ദീപാവലി ആഘോഷിക്കാൻ വടക്കേ ഇന്ത്യയിലെ അഞ്ച് നഗരങ്ങൾ

ദീപങ്ങൾക്കൊണ്ട് അത്ഭുതങ്ങൾ തീർക്കുന്ന നാൾ, അതാണ് ദീപാവലി. അഗ്നിയെ എത്രത്തോളം സുന്ദരമായി അവതരിപ്പിക്കാമെന്ന് ലോകത്തിന് കാണിച്ചുകൊടുത്തത് ഒരു പക്ഷെ ഇന്ത്യക്കാരായിരിക്കും. അതുകൊണ്ടാണ് ദീപാവലി നാളുകളിൽ ഇന്ത്യയിയിലേക്ക് ധാരളം വിദേശ സഞ്ചാരികൾ എത്തുന്നത്. #13;തീർച്ചയായും ദീപാവലി ഇന്ത്യമുഴുവൻ ആഘോഷിക്കുന്ന ഒരു ഉത്സവമാണ്. എന്നിരുന്നാലും ദീപാവലി ആഘോഷങ്ങളിൽ പങ്കെടുക്കാൻ കൂടുതൽ ആളുകൾ എത്തിച്ചേരുന്ന സ്ഥലങ്ങളാണ് ഇവിടെ അവതരിപ്പിക്കുന്നത്. ഈ സ്ഥലങ്ങളിലെല്ലാം വ്യത്യസ്തമായ രീതികളിലാണ് ദീപാവലി ആഘോഷിക്കുന്നത്. #13;ഇന്ത്യയിലെ വിവിധ ഭാഗങ്ങളിൽ വിവിധ തരത്തിലാണ് ദീപാവലി ആഘോഷിക്കാറുള്ളത്. ചിലയിടങ്ങളിൽ അഞ്ച് ദിവസമായിട്ടാണ് ദീപാവലി ആഘോഷിക്കുന്നത്. മറ്റു ചില സ്ഥലങ്ങളിൽ മൂന്ന് ദിവസവും ദീപാവലി ആഘോഷിക്കുന്നു. തിന്മയെക്കെതിരെ നന്മ നേടിയ വിജയമാണ് ദീപാവലിയുടെ സന്ദേശം. #13;മനസിൽ എപ്പോഴും കത്തുന്ന വിളക്കായി ഒരു ദീപാവലി ആഘോഷം നിറഞ്ഞ് നിൽക്കണമെങ്കിൽ ദീപാവലി ആഘോഷിക്കുന്ന സ്ഥലത്ത് ചെന്ന് ഒരു ഹോട്ടൽമുറി ബുക്ക് ചെയ്തിട്ട് കാര്യമില്ല. സാധരണക്കാരായ ജനങ്ങളോടൊപ്പം, ദീപാവലിയുടെ ആത്മാവിനെ മനസിലാക്കി ആഘോഷങ്ങളിൽ പങ്കെടുക്കണം. #13;തെക്കേ ഇന്ത്യയേക്കാൾ ദീപാവലി ആഘോഷങ്ങൾക്ക് ഏറെ പകിട്ട് വടക്കേ ഇന്ത്യയിലാണ്. വടക്കേ ഇന്ത്യയിലെ എല്ലാ സ്ഥലങ്ങളിലും ദീപാവലി ആവേശത്തോടെ ആഘോഷിക്കപ്പെടുന്നുണ്ടെങ്കിലും സഞ്ചാരികൾ കൂടുതലായി എത്തിച്ചേരുന്ന അഞ്ച് സ്ഥലങ്ങളാണ് ഇവിടെ. #13; ഡൽഹിയിലെ ദീപാവലി ദസ്സറയോടനുബന്ധിച്ച് തന്നെ ആരംഭിക്കും, ദീപാവലി എന്ന് പറഞ്ഞാൽ ഇവിടെ ഷോപ്പിംഗിനാണ് ഏറെപ്രാധാന്യം. ഒട്ടുമിക്ക എല്ലാ കടകളും ആളുകളെ ആകർഷിപ്പിക്കുന്ന ദീപാവലിഓഫറുകൾ നൽകാറുണ്ട്. ആളുകൾ പുതുവസ്ത്രങ്ങൾ വാങ്ങാനും. മധുരപലഹാരങ്ങൾ വാങ്ങാനും കുടുംബസമേതം കടകളിൽ കയറി ഇറങ്ങുന്നത് കാണാം. ദീപാവലി ദിവസം ഡൽഹിയിൽ നിങ്ങൾക്ക് കാണാൻ കഴിയുന്ന ഒരു കാഴ്ചയാണ് രാംലീല. രാമ രാവണ യുദ്ധത്തിന്റെ നാടകീയ അവതരണമാണ് ഇത്. ഇതിനായി ദീപാവലി നാളുകളിൽ നഗരത്തിന്റെ വിവിധഭാഗങ്ങളിലായി നിരവധി താത് ക്കാലിക സ്റ്റേജ് ഉയർന്നിരിക്കും. ദീപാവലി നാളിൽ നിങ്ങൾ പോകേണ്ട ഏറ്റവും പ്രധാനപ്പെട്ട സംസ്ഥാനം ഉത്തർപ്രദേശ് ആയിരിക്കും. ദീപവലിനാളുകൾക്ക് അനുബന്ധിച്ച് ഉത്തർപ്രദേശിലെ നഗരങ്ങൾ മുഴുവൻ വർണപ്രഭയിൽ മുങ്ങിയിട്ടുണ്ടാവും. ഉത്തർപ്രദേശിൽ ചെന്നാൽ ദീപവലി നാളുകൾ ചെലവിടാൻ പറ്റിയ സ്ഥലം വാരണാസി ആയിരിക്കും. ദീപാവലി നാളുകളിൽ വാരണാസിയിലൂടെ ഒഴുകുന്ന ഗംഗയുടെ തീരം മൺചിരാതുകളിൽ തെളിയുന്ന ദീപംകൊണ്ട് അലങ്കരിക്കപ്പെട്ടിരിക്കും. ഗംഗയുടെ വിരിമാറിൽ ഈ ദൃശ്യം പ്രതിഫലിക്കുമ്പോഴുള്ള കാഴ്ച അതിമനോഹരമായിരിക്കും. സിഖ്കാർ ഭൂരിപക്ഷമുള്ള പഞ്ചാബിലും ദീപാവലിയോ എന്ന് നിങ്ങൾക്ക് സംശയം ഉണ്ടയേക്കാം. സംശയം വേണ്ട പഞ്ചാബിലും ദീപാവലി ഗംഭീരമായി ആഘോഷിക്കാറുണ്ട്. സിഖ് മതവുമായി ബന്ധപ്പെട്ടാണ് ഇവിടുത്തെ ദീപാവലി ആഘോഷം. 1619ൽ സിഖ് ഗുരുവായ ഹർഗോബിന്ദ് സാഹിബ് ജയിൽ മോചിതനായതിന്റെ ഓർമ്മയ്ക്കായാണ് ഇവിടെ ദീപാവലി ആഘോഷിക്കുന്നത്. ഈ ദിവസം പഞ്ചാബിലെ സുവർണ ക്ഷേത്രം ദീപാലങ്കാരങ്ങളാൽ കൂടുതൽ സുന്ദരമായി കാണപ്പെടും. ആളുകൾ മധുരപലഹാരങ്ങൾ വിതരണം ചെയ്തും പടക്കം പൊട്ടിച്ചുമാണ് ഈ ദിവസം ആഘോഷിക്കുന്നത്. ദീപവലി ദിവസം ഏറ്റവും സുന്ദരമായി കാണപ്പെടുന്ന ഇന്ത്യയിലെ നഗരം ഏതാണെന്ന് ചോദിച്ചാൽ ജയ്പ്പൂർ അല്ലാതെ വേറെ ഒരു ഉത്തരമില്ല. അത്രയ്ക്ക് സുന്ദരമായി വർണങ്ങളാലും ദീപവിതാനങ്ങളാലും ജയ്പ്പൂരിലെ നഗരങ്ങളും വീടുകളും അലങ്കരിച്ചിട്ടുണ്ടാവും. വീടുകളും നഗരങ്ങളും അലങ്കരിക്കുന്ന കാര്യം ആളുകൾ ഒരു മത്സരബുദ്ധിയോടെയാണ് എടുക്കുന്നത് അതിനാൽ തന്നെ ജയ്പ്പൂരിലെ ദീപാവലിക്ക് എല്ലാവർഷവും ദീപാലങ്കാരങ്ങൾക്കൊണ്ടുള്ള വിസ്മയങ്ങൾ നിങ്ങൾക്ക് കാണാം.