അപ്രതീക്ഷിതമായ ഒന്ന് സംഭവിക്കുമ്പോൾ, അല്ലെങ്കില് കണ്മുന്നില് കാണുമ്പോള് നമ്മള് മനസില് ഉരുവിടുന്ന വാക്കാണ് അത്ഭുതം. ഇന്ത്യയിലെ പ്രാചീന നഗരമായ വാരണാസിയില് ചെല്ലുമ്പോള് അത്ഭുതം എന്ന വാക്ക് ഉരുവിട്ടുകൊണ്ടേയിരിക്കും. മുമ്പ് ബനാറസ് എന്നറിയപ്പെട്ടിരുന്ന ഈ പുണ്യഭൂമി ആശ്ചര്യം കൊണ്ട് നിര്മ്മിച്ചിരിക്കുന്നതാണെന്ന് തോന്നിപോകും, അവിടുത്തെ കാഴ്ചകള് കാണുമ്പോള്.
പുണ്യപുരാണനഗരം പ്രാചീന നഗരം എന്നൊക്കെ വാരണാസിയെ വിശേഷിപ്പിക്കുമ്പോള് മനസിലേക്ക് പേരാല് വേര് പോലെ ആഴ്ന്നിറങ്ങുന്ന കാര്യം പഴമ എന്ന വാക്ക് തന്നെ. പഴമ എന്ന വാക്കിന് രണ്ട് അര്ഥമുണ്ട് ഒന്ന് പഴകി നശിച്ചത്. രണ്ടമത്തേത് പൈതൃകം കാത്ത് സൂക്ഷിക്കുന്നത്. വാരണാസിയിലെ പഴമയ്ക്ക് രണ്ടാമത്തെ അര്ത്ഥമാണ് നമുക്ക് നല്കാന് കഴിയുക.
സര്പ്പദോഷ പരിഹാരത്തിന് കുക്കേസുബ്രഹ്മണ്യ
അഭിമാനത്തിന്റെ പ്രതീകമായി ഉയര്ന്ന് നില്ക്കുന്ന കെട്ടിടങ്ങള്, ഊര്ജസ്വലതയുടെ പ്രതീകമായി പ്രവഹിക്കുന്ന ഗംഗാനദിയും, അസ്വസ്ഥരായ ജനങ്ങളും, മുഴങ്ങുന്ന മണി നാദവും ബഹളമയമായ തെരുവുകളും വാരണാസി എന്ന നഗരത്തിന്റെ ഭംഗിക്ക് മാറ്റ് കൂട്ടുകയാണ്. അവിടെ നില്ക്കുമ്പോള് അതിന്റെ അസ്വസ്ഥകളില് നിന്ന്, അത് പകരുന്ന ആസക്തിയില് നിന്ന് വേര് പിരിയാന് എങ്ങനെ തോന്നും. മതിവരാത്ത കാഴ്ചകള് കണ്ണിനെ ആനന്ദിപ്പിക്കുമ്പോള് വാരണാസിയില് നിന്നുള്ള തിരിച്ച് വരവ് മനസില് മുറിപ്പാടുകള് തീര്ക്കുമെന്നകാര്യത്തില് സംശയം വേണ്ട.
ഇതൊക്കെ ചേര്ന്നുള്ള പ്രത്യേക അനുഭൂതി പകരുന്ന ഇത്തരത്തില് ഒരു നഗരം വേറേ എവിടേയുണ്ട്. ലോകം മുഴുവന് കണ്ട് തീര്ത്തു എന്ന് അഹങ്കരിക്കുന്നവര് പോലും വാരണസിയില് എത്തുമ്പോള് തലതാഴ്ത്തി നില്ക്കുന്നത് ആ നഗരത്തിന്റെ അപൂര്വത കൊണ്ട് മാത്രമായിരിക്കും.
എണ്ണിയാലൊടുങ്ങാത്ത അത്ഭുതങ്ങളില് നിന്ന് ചിലത് മാത്രം നമുക്കൊന്ന് കണ്ടു നോക്കാം.