ഒരിക്കലേ ഈ വഴിക്കിറങ്ങൂ..പിന്നെ നോക്കേണ്ട... വടക്കു കിഴക്കൻ ഇന്ത്യയിലെ പേടിപ്പിക്കുന്ന പാതകൾ

റോഡ് ട്രിപ്പുകൾ ഇഷ്ടമില്ലാത്തവരായി ആരും കാണില്ല. വ്യത്യസ്തമായ വഴികളിലൂടെ ഇതുവരെ കാണാത്ത കാഴ്ചകളും ഒക്കെ കൊണ്ട് അറ്റമില്ലാത്ത പാതകളിലൂടെയുള്ള യാത്ര എങ്ങനെയാണ് ഇഷ്ടപ്പെടാതിരിക്കുക..എങ്കിൽ ഇവിടുത്തെ റോഡ് ഒക്കെയൊന്നു വിട്ടുപിടിച്ചാലോ...പകരം വടക്കു കിഴക്കൻ ഇന്ത്യയാവട്ടെ അടുത്ത ലക്ഷ്യം... വടക്കു കിഴക്കൻ ഇന്ത്യയുടെ മനോഹരമായ കാഴ്ചകൾ കണ്ട് അടിച്ചു പൊളിച്ചു പോകുവാൻ പറ്റിയ റോഡ് ട്രിപ്പ് റൂട്ടുകൾ പരിചയപ്പെടാം.... അറിയണം വടക്കു കിഴക്കൻ ഇന്ത്യയിലെ ഈ റൂട്ടുകളെ വടക്കു കിഴക്കൻ ഇന്ത്യ ഇന്ത്യയുടെ ഏറ്റവും കിഴക്ക് ഭാഗത്തുള്ള ഏഴ് സംസ്ഥാനങ്ങള്&zwj; ചേർന്ന ഭാഗമാണ് വടക്കു കിഴക്കൻ ഇന്ത്യ എന്നറിയപ്പെടുന്നത്.(അരുണാചൽ പ്രദേശ്, ആസാം, മണിപ്പൂർ, മേഘാലയ, മിസോറം, നാഗാലാ ൻഡ്, ത്രിപുര എന്നീ ഏഴു സംസ്ഥാനങ്ങളും സിക്കിമും ഉൾപ്പെടുന്നതാണ് വടക്കു കിഴക്കൻ ഇന്ത്യ. ഭൂപ്രകൃതിയുടെ കാര്യത്തിൽ ഇന്ത്യയിലെ മറ്റെല്ലാ ഇടങ്ങളിൽ നിന്നും തികച്ചും വ്യത്യസ്തമാണ് ഇവിടം. അറിയണം വടക്കു കിഴക്കൻ ഇന്ത്യയിലെ ഈ റൂട്ടുകളെ ഗുവാഹത്തിയിൽ നിന്നും തവാങ്ങിലേക്ക് റഫ് ആൻഡ് ടഫ്.... ഗുവാഹത്തിയിൽ നിന്നും തവാങ്ങിലേക്കുള്ള പാതയെ ഇങ്ങനെ വിശേഷിപ്പിക്കാം. കയറിയും ഇറങ്ങിയും വളവും തിരിവും ഒക്കെയായി അടിപൊളി യാത്രയാണ് ഇതിന്റെ രസം. അസാമിലെ ഗുവാഹത്തിയിൽ നിന്നും അരുണാചൽ പ്രദേശിലെ തവാങ്ങിലേക്ക് രണ്ട് വഴികളുണ്ടെങ്കിലും ചരിദുവാർ-തവാങ്ങ് വഴി 509 കിലോമീറ്റർ ദൂരമുള്ള യാത്രയാണ് മികച്ചത്.