പുകളുടെയും രുചിവൈവിധ്യങ്ങളുടെയും കേന്ദ്രം കൂടിയാണ്.

ചരിത്രത്തിന്‍റെയും സംസ്കാരത്തിന്‍റെയും നാട്

ചരിത്രത്തിന്‍റെയും സംസ്കാരത്തിന്‍റെയും നാട്

സമ്പന്നമായ ചരിത്രവും പഴമയും തങ്ങളുടെ സംസ്കാരത്തോട് ചേര്‍ത്തു സൂക്ഷിക്കുന്ന രാജ്യമാണ് സെര്‍ബിയ. സെർബിയൻ മധ്യകാല സന്യാസസമൂഹങ്ങളായ സ്റ്റുഡെനിക്ക, ലാഡ്വർ ലേഡി ഓഫ് ലെജെവിക്, ഡെസാനി, ഗ്രാസാനിക്ക, സോപൊസാനി, , റാസ്സിന്റെ പഴയ കോട്ട എന്നിവ യുനെസ്കോയുടെ ലോക പൈതൃക സൈറ്റുകളുടെ പട്ടികയിൽ ഉൾപ്പെടുന്നു. ലോകത്തിലെ ഏറ്റവും പഴക്കം ചെന്ന കയ്യെഴുത്തുപ്രതികളിലൊന്നായ മിറോസ്ലാവിന്റെ സുവിശേഷത്തിന്റെ ഉത്ഭവം കൂടിയായിരുന്നു സെർബിയ. ലോക ഡോക്യുമെന്ററി പൈതൃകമായി യുനെസ്കോ ഇതിനെ അംഗീകരിച്ചരുന്നു. നാല് റോമൻ തലസ്ഥാനങ്ങളിലൊന്നായ പുരാതന നഗരമായ സിർമിയം (ഇന്നത്തെ സ്രെംസ്ക മിട്രോവിക്ക) സ്ഥിതിചെയ്യുന്നത് സെർബിയയിലാണ്.

റോമന്‍ ചക്രവര്‍ത്തിമാരുടെ ജന്മനാട്

റോമന്‍ ചക്രവര്‍ത്തിമാരുടെ ജന്മനാട്

റോമന്‍ ചക്രവര്‍ത്തിമാരുടെ ജന്മനാട് എന്ന നിലയിലും സെര്‍ബിയ ഏറെ പ്രസിദ്ധമാണ്. ഇന്നത്തെ സെര്‍ബിയയുടെ ഭാഗമായ ഭൂപ്രദേശത്ത് 17 റോമന്‍ ചക്രവര്‍ത്തിമാര്‍ ജനിച്ചിട്ടുണ്ടെന്നാണ് കണക്കുകള്‍ പറയുന്ന്. റോമൻ ചക്രവർത്തിയായ കോൺസ്റ്റന്റൈൻ ദി ഗ്രേറ്റ്, ഇന്നത്തെ നഗരമായ നിസിൽ ജനിച്ചു. ക്രിസ്തുമതത്തെ ഔദ്യോഗിക മതമായി ആദ്യംപ്രഖ്യാപിച്ചത് അദ്ദേഹമായിരുന്നു.

റാസ്പ്ബറി കയറ്റുമതിക്കാല്‍

റാസ്പ്ബറി കയറ്റുമതിക്കാല്‍

ലോകത്തിലെ ഏറ്റവും വലിയ രണ്ടാമത്തെ റാസ്ബെറി കയറ്റുമതി ചെയ്യുന്ന രാജ്യമാണ് സെർബിയ. റാസ്ബെറി കൂടാതെ, യൂറോപ്പിൽ പ്ലംസ്, പ്ളം, ആപ്പിൾ, പിയേഴ്സ് എന്നിവയുടെ പ്രധാന കയറ്റുമതിക്കാര്‍ കൂടിയാണ് സെർബിയ.

 ആതിഥ്യ മര്യാദക്കാര്‍

ആതിഥ്യ മര്യാദക്കാര്‍

ലോകത്തിലെ ഏറ്റവും മികച്ച ആതിഥ്യമര്യാദയുള്ള, അതിഥികളെ വീട്ടുകാരെപ്പോലെ സത്ക്കരിക്കുന്ന നാ‌ടാണ് സെര്‍ബിയ. അതിഥികളെ ബഹുമാനിക്കുന്നത് എങ്ങനെയാണോ അത് പോലെയാണ് ദൈവം തങ്ങളോട് പെരുമാറുക എന്നു വിശ്വാസമുള്ളതിനാല്‍ ഏറ്റവും നല്ല രീതിയില്‍ ആണിവര്‍ അതിഥികളോട് ഇടപഴകുന്നത്.

 വാംപയര്‍

വാംപയര്‍

ലോകത്തില്‍ വ്യാപകമായി ഏറ്റവും
കൂടുതല്‍ ഉപയോഗിക്കുന്ന സെര്‍ബിയന്‍ പദങ്ങളില്‍ ഒന്നാണ് വാംപയര്‍. വാംപിര്‍ എന്ന സെര്‍ബിയന്‍ വാക്കില്‍ നിന്നാണ് ഇതിന്‍റെ ഉത്ഭവം.

ശാസ്ത്ര മേഖലയില്‍

ശാസ്ത്ര മേഖലയില്‍

കഷ്ടതകള്‍ നിറഞ്ഞ ഇന്നലെകള്‍ ആയിരുന്നു സെര്‍ബിയയ്ക്ക് ഉണ്ടായിരുന്നത് എങ്കിലും അതിനിടയിലും ശാസ്ത്രലോകത്തിന് സെര്‍ബിയ നല്കിയ സംഭാവനകള്‍ എടുത്തു പറയേണ്ടതാണ്. സൃഷ്ടിച്ചു. ശാസ്ത്ര സാങ്കേതിക വിദ്യയുടെ ഏറ്റവും വലിയ പയനിയർമാരിലൊരാളായ നിക്കോള ടെസ്‌ല ഒരു സെർബിയൻ ആയിരുന്നു. ടെസ്‌ലയ്‌ക്ക് പുറമേ, മിഹാജ്‌ലോ പുപിൻ (ഭൗതികശാസ്ത്രജ്ഞനും ഭൗതിക രസതന്ത്രജ്ഞനും), മിലൂട്ടിൻ മിലാൻ‌കോവിക് (ഗണിതശാസ്ത്രജ്ഞൻ, ജ്യോതിശാസ്ത്രജ്ഞൻ), വുക് സ്റ്റെഫാനോവിക് കരാഡിക് (ഫിലോളജിസ്റ്റും ഭാഷാശാസ്ത്രജ്ഞനും), മിഹൈലോ പെട്രോവിക് അലാസ് (ഗണിതശാസ്ത്രജ്ഞനും കണ്ടുപിടുത്തക്കാരനും) എന്നിവരാണ് സെർബിയയിലെ പ്രശസ്ത ശാസ്ത്രജ്ഞർ

ബെൽഗ്രേഡ്

ബെൽഗ്രേഡ്

യൂറോപ്പിലെ ഏറ്റവും പഴയ നഗരങ്ങളിലൊന്നാണ് ബെൽഗ്രേഡ്.
7000 വർഷത്തിലേറെയായി ബെൽഗ്രേഡിൽ മനുഷ്യവാസം നിലനിന്നിരുന്നുവെന്ന് പുരാവസ്തു ഗവേഷണങ്ങളിൽ തെളിഞ്ഞിട്ടുണ്ട്. എന്നിരുന്നാലും, ഇന്നത്തെ ബെൽഗ്രേഡ് സമ്പന്നമായ സമ്പദ്‌വ്യവസ്ഥയും സമ്പന്നമായ സംസ്കാരവുമുള്ള ഊർജ്ജസ്വലമായ നഗരമാണ്. ലോകത്തെ പാർട്ടി ലക്ഷ്യസ്ഥാനങ്ങളിൽ നഗരം ഉയർന്ന സ്ഥാനത്താണ്. സെർബിയയിൽ സന്ദർശിക്കാൻ ഏറ്റവും രസകരമായ സ്ഥലങ്ങളിൽ ഒന്നാണിത്.

 കോലോ

കോലോ

സെർബിയയിലെ പരമ്പരാഗത നാടോടി നൃത്തമാണ് കോലോ
സജീവമായ 'കോലോ' നാടോടി നൃത്തം ഒരു പഴയ പാരമ്പര്യവും സെർബിയൻ സംസ്കാരത്തിന്റെ സുപ്രധാന ഘടകവുമാണ്. വിവാഹങ്ങൾ, ക്രിസ്മസ്, ഈസ്റ്റർ തുടങ്ങിയ പ്രധാനപ്പെട്ട സാമൂഹിക അവസരങ്ങളിലാണ് കോലോ അവതരിപ്പിക്കുന്നത്.

സെര്‍ബിയന്‍ ചീസ്

സെര്‍ബിയന്‍ ചീസ്

ലോകത്തിലെ ഏറ്റവും ചെലവേറിയ ചീസ് സെർബിയൻ ചീസ് ആണ്. പലപ്പോഴും ചീസിന്റെ കാര്യത്തില്‍ ഗുണനിലവാരത്തെയും മറ്റും കുറിക്കുവാന്‍ സ്വിറ്റ്‌സർലൻഡ്, ഫ്രാൻസ്, ഇറ്റലി തുടങ്ങിയ രാജ്യങ്ങളെ ഉപയോഗിക്കുമെങ്കിലും സെര്‍ബിയയയാണ് ഇതിനേറ്റവും യോജിച്ചത്. ആടിന്റെയും കഴുത പാലിന്റെയും മിശ്രിതമാണ് ഇവിടെ ഈ ചീസ് നിര്‍മ്മിക്കുവാനായി ഉപയോഗിക്കുന്നത്. ഇതിനെ പുലെ എന്ന് വിളിക്കുന്നു, കിലോഗ്രാമിന് 1,000 യൂറോ വരെ ഇതിന് വിലവരും.

 കല്ലില്‍ നിര്‍മ്മിച്ച ഗ്രാമം

കല്ലില്‍ നിര്‍മ്മിച്ച ഗ്രാമം

പൂര്‍ണ്ണമായും കല്ലില്‍ തീര്‍ത്ത ഒരു ഗ്രാമം നിങ്ങള്‍ക്ക് സെര്‍ബിയയില്‍ കാണാം.
തെക്ക്-കിഴക്കൻ സെർബിയയിലെ ഗോസ്റ്റുസ എന്ന ഗ്രാമമാണ്. ഒരു ഗ്രാമം മുഴുവൻ കല്ലിൽ നിന്നാണ് നിർമ്മിച്ചിരിക്കുന്നത് എന്നതാണ് ഇതിന്‍റെ പ്രത്യേകത. നൂറ്റാണ്ടുകളായി മേൽക്കൂരകൾ പോലും കല്ലില്‍ തീര്‍ത്തിരിക്കുന്നു എന്നു പറയുമ്പോഴാണ് ഇതിന്റെ പ്രാധാന്യം മനസ്സിലാവുക.

 ചർച്ച് ഓഫ് സെന്റ് സാവ

ചർച്ച് ഓഫ് സെന്റ് സാവ

ലോകത്തിലെ ഏറ്റവും മികച്ച ഓര്‍ത്തഡോക്സ് ദേവാലയങ്ങളിലൊന്നാണ് ചർച്ച് ഓഫ് സെന്റ് സാവ. ബാൽക്കണിലെ മാത്രമല്ല, ലോകത്തിലെ ഏറ്റവും വലിയ ഓർത്തഡോക്സ് പള്ളികളിലൊന്നാണിത്. . 1935 ൽ തുറന്ന ഇത് ഒരു നൂറ്റാണ്ടോളം രാജ്യത്തെ ഏറ്റവും പ്രതീകമായ മതചിഹ്നങ്ങളിലൊന്നായി തുടരുന്നു.

 വിസ-ഫ്രീ രാജ്യം

വിസ-ഫ്രീ രാജ്യം

ഇന്ത്യക്കാര്‍ക്ക് വിസയില്ലാതെ പോകുവാന്‍ സാധിക്കുന്ന ഏക യൂറോപ്യന്‍ രാജ്യമാണ് സെര്‍ബിയ. മാത്രമല്ല, വളരെ ചെറിയ ചിലവില്‍ ഇന്ത്യയില്‍ നിന്നും അവിടേക്ക് ോപകുവാനും സാധിക്കും,. ഹോട്ടല്‍ ബുക്ക് ചെയ്തതിന്റെ രേഖകളും ട്രാവല്‍ ഇന്‍ഷുറന്‍സിന്റെ വിശദാംശങ്ങളും ഒപ്പം ഫ്ലൈറ്റ് ടിക്കറ്റും മതി ഇവിടേക്ക് പോകുവാന്‍.

Read more about: world interesting facts church
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X