Click it and Unblock the Notifications
പേരുകേട്ട, ആളുകൾ പോയിപ്പോയി മടുത്ത, സോഷ്യൽ മീഡിയകൾ ചേർന്ന് മടപ്പിച്ച ഇടങ്ങൾ ഒഴിവാക്കി അറിയപ്പെടാത്ത ഇടങ്ങളാണ് ഇന്നത്തെ ട്രെൻഡ്. അതുകൊണ്ടു തന്നെ എപ്പോൾ പോയാലും തിരക്കിൽപെട്ടു കിടക്കുന്ന ഊട്ടിയും മൂന്നാറും പോണ്ടിച്ചേരിയും ഹംപിയും ഒക്കെ ആദ്യം തന്നെ ലിസ്റ്റിൽ നിന്നും ഔട്ട്. എന്നാൽ ഇതിനോളം തന്നെ കാഴ്ചകളുള്ള വേറെയിടങ്ങൾ തൊട്ടടുത്തു കിടപ്പുണ്ട്. ഊട്ടി ഒഴിവാക്കിയാൽ കോത്താഗിരിയും മൂന്നാറിനെ മാറ്റിപ്പിടിച്ചാൽ പൊന്മുടിയും ഉള്ളപ്പോൾ അങ്ങനെയൊരു യാത്ര പ്ലാൻ ചെയ്താലോ...
മൂന്നാറിനെ മാറ്റി പൊന്മുടിക്ക്
തിരുവനന്തപുരത്തു നിന്നും 65 കിലോമീറ്ററാണ് ഇവിടേക്കുള്ള ദൂരം. പൊന്മുടി ടീ ഫാക്ടറി, ഗോൾഡൻ വാലി, മീന്മുട്ടി വെള്ളച്ചാട്ടം, കല്ലാർ എന്നിവയാണ് യാത്രയിലെ കാഴ്ചകൾ. മാർച്ച് മുതൽ മേയ് വരെയുള്ള സമയമാണ് ഇവിടം സന്ദര്ശിക്കുവാൻ യോജിച്ചത്.
ഗോകർണ്ണയിലെ ബീച്ചല്ല ഉഡുപ്പിയിലെ ദോശ
ബീച്ചുകളും ബീച്ച് ട്രക്കിങ്ങുമുള്ള ഗോകർണ്ണയെ പ്ലാനിൽ നിന്നും മാറ്റി പകരം ഉഡുപ്പി തിരഞ്ഞെടുക്കാം. കന്നഡ രുചികളിൽ വ്യത്യസ്തത വിളമ്പുന്ന ഇവിടെ നാവിനെ കൊതിപ്പിക്കുന്ന വിഭവങ്ങൾ നൂറുകണക്കിനുണ്ട്. ലോകത്തിന്റെ വിവിധ ഭാഗങ്ങളില് നിന്നുള്ള സഞ്ചാരികൾ ഗോകർണ്ണ തേടി എത്തുമ്പോൾ അതിനെ മാറ്റി ഉഡുപ്പി തിരഞ്ഞെടുക്കുവാൻ കാരണങ്ങൾ നിരവധിയുണ്ട്. അറബിക്കടലിനോട് ചേർന്ന് ദക്ഷിണ കന്നഡ ജില്ലയിൽ സ്ഥിതി ചെയ്യുന്ന ഉഡുപ്പി രുചിയിൽ മാത്രമല്ല, ബീച്ചുകളുടെയും ക്ഷേത്രങ്ങളുടെയും കാര്യത്തിൽ സഞ്ചാരികളെ ആകര്ഷിക്കുന്നു. ഉഡുപ്പി ശ്രീകൃഷ്ണ മഠം, കൗപ് ബീച്ച്, ഉഡുപ്പിയിലെ തനനത് രുചികൾ ലഭിക്കുന്ന ഭക്ഷണ ശാലകൾ തുടങ്ങിയവ ഇവിടെ യാത്രയിൽ പോകാം.
ബേലം വേണ്ട, ബോറാ ഗുഹകളിലേക്ക് പോകാം
വിശാഖപട്ടണത്തു നിന്നും 90 കിലോമീറ്ററാണ് ബോറാ ഗുഹയിലേക്കുള്ളത്.
ശിവലിംഗത്തിന്റെയും കാമധേനുവിന്റെയും രൂപത്തിൽ രൂപം കൊണ്ടിരിക്കുന്ന കല്ലുകളാണ് ഗുഹയ്ക്കുള്ളിലെ എടുത്തു പറയേണ്ട കാഴ്ച. ഡിസംബർ മുതൽ ഫെബ്രുവരി വരെയുള്ള വരെയുള്ള സമയമാണ് ഇവിടം സന്ദർശിക്കുവാൻ യോജിച്ചത്.
അരാകുവിന് പകരം ലംബസിംഗി
ആന്ധ്രാക്കാരുടെ സ്വർഗ്ഗമായ അരാകുവിൽ പോയിട്ടുണ്ടെങ്കിൽ ഇത്തവണ ലംബസിംഗിയിലേക്കാവാം യാത്ര. ആന്ധ്രയുടെ കാശ്മീർ എന്നറിയപ്പെടുന്ന ലംബസിംഗി മഞ്ഞു വീഴ്ചയ്ക്കും തണുപ്പിനും ഒക്കെ പ്രസിദ്ധമാണ്. മഞ്ഞിൽ പുതഞ്ഞു നിൽക്കുന്ന രാത്രികളാണ് ഇവിടെയുള്ളത്. 2012 ജനുവരി 15നാണ് ഇവിടെ ആദ്യമായി മഞ്ഞുവീഴ്ച റിപ്പോർട്ട് ചെയ്യുന്നത്.
കൊച്ചി മടുത്തെങ്കിൽ മുഴപ്പിലങ്ങാടേയ്ക്ക്
കണ്ണൂരിൽ നിന്നും 15 കിലോമീറ്ററും തലശ്ശേരിയിൽ നിന്നും എട്ട് കിലോമീറ്ററുമാണ് ഇവിടേക്കുള്ള ദൂരം. കണ്ണൂര് കോട്ട, തലശ്ശേരി കോട്ട, പയ്യാമ്പലം ബീച്ച്, ധർമ്മടം തുരുത്ത്, മാഹി തുടങ്ങിയ ഇടങ്ങൾ ഇതിനടുത്താണ്. വർഷത്തിൽ എപ്പോൾ വേണമെങ്കിലും ഇവിടം സന്ദർശിക്കാം.
ഊട്ടി മാറ്റി കോത്താഗിരി
ഊട്ടിയിൽ നിന്നും 30 കിലോമീറ്ററും കൂനൂരിൽ നിന്നും 17 കിലോമീറ്ററുമാണ് കോത്താഗിരിയിലേക്കുള്ള ദൂരം.
കോടനാട് വ്യൂ പോയിന്റ്, കാതറീൻ വെള്ളച്ചാട്ടം,രംഗസ്വാമി പീക്ക്, തേയിലത്തോട്ടങ്ങൾ തുടങ്ങിയവയാണ് പ്രധാന കാഴ്ച. മാർച്ച് മുതൽ ജൂൺ വരെയും ഒക്ടോബർ മുതൽ ഫെബ്രുവരി വരെയുമാണ് ഇവിടം സന്ദർശിക്കുവാൻ പറ്റിയ സമയം
പോണ്ടിച്ചേരിക്ക് പകരം കാരയ്ക്കൽ
ഫ്രഞ്ച് കോളനികളുടെയും ഭരണത്തിന്റെയും കഥ പറയുന്ന പോണ്ടിച്ചേരി തമിഴിനാട് യാത്രയിലെ പ്രധാന ഇടമാണ്. പോണ്ടിച്ചേരിയെപ്പോലെ , പോണ്ടിച്ചേരിക്കൊപ്പം നിൽക്കുന്ന ഇടമാണ് കാരയ്ക്കൽ. പോണ്ടിച്ചേരിയിൽ നിന്നും വെറും മൂന്ന് മണിക്കൂർ സമയത്തെ അകലത്തിൽ സ്ഥിതി ചെയ്യുന്ന കാരയ്ക്കലും പോണ്ടിയെപ്പോലെ തന്നെ ഒരു ഫ്രഞ്ച് പട്ടണമാണ്. എല്ലാ സംസ്കാരങ്ങളും കൂടിച്ചേർന്ന ഇടമായ കാരയ്ക്കൽ ഒരു തുറമുഖ പട്ടണം കൂടിയാണ്. ചോളന്മാരുടെ കാലത്ത് നിർമ്മിക്കപ്പെട്ട ക്ഷേത്രങ്ങളാണ് മറ്റൊരു കാഴ്ച.
കാരയ്ക്കാർ അമ്മയാർ ക്ഷേത്രം, ദര്ഭദാരണേശ്വർ ക്ഷേത്രം, വേളാങ്കണ്ണി, നാഗൂർ തുടങ്ങിയവയാണ് അടുത്തുള്ള പ്രധാന ഇടങ്ങള്. ഡിസംബർ മുതൽ ജനുവരി വരെയുള്ള സമയത്ത് ഇവിടം സന്ദര്ശിക്കാം.
ഹിപ്പികളുടെ ഹംപിയ്ക്ക് പകരം പട്ടടക്കൽ
കൂർഗിലെ കാഴ്ചകൾക്കു പകരം സകലേശ്പൂർ
ബാംഗ്ലൂരിൽ നിന്നും 240 കിലോമീറ്ററാണ് ഇവിടേക്കുള്ള ദൂരം. മഞ്ചാരബഡ് കോട്ട,റൊട്ടിക്കല്ല് വെള്ളച്ചാട്ടം, ജെവുകല്ലു ഗുഡ്ഡാ, മൂകനമനെ വെള്ളച്ചാട്ടം എന്നവ ഇവിടെ കാണാനുള്ള കാഴ്ചകളാണ്. വർഷത്തിൽ എപ്പോൾ വേണമെങ്കിലും ഇവിടം സന്ദർശിക്കാം.
മധുരയ്ക്ക് പകരം തഞ്ചാവൂർ
ബൃഹദീശ്വര ക്ഷേത്രം, പാലസ് ആൻഡ് സരസ്വതി മഹൽ ലൈബ്രറി,ആർട് ഗാലറി,ശിവഗംഗാ ഗാർഡൻ, സ്ക്വാർട്സ് ചർച്ച് എന്നിവയാണ് പ്രധാന കാഴ്ചകൾ. ഒക്ടോബർ മുതൽ ഫെബ്രുവരി വരെയാണ് ഇവിടം സന്ദർശിക്കുവാൻ യോജിച്ച സമയം.
.jpg){kind=link}
