വിക്കിയിലെ കിടിലൻ ഇന്ത്യൻ ഫോട്ടോകൾ

ബൃഹദേശ്വര ക്ഷേത്രം, തഞ്ചാവൂർ

തമിഴ്നാട്ടിലെ തഞ്ചാവൂരിലെ പ്രശസ്ത ക്ഷേത്രമായ ബൃഹദേശ്വര ക്ഷേത്രത്തിന്റെ പനോരമ ദൃശ്യമാണ് ഇത്. വിക്കി ലൗവ്സ് മോനുമെന്റിൽ പങ്കെടുത്ത ഇന്ത്യൻ ചിത്രങ്ങളിൽ ഒന്നാം സ്ഥാനം ഈ ചിത്രമാണ് നേടിയത്. ഏ ഡി 1010ലാണ് ഈ ചോള ക്ഷേത്രം നിർമ്മിച്ചത്. കൂടുതൽ വായിക്കാം

Photo Courtesy: Mugilkmv

ഇതുമതുദ്ദൌലയുടെ കല്ലറ, ആഗ്ര

കൊച്ച് താജെന്നും ആഭരണപ്പെട്ടി എന്നും അറിയപ്പെടുന്ന ഈ കല്ലറ സ്ഥിതി ചെയ്യുന്നത് ഉത്തർ‌പ്രദേശിലെ ആഗ്രയിലാണ്. യമുനാനദിയുടെ കിഴക്കെ തീരത്തായി ഇരുപത്തിമൂന്ന് ചതുരശ്രമീറ്റര്‍ വിസ്തൃതിയിലാണ് ഇത് നിലകൊള്ളുന്നത്. രാംബാഗ് സര്‍ ക്കിളില്‍ നിന്ന് വെറും രണ്ട് കിലോമീറ്റര്‍ അകലെ എന്‍ എച്ച് 2 ലാണ് ഇതിന്റെ സ്ഥാനം. കൂടുത‌ൽ വായിക്കാം

Photo Courtesy: Amaninder

ഇബ്രാഹീം റൗസ, ബീജാപ്പൂർ

ഡെക്കാന്റെ താജ്‌മഹൽ എന്ന് അറിയപ്പെടുന്ന ഇബ്രാഹീം റൗസ സ്ഥിതി ചെയ്യുന്നത് കർണാടകയിലെ ബീജാപ്പൂരിലാണ്. മാലിക് സാൻഡൽ എന്ന ശില്പിയാണ് താജ്‌മഹലിൽ നിന്ന് പ്രചോദനം ഉൾക്കൊണ്ട്കൊണ്ട് ഈ സ്മാരകം നിർമ്മിച്ചത്. കൂടുതൽ വായിക്കാം

Photo Courtesy: Aanand

മെഹ്താബ് ബാഗ്, ആഗ്ര

ഇരുപത്തഞ്ച് ഏക്കറോളം വിസ്തൃതിയില്‍ പരന്ന് കിടക്കുന്ന ഈ മനോഹരമായ ഉദ്യാനം യമുനാനദിക്കരയിലാണ്. നിലാവെളിച്ചത്തിലെ ആരാമം എന്നാണ് ഈ പേരിന്റെ അര്‍ത്ഥം. താജ് മഹലിന് അനുരൂപമായിട്ടാണ് ഇത് പണിതിരിക്കുന്നത്. കൂടുതൽ വായിക്കാം

Photo Courtesy: g.kaustav

പുഷ്കർണി ടാങ്ക്, ഹംപി

കർണാടകയിലെ ഹംപിയിൽ കൃഷ്ണ ക്ഷേത്രത്തിന് അഭിമുഖമായിട്ടാണ് ഈ ടാങ്ക് സ്ഥിതി ചെയ്യുന്നത്. ഹംപിയിലെ പ്രശസ്തമായ കാർ സ്ട്രീറ്റിനോട് ചേർന്നാണ് പഴയകാല അവശിഷ്ടത്തിന്റെ ഭാഗമായ ഈ ടാങ്ക് സ്ഥിതി ചെയ്യുന്നത്.

Photo Courtesy: Dey.sandip

ജമാമസ്ജിദ്, ചമ്പാനർ

ചമ്പാനറില്‍ വളരെയധികം ആളുകള്‍ സന്ദര്‍ശിക്കുന്ന മോസ്ക്കുകളിലൊന്നാണ് ഇവിടത്തെ ജമാ മസ്ജിദ്. 30 മീറ്റര്‍ ഉയരമുള്ള രണ്ട് മിനാരങ്ങള്‍ ഈ ആരാധനാലയത്തിനുണ്ട്. ഇവിടത്തെ തൂണുകളില്‍ കാണുന്ന കൊത്തുപണികള്‍ ആരെയും ആകര്‍ഷിക്കും. ചമ്പാനറിനെക്കുറിച്ച് കൂടുതൽ വായിക്കാം

Photo Courtesy: Hriya

ലക്ഷ്മിവിലാസ് പാലസ്, വഡോദര

മഹാരാജ സയാജിറാവുവിന്‍റെ കാലത്ത് 1890ല്‍ പണികഴിപ്പിച്ചതാണ്‌ ലക്ഷ്മി വിലാസ് കൊട്ടാരം. മേജര്‍ ചാള്‍സ് മാന്‍റിനെയാണ്‌ ഇത് നിര്‍മ്മിക്കാന്‍ നിയോഗിച്ചത്. പിന്നീട് ആര്‍ എഫ് ചിസോം ആണ്‌ കൊട്ടാരം പൂര്‍ത്തിയാക്കിയത്. ഇന്ത്യന്‍ ഇസ്ലാമിക് യൂറോപ്യന്‍ രീതികള്‍ സമന്യയിപ്പിച്ചാണ്‌ ഈ കൊട്ടാരം പണി കഴിപ്പിച്ചിരിക്കുന്നത്. വഡോദരയിലെ കൊട്ടാരങ്ങളെക്കുറിച്ച് വായിക്കാം

Photo Courtesy: Birsa Murmu

ജയമഹൽ, ജയ്പ്പൂർ

നഗരത്തിലുള്ള ചെറിയൊരു തടാകത്തിന്റെ അടുത്തായിട്ടാണ് ഈ മന്ദിരം സ്ഥിതിചെയ്യുന്നത്. തടാകക്കരയില്‍ നിന്നും നോക്കിയാല്‍ ജല്‍ മഹല്‍ കാണാം. രാജാവിനും രാജകുടുംബാംഗങ്ങള്‍ക്കും വേട്ടയ്ക്കുപോകുമ്പോള്‍ താമസിക്കാനായിട്ടാണത്രേ ഇത് പണിതത്.
ജയ്പ്പൂരിലെ പ്രധാന ടൂറിസ്റ്റ് കേന്ദ്രങ്ങൾ ഏതൊക്കെയാണെന്ന് അറിയാം

Photo Courtesy: Sameer6303

റോ ഓഫ് സെയ്ന്റ്

ചിത്രപ്പണികളാൽ അലങ്കരിച്ച സ്തൂപങ്ങളുടെ ഒരു ശ്രേണിയാണ് ഇത്. ലാഡ്ക്ക് മലനിരകളിലെ തിക്സി മൊണസ്ട്രിയിലാണ് ഇത് സ്ഥിതി ചെയ്യുന്നത്.

Photo Courtesy: Zain Hashmy

സൂര്യക്ഷേത്രം

ഇന്ത്യന്‍ ക്ഷേത്ര ശില്‍പ്പകലയുടെ മനോഹാരിത എടുത്തുകാണിക്കുന്ന ഒന്നാണ് മൊധേര സൂര്യക്ഷേത്രം. 900 വര്‍ഷത്തിന്റെ സമ്പന്നമായ ചരിത്രമുള്ള ഈ ക്ഷേത്രത്തിലേക്ക് ഗുജറാത്തിലെ മെഹ്സാനയില്‍ നിന്ന് 25 മുതല്‍ 30 കിലോമീറ്റര്‍ വരെയാണ് ദൂരം.

Photo Courtesy: Prayash Giria