ഗിന്നസ് ബുക്കില്‍ ഇടം നേടിയ അക്ഷര്‍ധാം ക്ഷേത്രം

യോ‌ഗിജി മഹാരാജന്‍

ഭഗവാന്‍ സ്വാമിനാരായണന്റെ പരമ്പരയിലെ പ്രമുഖനായ യോഗിജി മഹാരാജിന്റെ താല്‍പര്യപ്രകാരമാണ് ഈ ക്ഷേത്രം പണിതത്. മൂവായിരത്തിലധികം സ്വയംസേവകരും പതിനായിരത്തിലധികം വിദഗ്ധതൊഴിലാളികളും ഇതിന്റെ നിര്‍മ്മാണത്തില്‍ പങ്കുചേര്‍ന്നിട്ടുണ്ട്.
Photo Courtesy: Kapil.xerox

യമുനാ നദിക്കരയില്‍

യമുനാ നദിക്കരയില്‍

യമുനാ നദിയുടെ തീരത്താണ് പ്രശസ്തമായ ഈ ക്ഷേത്രം ‌സ്ഥിതി ചെയ്യുന്നത്. ഈ ക്ഷേത്രം സന്ദര്‍ശിക്കുന്ന സഞ്ചാരികളെ അത്ഭുതപ്പെടുത്തുന്ന നിരവധി കാര്യങ്ങള്‍ ഇവിടെയുണ്ട്. സ്ഥഹപത്യയെന്ന വേദ ഗ്രന്ഥം അടിസ്ഥാനമാക്കി ഭഗവന്‍ സ്വാമി നാരായണനാണ് ഈ ക്ഷേത്രം രൂപകല്‍പ്പന ചെയ്തത്.

Photo Courtesy: vaibhav shukla

ക്ഷേത്ര നിര്‍മ്മാണം

വാസ്തുശാസ്ത്രത്തെയും പഞ്ചരത്ര ശാസ്ത്രത്തെയും അടിസ്ഥാനപ്പെടുത്തിയാണ് ഈ ക്ഷേത്രം പണിതത്. അഞ്ച് പ്രധാനഭാഗങ്ങളായിട്ടാണ് ക്ഷേത്രസമുച്ചയത്തെ തിരിച്ചിരിക്കുന്നത്.

Photo Courtesy: Juthani1

പ്രധാന ക്ഷേത്രം

പ്രധാനക്ഷേത്രം ക്ഷേത്രസമുച്ചയത്തിന് മധ്യഭാഗത്തായി സ്ഥിതിചെയ്യുന്നു. 141 അടി ഉയരമുള്ള ഈ കെട്ടിടത്തില്‍ മനോഹരമായി അലങ്കരിച്ച 234 തൂണുകളാണുള്ളത്. 9 താഴികക്കുടങ്ങളും കെട്ടിടത്തിലുണ്ട്. ഋഷിവര്യന്മാരുടെയും, ഭക്തരുടേതുമുള്‍പ്പെടുന്ന ഒട്ടേറെ രൂപങ്ങളും ക്ഷേത്രത്തിലുണ്ട്.

Photo Courtesy: Juthani1

സിമന്റും കമ്പിയും ഇല്ലാതെ

പിങ്ക് നിറത്തിലുള്ള മണല്‍ക്കല്ലും മാര്‍ബിളും ചേര്‍ത്താണ് ക്ഷേത്രം പണിതിരിക്കുന്നത്. ക്ഷേത്രനിര്‍മ്മിതിയ്ക്കായി ഇരുമ്പ്, കോണ്‍ക്രീറ്റ് എന്നിവ ഉപയോഗിച്ചിട്ടില്ലെന്നതും എടുത്തുപറയേണ്ടകാര്യമാണ്.

Photo Courtesy: Os Rúpias

പ്രധാന കാഴ്ചകള്‍

കല്ലില്‍ത്തീര്‍ത്ത സ്വാമിനാരായണ ശില്‍പമാണ് പ്രധാന കാഴ്ച. സ്വാമിനാരായണന്റെ വിഗ്രഹമിരിക്കുന്ന ഭാഗത്തെ പ്രധാന മകുടത്തിന്റെ ഉള്‍ഭാഗത്ത് രത്‌നങ്ങള്‍ പതിച്ചിട്ടുണ്ട്. ഒരു ദിവസം മുഴുവന്‍ നടന്നുകണ്ടാലും തീരാത്തത്ര കാര്യങ്ങളാണ് ക്ഷേത്രത്തിലുള്ളത്.

Photo Courtesy: ArishG

കൊത്തുപണികള്‍

കെട്ടിടത്തിന്റെ അടിസ്ഥാനശിലയില്‍ 148 ആനകളെ കൊത്തിവച്ചിട്ടുണ്ട്. ഈ ഗജേന്ദ്ര പീഠത്തിന് 3000 ടണ്‍ ഭാരമുണ്ട്.
Photo Courtesy: Os Rúpias

മറ്റുകാഴ്ചകള്‍

ഇന്ത്യയുടെ ചരിത്രവുമായി ബന്ധപ്പെട്ടുകിടക്കുന്ന ഒട്ടേറെകാര്യങ്ങളും ഒരു സംഗീതധാരയന്ത്രവും ക്ഷേത്രത്തിലുണ്ട്. ഭാരത് ഉപവന്‍ എന്ന മനോഹരമായ പൂന്തോട്ടം, യജ്ഞപുരുഷകുണ്ട എന്ന പേരിലുള്ള യാഗശാല, സ്വാമിനാരായണ്‍ ഉപയോഗിച്ചിരുന്ന വസ്തുക്കള്‍ സൂക്ഷിച്ചിരിക്കുന്ന സഹജനാഥ് പ്രദര്‍ശന്‍ തുടങ്ങിയവയാണ് ക്ഷേത്ത്രതിലെ വിവിധ ഭാഗങ്ങള്‍.

Photo Courtesy: Dr Murali Mohan Gurram

ബിഗ് സ്ക്രീനില്‍

50 മിനിറ്റ് ദൈര്‍ഘ്യമുള്ള നീലകണ്ഠയാത്രയെന്ന പേരില്‍ പ്രദര്‍ശിപ്പിക്കുന്ന ചലച്ചിത്രം ഏറെ ആകര്‍ഷകമാണ്. ഇന്ത്യയിലെവിടെയും ഇത്രയും വലിയ വെള്ളിത്തിരയില്ല. 85 അടി ഉയരവും 65 ഇടി നീളവുമുള്ളതാണിത്.
Photo Courtesy: Balurbala

പ്രധാനഭാഗങ്ങള്‍

യോഗി ഹൃദയ് കമല്‍, നീലകാന്ത് അഭിഷേക്, നാരായണ്‍ സരോവര്‍, പ്രേംവതി അഹര്‍ഗൃഹ്, എഎആര്‍എസ്എച്ച് സെന്റര്‍ എന്നിവയാണ് ക്ഷേത്രസമുച്ചയത്തിലെ മറ്റ് പ്രധാനഭാഗങ്ങള്‍.
Photo Courtesy: World

ഞങ്ങ‌ളെ ഫോളോ ചെയ്യാം

യാത്രകൾ ഇഷ്ടപ്പെടുന്നുവെങ്കിൽ ഞങ്ങളെ ഫോളൊ ചെയ്യാം, നിങ്ങളുടെ യാത്ര അനുഭവങ്ങൾ ‌പങ്കുവെയ്കൂ

Facebook

Twitter

Google