ഡെല്ഹി മുതല് ലേ വരെ
രാജ്യത്തെ ഏറ്റവും പേരുകേട്ട റൈഡിങ് റൂട്ടാണ് രാജ്യതലസ്ഥാനമായ ഡെല്ഹി മുതല് സാഹസികതയുടെ അങ്ങേ.റ്റമായ ലേ വരെയുള്ള യാത്ര. റൈഡിങ്ങില് പരിചയമുള്ളവര്ക്കുപോലും ഏറെ വെല്ലുവിളി ഉയര്ത്തുന്നതാണ് 15 ദിവസത്തോളം നീണ്ടു നില്ക്കുന്ന ഈ യാത്ര.
PC: Simon Matzinger
നഗരം പിന്നിട്ട് പര്വ്വതങ്ങള് കാണാം
ഡല്ഹിയുടെ മെട്രോ കാഴ്ചകള് കഴിഞ്ഞാല് തനിനാടന് കാഴ്ചകളാണ് ഈ യാത്രയില് മുഴുവനായും ഉള്ളത്. മോഡേണ് സിറ്റി കാഴ്ചകളില് നിന്നും ഗ്രാമീണതയും മഞ്ഞും പര്വ്വതങ്ങളുമൊക്കെ നിറഞ്ഞ കാഴ്ചകള് ഏറെ ആകര്ഷകമാണ്.
ലോകത്ത് ഏറ്റവും ഉയരത്തില് വാഹനങ്ങള് കടന്നു പോകുന്ന കര്ദുങ് ലാ ഉള്പ്പെടെയുള്ള സാഹസികത നിറഞ്ഞ റോഡുകള് ഈ യാത്രയുടെ പ്രത്യേകതയാണ്.
PC:hamon jp
ബെംഗളൂര് മുതല് കണ്ണൂര്
നഗരത്തില് അടിച്ചുപൊളിക്കാന് താല്പര്യമുള്ള കണ്ണൂരുകാര്ക്കും നഗരജീവിതം മടുത്ത ബംഗളുരുകാര്ക്കും ഒരുപോലെ യോജിക്കുന്ന റൂട്ടാണ് ബെംഗളൂര്-കണ്ണൂര് റൂട്ട്.
PC:John Phelan
കോണ്ക്രീറ്റ് കാടുകള് കടന്നൊരു യാത്ര
ബെംഗളുരുവിന്റെ കാഴ്ചയായ കോണ്ക്രീറ്റ് കാടുകള് കടന്ന് കൂര്ഗ്ഗ് വഴി കണ്ണൂരിന്റെ പച്ചപ്പിലേക്കുള്ള യാത്രയും കാഴ്ചകളുമാണ് ഇതിന്റെ പ്രത്യേകത.
PC:Wikipedia
പ്രകൃതിഭംഗി
ഹെയര്പിന് വളവുകളും കുത്തനെയുള്ള കയറ്റങ്ങളും കാടിനുള്ളിലൂടെയുള്ള പാതകളും ഒക്കെയാണ് ഈ യാത്രയുടെ ആകര്ഷണങ്ങള്.
PC:Challiyan
സിലിഗുരി മുതല് യക്സോം വരെ
കടുത്ത പ്രകൃതിസ്നേഹികളും സഞ്ചാരികളും ഒക്കെ കണ്ണുംപൂട്ടി സമ്മതിക്കുന്ന ഒരു കാര്യമാണ് ഇന്ത്യയുടെ യഥാര്ഥ ഭംഗി സ്ഥിതി ചെയ്യുന്നത് കിഴക്കന് മേഖലയിലാണ് എന്നുള്ളത്.
PC:Sayantani
ഭംഗിയുള്ള വഴികളിലൊന്ന്
റൈഡ് ചെയ്യുന്നതിന്റെ യഥാര്ഥ അനുഭവം നല്കുന്ന ഒന്നാണ് ഡാര്ജലിങ്ങിനെയും സിക്കിമിനെയും തമ്മില് ബന്ധിപ്പിക്കുന്ന സിലിഗുരി -യക്സോം റൂട്ട്. കാഞ്ചന്ജംഗ കൊടുമുടിയുടെയും മറ്റ് പര്വ്വതങ്ങളുടെയും കാഴ്ചകള് ഈ യാത്രയുടെ ആകര്ഷണങ്ങളാണ്.
PC: Spattadar
ഭാലുപ്കോങ് മുതല് തവാങ് വരെ
വടക്കു കിഴക്കന് ഇന്ത്യയുടെ ഭംഗി ബൈക്കില് കറങ്ങി കാണാന് താല്പര്യമുണ്ടെങ്കില് പരീക്ഷിക്കാവുന്ന ഒരു റൂട്ടാണ് ഭാലുപ്കോങ് മുതല് തവാങ് വരെയുള്ള പാത.
PC:Yathin S Krishnappa
കിടിലന് പാത
നോര്ത്ത് ഈസ്റ്റ് ഇന്ത്യയുടെ ഇതുവരെ കാണാത്ത കാഴ്ചകളും ഭംഗിയുമാണ് ഈ റൂട്ട് നല്കുന്നത്. ക്ടടിയില് വളരുന്ന കാടുകളും കൃഷികളും മുന്നറിയിപ്പില്ലാത്ത വളവുകളും കുന്നുകളുമെല്ലാം ഏറെയുണ്ട് ഈ റൂട്ടില്.
PC:Dhrubazaanphotography
മുംബൈയില് നിന്നും തിരുവനന്തപുരത്തേക്ക്
റൈഡിങ്ങിനായി ആളുകള് ഒട്ടും തിരഞ്ഞെടുക്കാത്ത ഒരു റൂട്ടാണ് മുംബൈയില് നിന്നും തിരുവനന്തപുരത്തേക്കുള്ള പാത. പശ്ചിമഘട്ടത്തിന്റെ പച്ചപ്പും വഴിനീളെയുള്ള ബീച്ചുകളും കാഴ്ചകളുമൊക്കെ കടല്ത്തീരങ്ങള് താണ്ടിയുള്ള ഈ യാത്രയില് കാണാം.
PC: Unknown
സീസൈഡ് ഡെസ്റ്റിനേഷന്സ്
മുംബൈയില് നിന്നും തിരുവനന്തപുരത്തേക്കുള്ള യാത്ര കടന്നു പോകുന്നത് ഏറ്റവും അടിപൊളിയായ കുറച്ച് സീസൈഡ് ഡെസ്റ്റിനേഷന്സിന്റെ അടുത്തുകൂടിയാണ്. ഗോവയും കൊച്ചിയും ഒക്കെയാണ് ഇതിലെ ആകര്ഷണങ്ങള്.
PC:Nvvchar
Click it and Unblock the Notifications
