നമുക്ക് ദ്വീപുകളിൽ പോയി രാപ്പാർക്കാം

വൈപ്പി‌ൻ തുരുത്ത്

കേരളത്തിലാണെങ്കിൽ അധികം ചിലവില്ലാതെ പോകാൻ പറ്റുന്ന ദ്വീപാണ് വൈപ്പിൻ തുരുത്ത്. കൊച്ചിയിലാണ് വൈപ്പിൻ തുരുത്ത് സ്ഥിതി ചെയ്യുന്നത്. പോർച്ചുഗീസുകാരുടെ കാലത്ത് നിർമ്മിക്കപ്പെട്ടിട്ടുള്ള നിരവധി നിർമ്മിതികൾ കൊണ്ട് സമ്പന്നമാണ് ഈ ദ്വീപ്.

Photo Courtesy: Arnab J Deka

ബട്ടർഫ്ലൈ അയലൻഡ്, ഗോവ

ഗോവൻ ആഘോഷം എന്നാൽ എപ്പോഴും ബീച്ചിൽ തന്നെയു‌ള്ള ആഘോഷമാണെന്ന് കരുതെണ്ട. ഗോവയിലും ആഘോഷിക്കാൻ ഒരു ദ്വീപുണ്ട്. അധികം പേരൊന്നും കേട്ടിട്ടില്ലാത്ത ഒരു കൊച്ചു ദ്വീപ്. ബട്ടർഫ്ലൈ അയലൻഡ് എന്നാണ് ഈ ദ്വീപ് അറിയപ്പെടുന്നത്. പാലോലെം ബീച്ചിൽ നിന്ന് ബോട്ടിൽ ഈ തുരുത്തിലേക്ക് വരാം. ഡോൾഫിനുകളെ കാണാൻ പറ്റിയ സ്ഥലമാണ് ഈ ബീച്ച്.

Photo Courtesy: Gili Chupak

നേത്രാണി അയലൻഡ്

അറബിക്കടലി‌ൽ സ്ഥിതി ചെയ്യുന്ന ഈ കൊച്ച് ദ്വീപിനേക്കുറിച്ചും അധികം ആളുകൾക്ക് അറിയില്ല. കർണാടകയിലെ മുരുഡേശ്വരയിൽ നിന്ന് 9 നോട്ടിക്കൽ മൈൽ അകലേയാണ് ഈ ദ്വീപ് സ്ഥിതി ചെയ്യുന്നത്. പീജിയൻ അയലൻഡ് എന്നും ഈ ദ്വീപ് അറിയപ്പെടുന്നുണ്ട്.

Photo Courtesy: Chetansv

രാമേശ്വരം

ഇന്ത്യയ്ക്കും ശ്രീലങ്കയ്ക്കും ഇടയിലുള്ള മാന്നാർ കടലിടുക്കിലാണ് രാമേശ്വരം സ്ഥിതി ചെയ്യുന്നത്. ഇന്ത്യയിലെ പ്രശസ്തമായ തീർത്ഥാടന കേന്ദ്രമാണ് രാമേശ്വരം. പ്രശസ്തമായ പാമ്പാൻപാലത്തിലൂടെയാണ് രാമേശ്വരത്തിലേക്ക് പോകുന്നത്.

Photo Courtesy: tn.nic

പവിത്രമായ ദ്വീപുകൾ

കാവേരി നദിയിൽ സ്ഥിതി ചെയ്യുന്ന മൂന്ന് ദ്വീപുകളെ പവിത്രമായ ദ്വീപുകൾ എന്നാണ് അറിയപ്പെടുന്നത്. ശ്രീരംഗപട്ടണം, ശിവാനസമുദ്ര, ശ്രീരംഗം എന്നീ സ്ഥലങ്ങളിലാണ് ഈ ദ്വീപുകൾ സ്ഥിതി ചെയ്യുന്നത്. ആദി രംഗ, മധ്യ രംഗ, അന്ത്യ രംഗ എന്നിങ്ങനെയാണ് ഈ ദ്വീപുകൾ അറിയപ്പെടുന്നത്. ഇവയിൽ ശ്രീരംഗം സ്ഥിതി ചെയ്യുന്നത് തമിഴ്നാട്ടിലാണ്. മറ്റ് രണ്ടും കർണാടകയിലാണ് സ്ഥിതി ചെയ്യുന്നത്.

Photo Courtesy: Rockuzz

ആൻഡമാൻ നിക്കോബാർ

ദ്വീപുകളുടെ പൂരപ്പറമ്പാണ് ആൻഡമാനി‌ൽ ഒന്നും രണ്ടൊന്നുമല്ല. ഏകദേശം 572 ദ്വീപുകളാണ് ഇവിടെ സ്ഥിതി ചെയ്യുന്നത്. നീണ്ട ലീവെടുത്തെ ഈ ദ്വീപിൽ സന്ദർശിക്കാൻ കഴിയു. കാരണം കാണാൻ കാഴ്ചകൾ നിരവധിയാണ്. ഹാവ്‌ലോക്ക് ദ്വീപും, വൈപ്പെർ ദ്വീപുമാണ് ഇവയിൽ പ്രശസ്തം.
Photo Courtesy: Venkatesh K

ലക്ഷ ദ്വീപ്

36 ദ്വീപുകളുടെ സമൂഹമാണ് ലക്ഷദ്വീപ്. കേരളത്തിൽ ഉള്ളവർക്ക് എളുപ്പം പോകാൻ കഴിയുന്ന ദ്വീപാണ് ഇത്. എളുപ്പം പോകാം എന്ന് പറയുമ്പോൾ നീന്തിച്ചെല്ലാം എന്നൊന്നും കരുതരുത്.

Photo Courtesy: Lenish Namath