ബംഗാൾ ഉൾക്കടലിന്റെ ഭാഗം
നവീന ശിലായുഗ കാലം വരെ ബംഗാൾ ഉൾക്കടലിന്റെ ഭാഗമായിരുന്നു ചിൽക്ക തടാകം. ഭൂമിശാത്രപരമായ പഠനങ്ങൾ ഇതിന് നിരവധി തെളിവുകൾ നൽകുന്നുണ്ട്.
Photo Courtesy: Steve Browne & John Verkleir
ചരിത്രം
ഏറെ ചരിത്ര പ്രാധാന്യമുള്ള സ്ഥലം കൂടിയാണ് ചിൽക്ക. കലിംഗ രാജവംശത്തിന്റെ കാലത്ത് ചില്ക പ്രധാന വാണിജ്യകേന്ദ്രവും പ്രമുഖ തുറമുഖവും ആയിരുന്നു. ടോളമി തന്റെ പുസ്തകത്തില് പ്രധാന തുറമുഖം എന്ന രീതിയില് ചില്കയെ കുറിച്ച് പരാമര്ശിച്ചിട്ടുണ്ട്.
Photo Courtesy: Amlantapan1
ടൂറിസ്റ്റ് കേന്ദ്രങ്ങൾ
ലോക പ്രശസ്തമായ ചില്ക തടാകം ആണ് ചില്ക വിനോദ സഞ്ചാരത്തിന്റെ ഏറ്റവും വലിയ ആകര്ഷണം. തടാകത്തിന് പുറമെ ബോട്ടിങ്, മീന്പിടുത്തം, പക്ഷിനിരീക്ഷണം തുടങ്ങി വിവിധ വിനോദ പ്രവര്ത്തനങ്ങളില് ഏര്പ്പെടാനുള്ള സൗകര്യവും ഇവിടെയുണ്ട്. പലതരം വന്യജീവികളെയും ഇവിടെ കാണാന് കഴിയും
Photo Courtesy: Sambit 1982
ജൈവ വൈവിധ്യങ്ങൾ
വിവിധ തരത്തിലുള്ള പക്ഷികള്, ജലജീവികള്, ഉരഗങ്ങള് എന്നിവയെ ഇവിടെ കാണാന് കഴിയും. ശൈത്യകാലത്ത് ആയിരകണക്കിന് പക്ഷികള് ചില്ക തടാകം സന്ദര്ശിക്കാറുണ്ട്. മീന്, ആമ, ഞണ്ട്, ചെമ്മീന് തുടങ്ങി നിരവധി ജലജീവികളുടെ ആവാസ കേന്ദ്രമാണ് തടാകം.
Photo Courtesy: Mike Prince
സന്ദർശിക്കാൻ പറ്റിയ സമയം
ഒക്ടോബര് മുതല് മാര്ച്ച് വരെയുള്ള ശൈത്യകാലമാണ് ചില്ക സന്ദര്ശിക്കാന് ഏറ്റവും അനുയോജ്യമായ സമയം. വിവിധ ദേശങ്ങളില് നിന്നെത്തുന്ന ആയിരക്കണക്കിന് ദേശാടന പക്ഷികളെ ഈ സമയങ്ങളിൽ ഇവിടെ കാണാന് കഴിയും.
Photo Courtesy: Steve Browne & John Verkleir
എത്തിച്ചേരാൻ
റോഡ്, റയില്, വിമാന മാർഗം ചില്കയില് എത്തിച്ചേരാം. ഭുവനേശ്വര് വിമാനത്താവളം ആണ് സമീപത്തുള്ള വിമാനത്താവളം. രംഭയും ബലുഗോണുമാണ് സമീപത്തുള്ള റെയില്വെസ്റ്റേഷനുകള്. പുരിയില് നിന്നും കട്ടക്കില് നിന്നും ടാക്സികളിലും ബസുകളിലുമായി ചിൽക്കയിൽ എത്തിച്ചേരാം.
Photo Courtesy: Ckpcb
ചിൽകാ തടാകം
ദയ നദിയോട് ചേര്ന്നു കിടക്കുന്ന ചില്ക തടാകത്തിന്റെ വിസ്തൃതി 1,100 ചതുരശ്ര കിലോമീറ്റർ ആണ്. ഉപ്പ് വെള്ളം നിറഞ്ഞ ചതുപ്പ് നിലമാണ് ഈ തടാകം.
Photo Courtesy: Steve Browne & John Verkleir
ദേശാടന പക്ഷികൾ
ശൈത്യകാലത്ത് കാസ്പിയന് കടല്, ഇറാന്, റഷ്യ , സൈബീര തുടങ്ങി വിവിധ പ്രദേശങ്ങളില് നിന്നും ഇവിടേയ്ക്ക് ദേശാടന പക്ഷികള് എത്താറുണ്ട്. ദേശാടന കാലത്ത് 205 ലേറെ ഗണത്തില് പെടുന്ന പക്ഷികള് ഇവിടേയ്ക്കെത്താറുണ്ടെന്നാണ് കണക്കാക്കിയിരിക്കുന്നത്. 97 ലേറെ ഇനത്തില്പെട്ട പക്ഷികള് മറ്റ് ഭൂഖണ്ഡങ്ങളില് നിന്നും വരാറുണ്ട്.
Photo Courtesy: ARIJIT MONDAL
ദ്വീപുകൾ
ചില്ക തടാകത്തില് നിരവധി ചെറു ദ്വീപുകള് ഉണ്ട്. ഈ ദ്വീപുകള് സന്ദര്ശിക്കുന്നത് അവിസ്മരണീയമായ അനുഭവമാണ്. പക്ഷി ദ്വീപ്, ഹണിമൂണ് ദ്വീപ്, പരികുഡ് ദ്വീപ്, ബ്രേക്ഫാസ്റ്റ് ദ്വീപ്, മലുഡ്, ദ്വീപ്, നിര്മല്ഝാര ദ്വീപ്, കാളിജയ് ദ്വീപ്, നലബാന എന്നിവയാണ് ഇതില് ചില പ്രധാന ദ്വീപുകള്.
Photo Courtesy: Gayatri Priyadarshini
കാളിജയ് ദ്വീപ്
കാളിജെയ് ദ്വീപില് കാളിജയ് ദേവിയുടെ ഒരു ക്ഷേത്രമുണ്ട്. അതുകൊണ്ടു തന്നെ ഹിന്ദുമതവിശ്വാസികള് ഇവിടെ ഏറെ എത്താറുണ്ട്. മകര സംക്രാന്തിയാണ് ഇവിടുത്തെ പ്രധാന ആഘോഷം. ഈ ദ്വീപിന് വിശാലമായ കടല്ത്തീരമുണ്ട്. ചില്ക ദ്വീപിലെ ഈ സ്ഥലങ്ങളിലേയ്ക്ക് സത്പഡ, ബലുഗയോണ്, രംഭ ,ബര്കുല് എന്നിവിടങ്ങളില് നിന്നും ബോട്ടിന് സൗകര്യമുണ്ട്.
Photo Courtesy: Aruni Nayak
Click it and Unblock the Notifications
