താച്ചി വാലി... ഹിമാചല് പ്രദേശിലെ മറ്റുപല ഇടങ്ങളെയും പോലെ സഞ്ചാരികള്ക്ക് തീര്ത്തും അപരിചിതമായി കിടക്കുന്ന മറ്റൊരിടം. കേട്ടറിഞ്ഞും യാത്രയിലെ പരിചയങ്ങള്വെച്ചും ദിശാബോര്ഡുകള് വായിച്ചും മാത്രം സഞ്ചാരികള് എത്തിച്ചേരുന്ന അകിമനോഹരമായ നാടാണ് താച്ചി വാലി. ദൈവത്തിന്റെ താഴ്വരയെന്ന് സഞ്ചാരികളും പ്രദേശവാസികളും ഒരുപോലെ വിളിക്കുന്ന താച്ചി താഴ്വര കണ്മുന്നിലെത്തിക്കുന്നത് വേറൊരു ലോകമാണ്. തച്ചി എന്നും ഇവിടം അറിയപ്പെടുന്നു.
ഹിമാചലിലെ സ്പിതിയിലും മണാലിയിലും റോത്താങ്ങിലും ദല്ഹൗസിയിലും മാത്രമായി യാത്ര തീര്ക്കാതെ മറ്റിടങ്ങള് കൂടി തേടുന്ന സാഹസികരായ സഞ്ചാരികളാണ് മിക്കപ്പോഴും താച്ചിയില് കാലുകുത്തുന്നത്. പ്രകൃതിയുടെ മടിത്തട്ടിലേക്ക് ചേര്ന്നിരിക്കുന്ന ഇവിടം ഹിമാചലിലെ ഒളിഞ്ഞിരിക്കുന്ന രഹസ്യങ്ങളിലൊന്നും കൂടിയാണ്. താച്ചിവാലിയുടെ വിശേഷങ്ങളിലേക്ക്