സഞ്ചാരികളേ, അപ്പോള് ഓസ്ട്രേലിയയ്ക്ക് പോകുവാന് റെഡിയാകുവല്ലേ...?? പണിയെടുത്ത് പൈസയുമുണ്ടാക്കാം... ബാക്കി സമയം നാടും കാണാം.. ഇന്ത്യയില് നിന്നുള്ള സഞ്ചാരികള്ക്ക് യാത്രയുടെ പുതിയ സാധ്യതകളുമായി എത്തിയിരിക്കുകയാണ് ഓസ്ട്രേലിയ. ഇന്ത്യയും ഓസ്ട്രേലിയയും സ്വതന്ത്ര വ്യാപാര കരാറിൽ ഒപ്പുവെച്ചതിന് പിന്നാലെയാണ് ഓസ്ട്രേലിയ ഇന്ത്യക്കാർക്ക് പ്രത്യേക ബാക്ക്പാക്കർ വിസ വാഗ്ദാനം ചെയ്തുള്ള അറിയിപ്പ് പുറത്തിറക്കിയത്. രണ്ട് വർഷത്തിനുള്ളിൽ ഇന്ത്യൻ പൗരന്മാർക്ക് വർക്ക് ആൻഡ് ഹോളിഡേ വിസകൾ നടപ്പാക്കുമെന്നാണ് കരാറില് പറയുന്നത്.
വിസയുടെ ആവശ്യകതകള് ഇങ്ങനെ
*അപേക്ഷിക്കുന്ന സമയത്ത് 18 മുതൽ 30 വയസ്സ് വരെ പ്രായമുണ്ടായിരിക്കണം
*സാധുവായ ഒരു ഇന്ത്യൻ പാസ്പോർട്ട് കൈവശം വയ്ക്കണം
*മുമ്പത്തെ വിസ അപേക്ഷ റദ്ദാക്കുകയോ വിസ റദ്ദാക്കുകയോ ചെയ്തിട്ടില്ലായിരിക്കണം
*ആവശ്യമായ ആരോഗ്യവും സ്വഭാവവും പാലിക്കണം
*ഓസ്ട്രേലിയയിൽ നിന്ന് പുറപ്പെടുന്നതിനും വ്യക്തിഗത ആവശ്യങ്ങൾക്കും മതിയായ ഫണ്ട് ഉണ്ടായിരിക്കുക
*അപേക്ഷിക്കുന്ന സമയത്തും വിസ അനുവദിക്കുന്ന സമയത്തും യാത്രക്കാരൻ ഓസ്ട്രേലിയക്ക് പുറത്തായിരിക്കണം
* വർക്കിംഗ് ഹോളിഡേ വിസയിലോ വർക്ക് ആൻഡ് ഹോളിഡേ വിസയിലോ രാജ്യത്ത് പ്രവേശിച്ചിരിക്കരുത്