ഇന്ത്യയിലെ 7 വിചിത്ര ക്ഷേത്രങ്ങൾ

വെള്ളത്തിൽ താഴ്ന്ന് പോയ ശിവക്ഷേത്രം

വാരണാസിയിലെ സിൻഡിയ പടവുകൾക്ക് അടുത്തായാണ് വെള്ളത്തിൽ താഴ്ന്ന് നിൽക്കുന്ന ഈ ശിവക്ഷേത്രം സ്ഥിതി ചെയ്യുന്നത്. പിസയിലെ ചെരിഞ്ഞ ഗോപുരത്തോടാണ് ഈ ക്ഷേത്രത്തെ ആളുകൾ ഉപമിച്ചിരിക്കുന്നത്. 1830ൽ ഇവിടെ പടവുകൾ നിർമ്മിച്ചതിന്റെ ഫലമായാണ് ഈ ക്ഷേത്രം വെള്ളത്തിലേക്ക് ചെരിഞ്ഞത്. ഈ ക്ഷേത്രത്തിൽ ആളുകൾ പ്രവേശിക്കാറില്ല.
ചിത്രത്തിന് കടപ്പാട് : Antoine Taveneau

ബ്രഹ്മാവിന്റെ പ്രതിഷ്ടയുള്ള ലോകത്തിലെ ഏക ക്ഷേത്രം

രാജസ്ഥാനിലെ പുഷ്കറിലാണ് ഈ ക്ഷേത്രം സ്ഥിതി ചെയ്യുന്നത്. ലോകത്തിൽ തന്നെ ബ്രഹ്മാവിന്റെ പ്രതിഷ്ടയുള്ള ഏക ക്ഷേത്രമാണ് ഇത്. പതിനാലാം നൂറ്റാണ്ടിൽ നിർമ്മിക്കപ്പെട്ടിട്ടുള്ള ക്ഷേത്രമാണ് ഇത്. ക്ഷേത്രത്തില്‍ നാല് ശിരസ്സുള്ള ബ്രഹ്മാവിന്റെ ഗാംഭീര്യ മുള്ള ഒരു ശില്‍പ്പമുണ്ട് . ഇടതു ഭാഗത്ത്‌ യുവതിയായ ഗായത്രിയും വലതു ഭാഗത്ത് സാവിത്രിയുമായി ഒരു താമരപ്പൂവില്‍ ഇരിക്കുന്ന വിധമാണ് വിഗ്രഹം. കൂടുതൽ വായിക്കാം
ചിത്രത്തിന് കടപ്പാട് : Vberger

ചൈനീസ് കാളി ക്ഷേത്രം (നൂഡിൽസ് ആണ് പ്രസാദം)

കൽക്കട്ടയിൽ ചൈനീസ് വംശജർ താമസിക്കുന്ന സ്ഥലമാണ് തങ്ഗ്രാസ്. ചൈനാടൗൺ എന്നാണ് ഈ സ്ഥലം അറിയപ്പെടുന്നത്. ഇവിടുത്തെ കാളി ക്ഷേത്രമാണ് ചൈനീസ് കാളി ക്ഷേത്രം എന്ന് അറിയപ്പെടുന്നത്. ബംഗാളിൽ നിന്നുള്ള ബ്രാഹ്മണരാണ് ഇവിടെ പൂജ നടത്തുന്നതെങ്കിലും ചൈനക്കാരുടെ തനത് വിഭവമായ നൂഡിൽസ് ആണ് ഇവിടുത്തെ പ്രസാദം.
ചിത്രത്തിന് കടപ്പാട് : Xianzi Tan

വേലിയേറ്റ സമയത്ത് കാണാതാകുന്ന ക്ഷേത്രം

ഗുജറാത്തിലെ പ്രശസ്തമായ നഗരമായ വഡോദരയിൽ നിന്ന് 40 മൈൽ അകലെയായാണ് സ്തംഭേശ്വര മഹാദേവ ക്ഷേത്രം സ്ഥിതി ചെയ്യുന്നത്. അറബിക്കടലിലാണ് ഈ ക്ഷേത്രം സ്ഥിതി ചെയ്യുന്നത്. വേലിയിറക്ക സമയത്ത് മാത്രമേ ഈ ക്ഷേത്രത്തിൽ സന്ദർശിക്കാൻ ആവു. വേലിയേറ്റ സമയത്ത് ഈ ക്ഷേത്രം കാണില്ല.

ചിത്രത്തിന് കടപ്പാട് : sgbhagwat

ബുള്ളറ്റാണ് പ്രതിഷ്ട

രാജസ്ഥാനിലെ ജോധ്പ്പൂരിലാണ് ബുള്ളറ്റ് ബാബ ക്ഷേത്രം സ്ഥിതി ചെയ്യുന്നത്. ഓം ബന്ന അഥവ ബുള്ളറ്റ് ബാബ ക്ഷേത്രം എന്നാണ് ഈ ക്ഷേത്രം അറിയപ്പെടുന്നത്. ജോധ്പ്പൂരിൽ നിന്ന് 50 കിലോമീറ്റർ അകലെ മാറി ഛോട്ടില എന്ന ഗ്രാമത്തിലാണ് ഈ ക്ഷേത്രം സ്ഥിതി ചെയ്യുന്നത്. കൂടുതൽ വായിക്കാം
ചിത്രത്തിന് കടപ്പാട് : Sentiments777

എലികൾ സ്വാഗതം ചെയ്യുന്ന ക്ഷേത്രം

രാജസ്ഥാനിലെ ദേഷ്നോക്കിൽ സ്ഥിതി ചെയ്യുന്ന കർണിമാത ക്ഷേത്രം അറിയപ്പെടുന്നത് എലികളുടെ ക്ഷേത്രമെന്നാണ്. കാരണം ഈ ക്ഷേത്രത്തിൽ പ്രവേശിച്ചാൽ ഉടൻ നിരവധി എലികൾ വിഹരിക്കുന്നത് കാണാം. ദേവിയുടെ പിറക്കാനിരിക്കുന്ന കുഞ്ഞുങ്ങളായ 'ചരണു'കളുടെ ആത്മാക്കളെയും വഹിച്ചാണ് ഈ എലികള്‍ ക്ഷേത്രത്തില്‍ വിഹരിക്കുന്നതെന്ന് കരുതിപ്പോരുന്നു. കൂടുതൽ വായിക്കാം

ചിത്രത്തിന് കടപ്പാട് : Shakti

പഗോഡയുടെ ആകൃതിയിൽ ഒരു ഹൈന്ദവ ക്ഷേത്രം

ബുദ്ധ ക്ഷേത്രങ്ങളായ പഗോഡയുടെ രൂപ സാദൃശ്യമാണ് 1533 ൽ നിർമ്മിക്കപ്പെട്ട ഈ ഹൈന്ദവ ക്ഷേത്രത്തിന്റെ പ്രത്യേകത. ഹിഡുംബൻ എന്ന അസുരന്റെ സഹോദരിയായ ഹഡിംബയാണ് ഇവിടുത്തെ പ്രതിഷ്ട. മാനാലിയിലാണ് ഈ ക്ഷേത്രം സ്ഥിതി ചെയ്യുന്നത്. കൂടുതൽ വായിക്കാം
ചിത്രത്തിന് കടപ്പാട് : Wordsmith86