Click it and Unblock the Notifications
കാപ്പിത്തോട്ടങ്ങൾ മുതൽ ആരെയും അമ്പരപ്പിക്കുന്ന ട്രക്കിങ് റൂട്ടുകൾ വരെ... പറഞ്ഞു വരുന്നത് ആരെക്കുറിച്ചാണ് എന്നതിനു കൂടുതൽ മുഖവുരയൊന്നും ആവശ്യമില്ല. കർണ്ണാടകയിലെ കേരളം എന്നു സ്ചാരികൾ ഓമനപ്പേരിട്ടു വിളിക്കുന്ന കൂർഗ്ഗിന് കുറച്ചുകൂടി ചേരുന്ന മറ്റൊരു പേരുണ്ട്. ഇന്ത്യയിലെ സ്കോട്ലൻഡ്. കർണ്ണാടകത്തിന്റെ കാശ്മീരെന്നും വിളിപ്പേരുള്ള ഈ സ്ഥലത്തിന് ആദ്യ കാഴ്ചയിൽ തന്നെ ആരെയും ആകർഷിക്കുവാനുള്ള കഴിവുണ്ട്. ഓറഞ്ചിൻഘെ ഗന്ധവും കാപ്പിപ്പൂക്കളുടെ സുഗന്ധവും കൊണ്ട് സഞ്ചാരികളെ ആകർഷിക്കുന്ന കൂർഗ് അഥവാ കൊടകിനെ ഒന്നു പരിചയപ്പെടാം... ഇവിടെ എത്തിയാൽ തീര്ച്ചയായും കാണുകയും അറിയുകയും ചെയ്യേണ്ട കുറച്ചു കാര്യങ്ങൾ അറിഞ്ഞിരിക്കുകയും ചെയ്യാം...
കാപ്പിത്തോട്ടങ്ങള്
കാപ്പി മാത്രമല്ല ഇവിടുത്തെ പ്രത്യേക, തേയിലത്തോട്ടങ്ങളും ഓറഞ്ച് തോട്ടങ്ങളും ഇവിടെ ധാരാളം കാണുവാൻ സാധിക്കും. കാപ്പിത്തോട്ടങ്ങൾക്കു നടുവിലുള്ള ഹോം സ്റ്റേകളും ചെരിയ താമസസൗകര്യങ്ങളും വളരെ കുറഞ്ഞ നിരക്കിൽ ഇവിടെ ലഭ്യമാണ്. കോഫീ പ്ലാന്റേഷനുകളിലേക്ക് ഗ്രൂപ്പ് ടൂർ തുടങ്ങിയ ആക്ടിവിറ്റികൽ സഞ്ചാരികൾക്ക് ആവശ്യപ്പെടാം. കാപ്പി തോട്ടത്തിനുള്ളിലൂടെയുള്ള ഈ നടത്തം മറക്കാനാവാത്ത അനുഭവമായിരിക്കും.
വെള്ളച്ചാട്ടങ്ങൾ
മടിക്കേരി നഗരത്തില് നിന്ന് 78 കിലോമീറ്റര് അകലെയുള്ള ആബി വെള്ളച്ചാട്ടം, ബ്രഹ്മഗിരി വന്യജീവി സങ്കേതത്തിനകത്തുള്ള ഇരുപ്പു വെള്ളച്ചാട്ടം, എന്നിവയാണ് കുടകിലെത്തുന്നവർ മറക്കാതെ കണ്ടിരിക്കേണ്ട സ്ഥലങ്ങൾ.
ട്രക്കിങ്
കക്കബെയിൽ നിന്നും കർണ്ണാടകയിലെ ഏറ്റവും വലിയ കുന്നായ തടിയന്റമോളിലേക്കുള്ള യാത്രയാണ് കൂർഗിലെത്തുന്നവർ തീര്ച്ചയായും പരീക്ഷിക്കേണ്ട ഒന്ന്. കുറഞ്ഞത് അഞ്ചു മണിക്കൂർ സമയമാണ് ഈ ട്രക്കിങ്ങിനായി മാത്രം വേണ്ടത്. കാട്ടിലൂടെയും പുൽമേട്ടിലൂടെയും ഒക്കെയുള്ള യാത്രയ്ക്കായി നിരവധി സഞ്ചാരികളാണ് ഇവിടെ എത്താറുള്ളത്. വിരാജ്പേട്ടയിൽ നിന്നും ഇരുപ്പു ഫാൾസിലേക്ക് ട്രക്കിങ് നടത്തുന്നവരും കുറവല്ല. കൊടും കാടിനുള്ളിലൂടെ ഗൈഡുകളെ വെച്ചു മാത്രമേ യാത്ര ചെയ്യാൻ പാടുള്ളൂ. മണ്ഡൽപെട്ടിയിൽ നിന്നും അബി ഫാൾസിലേക്കും ട്രക്കിങ് റൂട്ടുണ്ട്. പുഷ്പഗിരി വനത്തിനുള്ളിലൂടെയുള്ള പ്രശസ്തമായ ട്രക്കിങ്ങും ഇതു തന്നെയാണ്.
ദുബാരെ എലിഫന്റ് ക്യാംപ്
രാജാസീറ്റ്
മടിക്കേരി ടൗൺ
ദക്ഷിണേന്ത്യയില് കേടുപാടുകള് കുടാതെ ഇന്നും നിലനില്ക്കുന്ന അപൂര്വ്വം കോട്ടകളില് ഒന്നാണത്രേ ഈ കോട്ട. ഈ കോട്ടയ്ക്കു ചുറ്റുമാണ് മടിക്കേരി പട്ടണം. പതിനേഴാം നൂറ്റാണ്ടില് കുടക് ഭരിച്ചിരുന്ന മുധുരാജാ എന്നാ രാജാവ് മണ്ണില് പണികഴിപ്പിച്ച കൊട്ടയായിരുന്നു ആദ്യം ഇവിടെ ഉണ്ടായിരുന്നത.് മനോഹരമായ ഒരു കൊട്ടാരവും അദ്ദേഹം കോട്ടയ്ക്കകത്തു പണികഴിപ്പിച്ചിരുന്നു. പിന്നീട് കോട്ട കൈയടക്കിയ ടിപ്പുസുല്ത്താന് കരിങ്കല്ല് കൊണ്ട് കോട്ട ബലപ്പെടുത്തുകയും കൊട്ടാരങ്ങള് പുതുക്കിപ്പണിയുകയും ചെയ്തു .
ജില്ലാ ജയിലും ഇതിനകത്ത് തന്നെയാണ് പ്രവര്ത്തിക്കുന്നത്. കൂടാതെ കോട്ടെ മഹാഗണപതി ക്ഷേത്രവും മഹാത്മാഗാന്ധി പബ്ലിക് ലൈബ്രറിയും ഇതിനകത്തുണ്ട്. കൂര്ഗിലെ പ്രധാന ക്ഷേത്രങ്ങളില് ഒന്നാണ് കോട്ടെ മഹാഗണപതി ക്ഷേത്രം. മടിക്കേരി ദസറ ഉത്സവത്തില് ഈ ക്ഷേത്രത്തിന് വലിയ പ്രാധാന്യമുണ്ട്. കോട്ടയുടെ അകത്തുള്ള കൊട്ടാരത്തില് ഇപ്പോള് പലവിധ സര്ക്കാര് ഓഫീസുകള് പ്രവര്ത്തിക്കുകയാണ്.
