Click it and Unblock the Notifications
കൊളോണിയൽ ഭരണത്തിന്റെ അവശേഷിപ്പുകൾ ഇന്നും നിലനിർത്തുന്ന അപൂര്വ്വം സ്ഥലങ്ങളിലൊന്നാണ് പോണ്ടിച്ചേരി. ഇന്ത്യയിലെ ഏഴു കേന്ദ്ര ഭരണ പ്രദേശങ്ങളിലൊന്നും പുതുച്ചേരിയുടെ തലസ്ഥാനവുമായ ഇവിടം നൂറ്റാണ്ടുകളോളം ഫ്രഞ്ച് ആധിപത്യത്തിന്റെ കീഴിലായിരുന്നു. ഇപ്പോഴും നിലനിർത്തുന്ന ഫ്രഞ്ച് മാതൃകകളും സംസ്കാരവും പാരമ്പര്യവും ഒക്കെ തന്നെയാണ് ഈ നഗരത്തെ ഇപ്പോഴും വ്യത്യസ്തവും സഞ്ചാരികളുടെ പ്രിയപ്പെട്ട കേന്ദ്രവും ഒക്കെയാക്കി മാറ്റുന്നത്.
രാജ്യത്തെ മൂന്ന് സംസ്ഥാനങ്ങളിലായി വ്യാപിച്ചു കിടക്കുന്ന നാല് തുറമുഖ പ്രവിശ്യകള് ചേര്ന്നാണ് പോണ്ടിച്ചേരി കേന്ദ്രഭരണപ്രദേശം രൂപം കൊണ്ടിരിക്കുന്നത്. ആന്ധ്രപ്രദേശിലുള്ള യാനം, തമിഴ്നാടിന്റെ കിഴക്കന് തീരത്തായുള്ള പോണ്ടിച്ചേരി നഗരം, കാരൈക്കല്, കേരളത്തിന്റെ പടിഞ്ഞാറന് തീരത്തായുള്ള മാഹി എന്നിവ ചേര്ന്നാണ് പോണ്ടിച്ചേരി രൂപം കൊണ്ടിരിക്കുന്നത്.
പോണ്ടിച്ചേരിയിലെ ബീച്ചുകളാണ് സഞ്ചാരികളെ ഇവിടേക്ക് ആകർഷിക്കുന്നത്. എന്നാൽ ഇവിടെ എത്തുന്നവർ തീർച്ചയായും കണ്ടിരിക്കേണ്ട മറ്റൊരു സംഗതിയുണ്ട്. വാസ്തു വിദ്യയിലും നിർമ്മാണ ശൈലിയിലും വ്യത്യസ്ത പുലർത്തുന്ന ക്രൈസ്തവ ദേവാലയങ്ങളാണവ. പോണ്ടിച്ചേരിയിലെ ദേവാലയങ്ങൾ പരിചയപ്പെടാം...
സേക്രട്ട് ഹാര്ട്ട് ഓഫ് ജീസസ് ചർച്ച്
100 വർഷത്തിലധികം പഴക്കമുള്ള ഇപ്പോഴുള്ള ഈ ദേവാലയം ഗോഥിക് ശൈലിയിലാണ് നിർമ്മിച്ചിരിക്കുന്നത്. ഗ്ലാസിൽ നിർമ്മിച്ചിരിക്കുന്ന ചിത്രപ്പണികളാണ് ഈ ദേവാലയത്തിന്റെ മറ്റൊരു ആകർഷണം. യേശുവിന്റെ തിരുഹൃദയവുമായി ബന്ധപ്പെട്ട 28 വിശുദ്ധരുടെ രൂപങ്ങളും ഗ്സാസിൽ നിർമ്മിച്ച് ഇവിടെ ദേവാലയത്തിന്റെ ഉള്ളിൽ കാണാൻ സാധിക്കും.
ക്രിസ്തുവിൻറെ ജീവചരിത്രം മുഴുവനും ഇവിടെ ഗ്ലാസ് പെയിന്റിൽ പുനരാവിഷ്കരിച്ചിട്ടുണ്ട്.
ഇമ്മാക്കുലേറ്റ് കൺസെപ്ഷൻ കത്തീഡ്രൽ, പോണ്ടിച്ചേരി
പോണ്ടിച്ചേരിയിലെ ഏറ്റവും പഴയ ദേവാലയമായ ഇവിടെ എല്ലായ്പ്പോഴും ധാരാളം വിശ്വാസികൾ എത്തിച്ചേരാറുണ്ട്. ഇതിനു തൊട്ടടുത്തായാണ് ബിഷപ്പ് ഹൗസ് സ്ഥിതി ചെയ്യുന്നതും.
മദർ തെരേസ തന്റെ പോണ്ടിച്ചേരി സന്ദർശന സമയത്ത് ഈ ദേവാലയം സന്ദർശിച്ചിരുന്നു.
ഔർ ലേഡി ഓഫ് അസംപ്ഷൻ ചർച്ച്
ഔർ ലേഡി ഓഫ് ലൂർഡ്സ്
ആറടി നീളമുള്ള ലൂർദ്ദിലെ മാതാവിന്റെ രൂപമാണ് ഇവിടെ ആരാധിക്കുന്നത്. ഇതിന് അത്ഭുതകരമായ ശക്തികൾ ഉണ്ടെന്നാണ് വിശ്വസിക്കപ്പെടുന്നത്.
ദേവാലയത്തിനു മുന്നിലായി സ്ഥിതി ചെയ്യുന്ന കുളത്തിലെ വെള്ളത്തിനും അത്ഭുത ശക്തികൾ ഉണ്ടെന്നാണ് വിശ്വാസം. ഏഷ്യയിൽ തന്നെ വിശുദ്ധമായി കരുതുന്ന കുളം ഉള്ള ഒരേയൊരു ദേവാലയം കൂടിയാണിത്.
