ചെന്നൈയിലെ ഗുരുവായൂരപ്പനും അയ്യപ്പനും

അയ്യപ്പൻ-ഗുരുവായൂരപ്പൻ ക്ഷേത്രം

തമിഴ്നാട്ടാലെ ചെന്നൈയ്ക്ക് സമീപത്തുള്ള മഹാലിംഗപുരത്താണ് ഏറെ പ്രസിദ്ധമായ തീർഥാടകർക്കിടയിൽ ഏറെ പ്രശസ്തമായ ശ്രീ അയ്യപ്പൻ-ഗുരുവായൂരപ്പൻ ക്ഷേത്രം സ്ഥിതി ചെയ്യുന്നത്. അയ്യപ്പന് തമിഴ്നാട്ടിൽ പ്രത്യേകിച്ച് ചെന്നൈയിൽ ഒട്ടേറെ ഭക്തരുണ്ട്. വർഷാവർഷം ശബരി മലയിലേക്ക് മാസയിട്ട് ദർശനത്തിനു വരുന്നവരിൽ ഏറിയ പങ്കും തമിഴ്നാട്ടിൽ നിന്നാണ്.

നാലു പതിറ്റാണ്ട് മുൻപ്!

ചെന്നൈയിലെ അയ്യപ്പ ഭക്തർക്ക് ഒത്തു കൂടുവാനും ശബരിമലയിൽ പോകുമ്പോള്‍ കെട്ടുനിറ ഉൾപ്പെടെയുള്ള കാര്യങ്ങൾക്കായി ഒരുമിച്ചിരിക്കാൻ ഒരിടം വേണമെന്ന ആലോചനയിൽ നിന്നുമാണ് ക്ഷേത്രം രൂപം കൊള്ളുന്നത്. തമിഴ്നാട്ടിൽ നിന്നുള്ള ഭക്തരും മലയാളികളും ഒക്കെ ചേർന്നാണ് ക്ഷേത്രം നിർമ്മിച്ചത്.

ഒരു മേൽക്കൂരയിലെ അയ്യപ്പനും ഗുരുവായൂരപ്പനും

അയ്യപ്പനും ഗുരുവായൂരപ്പനും തുല്യപ്രാധാന്യത്തോടെ വസിക്കുന്ന ഒരു ക്ഷേത്രം കൂടിയാണിത്. 1974 ലാണ്
ക്ഷേത്രത്തിൽ അയ്യപ്പ വിഗ്രഹ പ്രതിഷ്ഠ നടക്കുന്നത്. ചെങ്ങന്നൂരിൽ നിന്നും നിർമ്മിച്ച പഞ്ചലോഹ വിഗ്രഹമാണ് ഇവിടെ പ്രതിഷ്ഠിച്ചിരിക്കുന്നത്. പന്നീട് 1990 ൽ ആണ് ഗുരുവായൂരപ്പനെ ഇവിടെ പ്രതിഷ്ഠിക്കുന്നത്. ഗുരുവായൂരിൽ നിന്നും കൊണ്ടുവന്ന കൃഷ്ണശില ഉപയോഗിച്ചാണ് ഗുരുവായൂരപ്പന്റെ വിഗ്രഹം പ്രതിഷ്ഠിച്ചിരിക്കുന്നത്.

ആഘോഷങ്ങൾ

സാധാരണ ക്ഷേത്രങ്ങളിലേതു പോലുള്ള പൂജയും മറ്റ കാര്യങ്ങളുമാണ് ഇവിടെ നടക്കുന്നത്. എന്നും രാവിലെ 3.30 ന് പള്ളി ഉയർത്തൽ, 4.45 ന് ഗണപതി ഹോമം, ഏഴു മണിക്ക് ഉഷപൂജ, 7.15 ന് ശ്രീ ബലി, 10.30 ഉച്ചപൂജ,11 മണിക്ക് ക്ഷേത്രം അടക്കും. പിന്നീട് വൈകിട്ട് അഞ്ചു
മണിക്കാണ് ക്ഷേത്രം തുറക്കുന്നത്. 6.30ന് ദീപാരാധന, 8.30 ന് അ്തതാഴപൂജ, 8.45ന് ശ്രീ ബലി, അത് കഴിഞ്ഞ് രാത്രി 9.00 ന് ക്ഷേത്രം അടയ്ക്കും.
ധനുമാസത്തിലെ മകയിരം നാളിലാണ് ഇവിടുത്തെ ഉത്സവത്തിന് കൊടിയേറുന്നത്. ക്ഷേത്രത്തിലെ പൂജാരികളും മലയാളികളാണ്.

PC:yyappantemplesabs.org

എത്തിച്ചേരാൻ

ചെന്നൈയിൽ നുങ്കമ്പാക്കത്തിനു സമീപമുള്ള മഹാലിംഗപുരം എന്ന സ്ഥലത്താണ് അയ്യപ്പൻ-ഗുരുവായൂരപ്പൻ ക്ഷേത്രം സ്ഥിതി ചെയ്യുന്നത്. ചെന്നൈയിൽ നിന്നും 7.6 കിലോമീറ്റർ അകലെയാണ് ഈ ക്ഷേത്രമുള്ളത്. ചെന്നൈ-വില്ലുപുരം-ട്രിച്ചി-കന്യാകുമാരി റോഡ് വഴിയാണ് ഇവിടെ എത്തിച്ചേരേണ്ടത്.