ദക്ഷിണേന്ത്യയിലെ ട്രെയിൻ യാത്രകളിലെ വലിയ മാറ്റങ്ങൾക്കു മുന്നോടിയായി മെയ്ക്ക് ഇൻ ഇന്ത്യയുടെ അഭിമാനമായ വന്ദേ ഭാരത് എക്സ്പ്രസ് ട്രെയിൻ ആരംഭിച്ചത് വാർത്തായിരുന്നുയ ബെംഗളുരു വഴി ചെന്നൈ, മൈസൂരു നഗരങ്ങൾക്കിടയിൽ സർവീസ് നടത്തുന്ന രീതിയിൽ വരുന്ന ഈ എക്സ്പ്രസ് ഇന്ത്യയിയിലെ അഞ്ചാമത്തെയും ദക്ഷിണേന്ത്യയിലെ ആദ്യത്തെയും വന്ദേ ഭാരത് എക്സ്പ്രസ് ആണ്. നിലവിൽ ഈ വഴി സർവീസ് ശതാബ്ദി എക്സ്പ്രസിനൊപ്പം തന്നെ വന്ദേ ഭാരത് എക്സ്പ്രസും സർവീസ് നടത്തും.
ചെന്നൈ-ബാംഗ്ലൂർ-മൈസൂർ വന്ദേ ഭാരത് എക്സ്പ്രസ് സമയം, ഷെഡ്യൂൾ, സ്റ്റോപ്പുകള്, ടിക്കറ്റ് നിരക്ക് തുടങ്ങിയ കാര്യങ്ങളെക്കുറിച്ച് വിശദമായി വായിക്കാം..
സർവീസ് നടത്തുന്ന ദിവസങ്ങളും സ്റ്റോപ്പും
ചെന്നൈ-ബെംഗളൂരു-മൈസൂർ വന്ദേ ഭാരത് എക്സ്പ്രസ് ആഴ്ചയിൽ ആറ് ദിവസവും ഓടും. ബുധനാഴ്ച ഒഴികെ തിങ്കൾ, ചൊവ്വ, വ്യാഴം, വെള്ളി, ശനി, ഞായർ- ആഴ്ചയിലെ ആറ് ദിവസങ്ങളിൽ വന്ദേ ഭാരത് എക്സ്പ്രസ് ട്രെയിൻ സർവീസ് ഉണ്ടായിരിക്കും. ട്രെയിനിന് ചെന്നൈ സെൻട്രലിനും മൈസൂരുവിനുമിടയിൽ ബെംഗളൂരു സിറ്റി ജംഗ്ഷനിൽ മാത്രമേ സ്റ്റോപ്പ് ഉള്ളൂ.
സാധാരണഗതിയിൽ വന്ദേ ഭാരത് എക്സ്പ്രസുകൾക്ക് മണിക്കൂറിൽ പരമാവധി 180 കിലോമീറ്റർ വേഗത വരെ കൈവരിക്കുവാൻ സാധിക്കുമെങ്കിലും മൈസൂർ-ബാംഗ്ലൂർ -ചെന്നൈ റൂട്ടിൽ 75-77 കിലോമീറ്റർ വേഗതയിൽ ആയിരിക്കും ഓടുന്നത്.
ശതാബ്ദി എക്സ്പ്രസും വന്ദേ ഭാരത് എക്സ്പ്രസും
സമയ ലാഭവും സുഖകരവുമായ യാത്രയാണ് വന്ദേ ഭാരത് എക്സ്പ്രസ് യാത്രക്കാർക്ക് വാഗ്ദാനം ചെയ്യുന്നത്. നിന്ന് ബെംഗളൂരു വഴി മൈസൂരുവിലേക്കുള്ള ശതാബ്ദി എക്സ്പ്രസ് രാവിലെ 6 മണിക്ക് ചെന്നൈയിൽ നിന്നു പുറപ്പെട്ടാൽ 8.50ന് ജോലാർപേട്ട ജങ്ഷനിലും 10.45am/10.50am ന് കെഎസ്ആർ ബെംഗളൂരുവിലും ഉച്ചയ്ക്ക് 1 മണിക്ക് മൈസൂർ ജംഗ്ഷനിലും എത്തിച്ചേരും. 7 മണിക്കൂറാണ് ഈ യാത്രയ്ക്കെടുക്കുന്നത്.
തിരിച്ച് മൈസൂരിൽ നിന്ന് ബെംഗളൂരു വഴി ചെന്നൈയിലേക്കുള്ള യാത്രയ്ക്ക് ഉച്ചയ്ക്ക് 2.15ന് ട്രെയിൻ പുറപ്പെട്ട് 4.10pm/4.15pmന് ബെംഗളൂരുവിലെത്തി, 6.25ന് ജോലാർപേട്ട ജങ്ഷനിൽ എത്തി, ഇവിടുന്ന് രാത്രി 9.30നാണ് ട്രെയിൻ ചെന്നൈയിലെത്തുക. ആകെ യാത്രാ സമയം 7.15 മണിക്കൂർ ആണ്.