കേരളത്തിൽ 'യോഗ' വേറെ ലെവൽ ആണ്, ബാലിക്ക് തൊട്ട് പിന്നിൽ.. ഇഷ്ടംപോലെ പോസ്റ്റുകൾ

യോഗാ ഹോളിഡേയ്സ്-Yoga Holidays

കേർളി ടെയിൽസ് പ്രസിദ്ധീകരിച്ച റിപ്പോർട്ട് പ്രകാരം കഴിഞ്ഞ ഒരു വർഷത്തിൽ 'യോഗ ഹോളിഡേയ്‌സ്' Yoga Holidays എന്ന സേർച്ച് 376% ആണ് വർദ്ധിച്ചത്. യോഗയെ അറിയുവാനും പരിശീലിക്കുവാനും ആളുകൾ കൂടുതൽ തിരഞ്ഞെടുക്കുന്ന ലക്ഷ്യസ്ഥാനമായി മാറുവാനും ഈ കാലത്ത് ഇന്ത്യയ്ക്ക് സാധിച്ചിട്ടുണ്ട്.

PC:JD Mason/Unsplash

ഇൻസ്റ്റാഗ്രാം യോഗ ഡെസ്റ്റിനേഷന്‍

പ്ലാനറ്റ് ക്രൂയിസ് എന്ന സൈറ്റ് സമാഹരിച്ച ലോകമെമ്പാടുമുള്ള മികച്ച യോഗ ഹോട്ട് സ്‌പോട്ടുകളുടെ പട്ടിയനുസരിച്ച് ലോകത്തെ ഏറ്റവും മികച്ച 10 ഇൻസ്റ്റാഗ്രാം യോഗ ഡെസ്റ്റിനേഷനുകളിൽ മൂന്നെണ്ണം ഇന്ത്യയിൽ നിന്നുമാണ്. ഇൻസ്റ്റാഗ്രാം ഹാഷ്ടാഗുകളുടെ എണ്ണത്തെ അടിസ്ഥാനമാക്കിയാണ് ഈ പട്ടിക തയ്യാറാക്കിയത്. ഇൻസ്റ്റാഗ്രാമിൽ 6.7 കോടി പോസ്റ്റുകളുമായി ഇന്തോനേഷ്യയിലെ ബാലിയാണ് പട്ടികയിൽ ഒന്നാമതുള്ളത്. ആറ് കോടിയോളം (59,700,000) ഇൻസ്റ്റഗ്രാം പോസ്റ്റുകളാണ് കേരളത്തിന് യോഗയുമായി ബന്ധപ്പെട്ടുള്ളത്.

PC:Avrielle Suleiman/Unsplash

ഇന്ത്യയിൽ നിന്നും

രണ്ടാം സ്ഥാനത്തെത്തിയ കേരളം പട്ടികയിൽ അഭിമാനാർഹമാ നേട്ടമാണ് കൈവരിച്ചത്. ഹിമാലയം പട്ടികയിൽ ഏഴാം സ്ഥാനവും മൈസൂർ ഒൻപതാം സ്ഥാനവും നേടി. ഹിമാലയത്തിന് 57 ലക്ഷം ഇൻസ്റ്റഗ്രാം പോസ്റ്റുകളും മൈസൂരിന് 40 ലക്ഷം പോസ്റ്റുകളുമാണ് ഉള്ളത്.

അഷ്ടാംഗയുടെ ജന്മസ്ഥലമെന്ന നിലയിൽ ആണ് മൈസൂർ അറിയപ്പെടുന്നത്.

PC:Jared Rice/Unsplash

ഇൻസ്റ്റഗ്രാമിലെ ആദ്യ പത്ത് യോഗാ ലക്ഷ്യസ്ഥാനങ്ങൾ

1. ബാലി, ഇന്തോനേഷ്യ (67,700,000 ഇൻസ്റ്റാഗ്രാം പോസ്റ്റുകൾ)
2. കേരളം, ഇന്ത്യ (59,700,000 ഇൻസ്റ്റാഗ്രാം പോസ്റ്റുകൾ)
3. മൊറോക്കോ, വടക്കേ ആഫ്രിക്ക (22,000,000 ഇൻസ്റ്റാഗ്രാം പോസ്റ്റുകൾ)
4. ഇബിസ, സ്പെയിൻ (18,800,00 ഇൻസ്റ്റാഗ്രാം പോസ്റ്റുകൾ)
5. ലിസ്ബൺ, പോർച്ചുഗൽ (11,000,000 ഇൻസ്റ്റാഗ്രാം പോസ്റ്റുകൾ)
6. കോൺവാൾ, ഇംഗ്ലണ്ട് (9,000,000 ഇൻസ്റ്റാഗ്രാം പോസ്റ്റുകൾ)
7. ഹിമാലയം, ഇന്ത്യ (57,00,000 ഇൻസ്റ്റാഗ്രാം പോസ്റ്റുകൾ)
8.അൽഗാർവ്, പോർച്ചുഗൽ (5,000,000 ഇൻസ്റ്റാഗ്രാം പോസ്റ്റുകൾ)
9. മൈസൂർ, കർണാടക, ഇന്ത്യ (4,000,000 ഇൻസ്റ്റാഗ്രാം പോസ്റ്റുകൾ)
10. അമാൽഫി കോസ്റ്റ്, ഇറ്റലി (3,500,000 ഇൻസ്റ്റാഗ്രാം പോസ്റ്റുകൾ)

PC:Jose Vazquez/Unspash