ഇരട്ടനഗരങ്ങളുടെ ഇന്ത്യ!

കൽക്കട്ട - ഹൗറ

കോളനിഭരണകാലത്ത് തന്നെ ഏറ്റവും പ്രശസ്തമായ നഗരമാണ് കൽക്കട്ട. കൽക്കട്ടയ്ക്കും ഒരു ഇരട്ടനഗരമുണ്ട്. ഹൗറ എന്ന പേരിലാണ് ഈ നഗരം അറിയപ്പെടുന്നത്. മനുഷ്യാദ്ധ്വാനത്തിന്റെ അപൂര്‍വ കാഴ്ചയായ നാല് പാലങ്ങള്‍ കൊണ്ടാണ് ഹൗറയെ കൊല്‍ക്കത്തയുമായി ബന്ധിപ്പിച്ചിരിക്കുന്നത്. ഇതിൽ ഹൗറാപാലമാണ് ഏറെ പ്രശസ്തം.
ചിത്രത്തിന് കടപ്പാട് : Mjanich

ഹൈദരാബാദ് - സെക്കന്ദരാബാദ്

ഇന്ത്യയിലെ ഏറ്റവും പ്രശസ്തമായ ഇരട്ടനഗരങ്ങളാണ് ഹൈദരാബാദും സെക്കന്ദരാബാദും. ഇന്ത്യയിലെ തന്നെ ഏറ്റവും വലിയ വാണിജ്യ കേന്ദ്രമായ ഈ നഗരങ്ങളെ ഒരിക്കലും വേറിട്ട് കാണാൻ കഴിയില്ല. ആന്ധ്രാപ്രദേശിന്റെ തലസ്ഥാനമായ ഹൈദരാബാദിന് തൊട്ടടുത്ത് തന്നെയാണ് സെക്കന്ദരബാദും സ്ഥിതി ചെയ്യുന്നത്. ഹുസൈൻ സാഗർ തടാകത്തിന്റെ ഇരുകരകളിലായാണ് ഈ നഗരങ്ങൾ സ്ഥിതി ചെയ്യുന്നത്.

ചിത്രത്തിന് കടപ്പാട് : Nagesh Jayaraman

ഹുബ്ലി - ധാർവാദ്

ബാംഗ്ലൂർ കഴിഞ്ഞാൽ കർണാടകയിൽ ഏറ്റവും വികസിച്ച് കൊണ്ടിരിക്കുന്ന നഗരമാണ് ഹുബ്ലി. ഹുബ്ലിക്ക് ഒരു ഇരട്ടനഗരമുണ്ട്. ഹുബ്ലിയിൽ നിന്ന് 20 കിലോമീറ്റർ അകലെയായി സ്ഥിതി ചെയ്യുന്ന ധാർവാദ് ആണ് ഈ ഇരട്ടനഗരം. ഇരുനഗരങ്ങളും വികസിച്ച് അതികം താമസിക്കാതെ തന്നെ ഒറ്റ നഗരമായി തീരും.

ചിത്രത്തിന് കടപ്പാട് : GuruAngadi

കൊച്ചി - എറണാകുളം

കൊച്ചി ഏത് എറണാകുളം ഏത് എന്ന് തിരിച്ചറിയപ്പെടാനാവാതെ കിടക്കുന്ന രണ്ട് നഗരങ്ങളാണ് ഇവ. എന്നാലും പഴയ നഗരം കൊച്ചിയെന്നും പുതുതായി വികസിച്ച് കൊണ്ടിരിക്കുന്ന പ്രാന്താപ്രദേശങ്ങൾ എറണാകുളം എന്നുമാണ് പൊതുവേ അറിയപ്പെടുന്നത്.

ചിത്രത്തിന് കടപ്പാട് : Sanif

ഗാന്ധിനഗർ - അഹമ്മദാബാദ്

വേണമെങ്കിൽ ഇരട്ടനഗരമെന്ന് വിശേഷിക്കാവുന്ന നഗരമാണ് ഗുജറാത്തിലെ ഗാന്ധിനഗറും അഹമ്മദാബാദും. ഗുജറാത്തിന്റെ തലസ്ഥാനമായ ഗാന്ധിനഗറിനോട് ചേർന്നാണ് ഗുജറാത്തിന്റെ വാണിജ്യ സിരാകേന്ദ്രമായ അഹമ്മദാബാദും സ്ഥിതി ചെയ്യുന്നത്. 26 കിലോമീറ്റർ ആണ് ഇരു നഗരങ്ങൾ തമ്മിലുള്ള അകലം.

ചിത്രത്തിന് കടപ്പാട് : Gaurav Raval

കട്ടക്ക് - ഭുവനേശ്വർ

ഒറിസയുടെ ഇപ്പോഴത്തേ തലസ്ഥാനമായ ഭുവനേശ്വരിനോട് ചേർന്നാണ് പഴയ തലസ്ഥാനമായ കട്ടക്ക് സ്ഥിതി ചെയ്യുന്നത്. അതിനാൽ ഈ രണ്ട് നഗരത്തേയും ഇരട്ടനഗരങ്ങളെന്ന് വിശേഷിപ്പിക്കാം. ആധുനിക ഇന്ത്യയിലെ ആദ്യത്തെ ആസൂത്രിത നഗരമായ ഭുവനേശ്വറും കട്ടക്കും തമ്മിലുള്ള അകലം വെറും 26 കിലോമീറ്റർ ആണ്.

ചിത്രത്തിന് കടപ്പാട് : Daniel Limma