കൊച്ചിയില്‍ നിന്നും കിടിലന്‍ ക്രൂസ് യാത്ര.... ഐആര്‍സി‌ടിസിയു‌ടെ ആഢംബര പാക്കേജുകള്‍..ഗോവ മുതല്‍ ലക്ഷദ്വീപ് വരെ

ക്രൂസ് ഫ്രം കൊച്ചി-കോര്‍ഡേലിയ ക്രൂസ്

മൂന്ന് രാത്രിയും നാല് പകലും നീണ്ടു നില്‍ക്കുന്ന ക്രൂസ് ഫ്രം കൊച്ചിയാണ് പട്ടികയില്‍ ഒന്നാമതുളളത്. മേയ് 4-ാം തിയ്യതി ബുധനാഴ്ചയാണ് മാര്‍ച്ചിലെ ഈ ക്രൂസിന്‍റെ യാത്ര ചാര്‍ട്ട് ചെയ്തിരിക്കുന്നത്. അഞ്ച് തരത്തിലുള്ള താമസ സൗകര്യങ്ങളാണ് സഞ്ചാരികള്‍ക്കായി ഒരുക്കിയിരിക്കുന്നത്. ഇന്‍റീരിയര്‍ എന്നറിയപ്പെടുന്ന റൂമാണ് കൂട്ടത്തില്‍ ഏറ്റവും കുറഞ്ഞ തുകയില്‍ ലഭ്യമാകുന്നത്. 29,847 രൂപയാണ് ഇതില്‍ ഒരാള്‍ക്കുള്ള ചിലവ്. ഓഷ്യന്‍ വ്യൂവിന് 38,876 ഉം ബാല്‍ക്കണിക്ക് 53,168 ഉം സ്വീറ്റ് റൂമിന് 99,429 ഉം ചെയര്‍മാന്‍സ് സ്യൂട്ടിന് 14,5308 രൂപയുമാണ് ഒരാള്‍ക്കുള്ള തുക. തിരഞ്ഞെടുക്കുന്ന അക്കോമൊഡേഷന്‍ സൗകര്യം അനുസരിച്ച് ലഭിക്കുന്ന സേവനങ്ങളിലും വ്യത്യാസമുണ്ടായിരിക്കും.

യാത്ര ഇങ്ങനെ

യാത്രയുടെ ഒന്നാം ദിവസം അതായത് മേയ് നാലിന് ഉച്ചയ്ക്ക് മൂന്നു മണിയോടെ കപ്പല്‍ കൊച്ചി തീരം വിടും. രണ്ടാം ദിവസം മേയ് അഞ്ചിന് രാവിലെ എട്ടു മണിയോടെ ലക്ഷദ്വീപിലെ കടമത്ത് ദ്വീപില്‍ കപ്പല്‍ എത്തിച്ചേരും. ദമ്പതികള്‍, ഒറ്റയ്ക്കു യാത്ര ചെയ്യുന്നവര്‍, കുടുംബവും സുഹൃത്തുക്കളുമൊന്നിച്ച് യാത്ര ചെയ്യുന്നവര്‍ എന്നിങ്ങനെ എല്ലാ തരത്തിലുള്ള സഞ്ചാരികള്‍ക്കും പറ്റിയ ഇടമാണിത്. അന്നു തന്നെ വൈകിട്ട് ആറു മണിയോടെ ഇവിടെ നിന്നും കപ്പല്‍ തിരിക്കും. മൂന്നാം ദിവസം മുഴുവനും കടലില്‍ തന്നെയായിരിക്കും. കപ്പലില്‍ ഒരുക്കിയിരിക്കുന്ന ലോകോത്തര സൗകര്യങ്ങള്‍ ഈ മേയ്മാ 7ന് രാവിലെ 9.00 മണിക്ക് കപ്പല്‍ മുംബൈയിലെത്തും.

മാര്‍ച്ച് 23 നും

ക്രൂസ് ഫ്രം കൊച്ചി-കോര്‍ഡേലിയ ക്രൂസ് യാത്ര മാര്‍ച്ച് 23 നും നടത്തുന്നുണ്ട്. മാര്‍ച്ച് 23 ന് ആരംഭിച്ച് 26ന് മുംബൈയില്‍ എത്തുന്ന വിധത്തിലാണിത് പ്ലാന്‍ ചെയ്തിരിക്കുന്നത്. ഇത് കൂ‌ടാതെ ഏപ്രില്‍ ആറിനും ഏപ്രില്‍ 20നും മേയ് നാലിനും മേയ് 18നും കൊച്ചിയില്‍ നിന്നും യാത്ര പുറപ്പെടുന്നു.

ടിക്കറ്റില്‍ ഉള്‍പ്പെട്ടിരിക്കുന്നത്

താമസ സൗകര്യം ഫുഡ് കോർട്ട് & സ്റ്റാർലൈറ്റ് റെസ്റ്റോറന്റിലെ എല്ലാ ഭക്ഷണങ്ങളും, നീന്തൽക്കുളത്തിലേക്കുള്ള പ്രവേശനം
ഞങ്ങളുടെ ഫിറ്റ്നസ് സെന്ററിലേക്കുള്ള ആക്സസ്
എല്ലാ പൊതു ഇടങ്ങളിലേക്കും ലോഞ്ചുകളിലേക്കും പ്രവേശനം,വിനോദ പരിപാടികൾ,
കാസിനോയിലേക്കുള്ള പ്രവേശനം,
കുട്ടികൾക്കുള്ള കോർഡെലിയ അക്കാദമിയിലേക്കുള്ള പ്രവേശനം,
ഇൻഷുറൻസ്,ഡിജെയും പൂൾ പാർട്ടിയും,ബല്ലേ ബല്ലേ,
സിനിമകളിലൂടെ ഇന്ത്യ എന്നിവയാണ് അടിസ്ഥാന സൗകര്യങ്ങള്‍. ടിക്കറ്റ് നിരക്കിലെ വ്യത്യാസമനുസരിച്ച് മറ്റുള്ളവയ്ക്ക് കൂടുതല്‍ സൗകര്യങ്ങള്‍ ലഭ്യമാണ്. കാര്യങ്ങള്‍ അടിസ്ഥാന ടിക്കറ്റില്‍ ലഭിക്കും

ലക്ഷദ്വീപ് ആന്‍ഡ് ഗോവ ക്രൂസ്- കോര്‍ഡേലിയ ക്രൂസ്

നാല് രാത്രിയും അഞ്ച് പകലുമുള്ള ലക്ഷദ്വീപ് ആന്‍ഡ് ഗോവ ക്രൂസ് മാര്‍ച്ച് 9ന് കൊച്ചിയില്‍ നിന്നാരംഭിക്കും. ഇതില്‍ ഇന്‍റീരിയര്‍ താമസം തിരഞ്ഞെടുക്കുന്നവര്‍ക്ക് 39797 രൂപയും ഓഷ്യന്‍ വ്യൂവിന് 50,502 രൂപയും ബാല്‍ക്കണിക്ക് 70,892 രൂപയും സ്വീറ്റിന് 1,32,573 രൂപയും ചെയര്‍മാന്‍സ് സ്യൂട്ടിന് 193744 രൂപയുമായിരിക്കും.

യാത്ര ഇങ്ങനെ

മാര്‍ച്ച് 9ന് ഉച്ച കഴിഞ്ഞ് മൂന്നു മണിയോടെ യാത്ര കൊച്ചിയില്‍ നിന്നും ആരംഭിക്കും. അന്ന് മുഴുവന്‍ കപ്പല്‍ കാണുവാനും വൈകുന്നേരം ലൗഞ്ചില്‍ നിന്നുള്ള കാഴ്ചകള്‍ ആസ്വദിക്കുവാനും റസ്റ്റോറന്‍റുകള്‍ പരീക്ഷിക്കുവാനും സമയം ചിലവഴിക്കാം. രണ്ടാം ദിവസം അതായത് മാര്‍ച്ച് പത്തിന് രാവിലെ എട്ടു മണിയോടെ കപ്പല്‍ ലക്ഷദ്വീപിലെത്തും. അന്ന് വൈകിട്ട് ആറു മണി വരെ ഇവിടെ ചിലവഴിക്കാം. അതിനു ശേഷം കപ്പല്‍ മുംബൈയ്ക്ക് പുറപ്പെടും. മാര്‍ച്ച് 12 ശനിയാഴ്ച മുഴുവന്‍ ദിവസം കപ്പല്‍ യാത്രയിലായിരിരിക്കും. പൂള്‍ ബാറും കാസിനോയും ഒക്കെ പരീക്ഷിക്കുവാന്‍ പറ്റിയ ദിവസം കൂടിയാണിത്. യാത്രയു‌ടെ നാലാം ദിവസം കപ്പല്‍ മുംബൈയിലെത്തും. മുന്‍കൂട്ടി തയ്യാറാക്കിയ യാത്രാ പ്ലാനനുസരിച്ച് അന്നേ ദിവസം കറക്കം. പ്രധാനപ്പെട്ട ഇടങ്ങളും ചരിത്ര സ്മാരകങ്ങളും യാത്രയില്‍ ഉള്‍പ്പെടുത്തിയിട്ടുണ്ട്. വൈകിട്ട് അഞ്ച് മണിയോടെ കപ്പല്‍ ഗോവയ്ക്കു തിരിക്കും. അഞ്ചാം ദിവസം 11 മണിയോടെ കപ്പല്‍ ഗോവയിലെത്തും.

മാര്‍ച്ച് 23 നും

ലക്ഷദ്വീപ് ആന്‍ഡ് ഗോവ ക്രൂസ്- കോര്‍ഡേലിയ ക്രൂസ് യാത്ര മാര്‍ച്ച് 23 നും ചാര്‍ട്ട് ചെയ്തിട്ടുണ്ട്. മാര്‍ച്ച് 23 ന് ആരംഭിച്ച് 27ന് ഗോവയില്‍ എത്തുന്ന വിധത്തിലാണിത് പ്ലാന്‍ ചെയ്തിരിക്കുന്നത്. ഇത് കൂടാതെ ഏപ്രില്‍ ആറിനും ഏപ്രില്‍ 20 നും മേയ് നാലിനും മേയ് 18നും കൊച്ചിയില്‍ നിന്നും യാത്ര പുറപ്പെടുന്നു.

ടിക്കറ്റില്‍ ഉള്‍പ്പെട്ടിരിക്കുന്നത്

താമസ സൗകര്യം ഫുഡ് കോർട്ട് & സ്റ്റാർലൈറ്റ് റെസ്റ്റോറന്റിലെ എല്ലാ ഭക്ഷണങ്ങളും, നീന്തൽക്കുളത്തിലേക്കുള്ള പ്രവേശനം
ഞങ്ങളുടെ ഫിറ്റ്നസ് സെന്ററിലേക്കുള്ള ആക്സസ്
എല്ലാ പൊതു ഇടങ്ങളിലേക്കും ലോഞ്ചുകളിലേക്കും പ്രവേശനം,വിനോദ പരിപാടികൾ,
കാസിനോയിലേക്കുള്ള പ്രവേശനം,
കുട്ടികൾക്കുള്ള കോർഡെലിയ അക്കാദമിയിലേക്കുള്ള പ്രവേശനം,
ഇൻഷുറൻസ്,ഡിജെയും പൂൾ പാർട്ടിയും,ബല്ലേ ബല്ലേ,സിനിമകള്‍ എന്നിവയാണ് അടിസ്ഥാന സൗകര്യങ്ങള്‍. ടിക്കറ്റ് നിരക്കിലെ വ്യത്യാസമനുസരിച്ച് മറ്റുള്ളവയ്ക്ക് കൂടുതല്‍ സൗകര്യങ്ങള്‍ ലഭ്യമാണ്.

ക്രൂസ് കപ്പലി‍ല്‍ ഒരിക്കലെങ്കിലും യാത്ര ചെയ്യണം.. കാരണമെന്താണെന്നല്ലേ!!

ചെറിയ പ്ലാനിങ്ങൊന്നും പോരാ, വര്‍ഷങ്ങളെ‌‌ടുത്ത് പ്ലാന്‍ ചെയ്തു പോകേണ്ട യാത്രകള്‍

തനിച്ചുള്ള യാത്രകള്‍ വിജയകരമായി പൂര്‍ത്തിയാക്കാം...ശ്രദ്ധിക്കാം ഈ കാര്യങ്ങള്‍

വാര്‍ത്തയില്‍ ഉപയോഗിച്ചിരിക്കുന്നത് പ്രതീകാത്മക ചിത്രങ്ങളാണ്. വിവരങ്ങള്‍ക്ക് കടപ്പാട് ഐആര്‍സിടിസി വെബ് സൈറ്റ്.

യാത്രയുടെ ഏറ്റവും പുതിയ തിയ്യതികളും നിരക്കുകളുംഐആര്‍സിടിസി വെബ് സൈറ്റില്‍ ലഭ്യമാണ്.