വൈരുദ്ധ്യങ്ങളുടെ നാട്... ഭാവിയുടെ രാജ്യം... കരുത്തിലും ജനസംഖ്യയിലും പ്രകൃതിവിഭവങ്ങളിലും ലോകത്തെ തന്നെ അത്ഭുതപ്പെടുത്തുന്ന രാജ്യം... ബ്രസീൽ! ബ്രസീൽ എന്നു കേൾക്കുമ്പോൾ എന്താണ് ആദ്യം ഓർമ്മയിൽ വരുന്നത്? ഫുട്ബോൾ ഇതിഹാസങ്ങളുടെ നാടായ ഇവിടം കാൽപ്പന്തുകളിയിൽ ചരിത്രം സൃഷ്ടിച്ച ഇടമാണ്. ആമസോൺ മഴക്കാടുകളും സാംബാ സംഗീതവും റിയോഡി ജനീറോയും കൈകൾ വിരിച്ചു വിൽക്കുന്ന ക്രൈസ്റ്റ് ദി റെഡീമർ പ്രതിമയും എല്ലാം ചേരുന്ന നാട്. ഇതാ മനുഷ്യസമ്പത്തിലും പ്രകൃതി വിഭവങ്ങളുടെ സമ്പത്തിലും മുന്നിൽനിൽക്കുന്ന ബ്രസീലിനെക്കുറിച്ചും അതിന്റെ പ്രത്യേകതകളെക്കുറിച്ചും വായിക്കാം...
ജപ്പാൻ കഴിഞ്ഞാൽ ജാപ്പനീസ് സമൂഹമുള്ളത്
സംസ്കാരങ്ങളിലെയും ജനതകളിലെയും വൈവിധ്യം ലോകത്ത് ബ്രസീലിനു മാത്രം അവകാശപ്പെടുവാൻ സാധിക്കുന്ന ഒന്നാണ്. വംശീയമായും സാമൂഹീകമായുമെല്ലാം അത്രയധികം വൈവിധ്യമുള്ള ജനങ്ങള് ഇവിടെ ഒന്നുപോലെ വസിക്കുന്നു. ജപ്പാന് കഴിഞ്ഞാൽ ഏറ്റവും വലിയ ജാപ്പനീസ് സമൂഹം ബ്രസീലിലാണ് വസിക്കുന്നത്. നിലവിൽ, ഏകദേശം 1.9 ദശലക്ഷം ബ്രസീലിയൻ ജാപ്പനീസ് ആളുകൾ ഇവിടെ താമസിക്കുന്നു. 1908-ൽ, ജാപ്പനീസ് കുടിയേറ്റക്കാർ ബ്രസീലിൽ എത്താൻ തുടങ്ങിത്. നിപ്പോ-ബ്രാസിലിറോസ് എന്നാണിവരെ വിളിക്കുന്നത്.
PC: william f. santos/Unsplash
ആമസോൺ മഴക്കാടും ബ്രസീലും
ലോകത്തിന്റെ ശ്വാസകോശം എന്നറിയപ്പെടുന്ന ആമസോൺ മഴക്കാടുകളുടെ 70 ശതമാനവും ഉൾക്കൊള്ളുന്നത് ബ്രസീൽ ആണ്. തെക്കേ അമേരിക്കയുടെ വടക്കൻ ഭാഗം ആമസോൺ മഴക്കാടുകളാൽ ചുറ്റപ്പെട്ട് ആമസോൺ നദി കടന്നുപോകുന്നു. എന്നാൽ മഴക്കാടുകളുടെ ⅔ ബ്രസീലിലാണ് സ്ഥിതി ചെയ്യുന്നത്. ആമസോൺ മഴക്കാടുകളിൽ പതിനഞ്ചായിരത്തിലധികം വ്യത്യസ്ത വൃക്ഷ ഇനങ്ങളിൽ പെട്ട ഏകദേശം 400 ബില്യൺ മരങ്ങൾ കാണാമെന്നാണ് പഠനങ്ങൾ പറയുന്നത്. ലോകത്തിലെ ഏറ്റവും സമ്പന്നവും വൈവിധ്യപൂർണ്ണവുമായ ജൈവ റിസർവോയറർ കൂടിയാണിത്.
PC: Vlad Hilitanu/ Unsplash
കാർണിവൽ
ബ്രസീലിനെ ലോകത്തിനു മുന്നിൽ അടയാളപ്പെടുത്തുന്ന മറ്റൊന്നാണ് ഇവിടുത്തെ കാർണിവൽ. ഏകദേശം 60 ലക്ഷത്തോളം ആളുകൾ പങ്കെടുക്കുന്ന ഈ കാർണിവൽ ലോകത്തിലെ ഏറ്റവും വലിയ കാർണിവൽ കൂടിയാണ്. ക്രിസ്തീയ വിശ്വാസം അനുസരിച്ച് അൻപത് നോമ്പ് ആചരണം തുടങ്ങുന്ന ക്ഷാര ബുധന് മുൻപുള്ള വെള്ളിയാഴ്ചയാണ് കാർണിവൽ നടക്കുന്നത്. റിയോഡി ജനീറോയാണ് കാർണിവലിന് സാക്ഷ്യം വഹിക്കുനന്ത്. റിയോയുടെ ആദ്യ കാർണിവൽ നടന്നത് 1723-ലാണ്.
ബ്രസീലിന്റെ മറ്റൊരു അഭിമാനമാണ് വിടര്ത്തിപ്പിടിച്ച കൈകളുമായി നിൽക്കുന്ന ക്രൈസ്റ്റ് ദി റെഡീമർ പ്രതിമ. ലോകത്തിലെ തന്നെ ഏറ്റവും ഉയരംകൂടിയ പ്രതിമകളിലൊന്നായ ക്രൈസ്റ്റ് ദി റെഡീമർ ബ്രസീലിലെ റിയോ ഡി ജനീറോയിലെ കൊര്കോവാഡോ കുന്നുകളിലാണ് ഉയർന്നു നിൽക്കുന്നത്. 30 മീറ്റർ (98 അടി) വീതിയും 38 മീറ്റർ (125 അടി) ഉയരവുമുണ്ട്. 635 ടൺ ഭാരമാണ് ഇതിനുള്ളത്.ആര്ട്ട് ഡെക്കോ ശൈലിയില് നിര്മ്മിച്ച ലോകത്തിലെ ഏറ്റവും മനോഹരമായ പ്രതിമ കൂടിയാണിത്.
PC: Raphael Nogueira/Unsplash
ലോകപ്പ് ഫുട്ബോൾ മത്സരവും
ലോകഫുട്ബോളിലെ രാജാക്കന്മാരാണ് ബ്രസീൽ. ലോകകപ്പ് ഫുട്ബോൾ മത്സരത്തിൽ ബ്രസീൽ നല്കിയിട്ടുള്ള സംഭാവനകൾ ചെറുതല്ല. ഇതുവരെ നടന്ന എല്ലാ ലോകകപ്പുകളും കളിച്ചിട്ടുള്ള ഒരുയൊരു ടീം മാത്രമേയുള്ളൂ. അത് ബ്രസീലാണ്. 22-ാം ലോകകപ്പ് മത്സരത്തിലും ബ്രസീലുണ്ട്. 1958,1962,1970, 1994, 2002 എന്നീ അഞ്ച് വർഷങ്ങളില് ലോകകപ്പ് പൊരുതിതി നേടിയ ബ്രസീൽ തന്നെയാണ് ഇതുവരെ ഏറ്റവും കൂടുതൽ തവണ ലോകകപ്പ് നേടിയ രാജ്യവും.