നാല് വശവും വെള്ളത്താൽ ചുറ്റപ്പെട്ട സ്ഥലത്തെയാണല്ലോ ദ്വീപുകൾ എന്ന് പറയുന്നത്. ഇന്ത്യയെന്ന വിശാല രാജ്യത്തെക്കുറിച്ച് വിശാലമായി അങ്ങ് ചിന്തിച്ചാൽ നമുക്കാകെ രണ്ട് ദ്വീപ് സമൂഹങ്ങളാണ് ആ ൻഡമാൻ നിക്കോബാറും, ലക്ഷദ്വീപും. ഈ ദ്വീപ് സമൂഹം എന്ന് പറഞ്ഞാൽ തന്നെ മനസിലാക്കാല്ലോ ഒന്നിൽ കൂടുതൽ ദ്വീപുകൾ അങ്ങനെ കിടക്കുകയാണ് കടലിൽ കൂണുമുളച്ചത് പോലെ. #13;എന്നാൽ ദ്വീപുകൾ എന്ന പേരിൽ ഈ ദ്വീപുകൾ അല്ലാതെ വേറേക്കുറേ ദ്വീപുകളും നമുക്കുണ്ട്. എന്നാൽ അവയൊന്നും മേൽപ്പറഞ്ഞ ദ്വീപുകളേ പോലെ അത്രയ്ക്ക് അങ്ങ് ആഢ്യത്തമുള്ള ദ്വീപുകളൊന്നുമല്ല. നദികൾക്കും തടാകങ്ങൾക്കും നടുവിലായി ഉയർന്ന് നിൽക്കുന്ന ചെറുദ്വീപുകൾ. നമുക്ക് അതിനെ തുരുത്തെന്നും വിശേഷിപ്പിക്കാം. #13;ഈ പറഞ്ഞ് വരുന്നത്, നമ്മുക്ക് പോകാൻ പറ്റുന്ന ചില വ്യത്യസ്ത സ്ഥലങ്ങളേക്കുറിച്ചാണ്. വ്യത്യസ്തമെന്ന് പറഞാൽ ചില ദ്വീപുകൾ തന്നെ. രസകരമായ ചില ദ്വീപുകളിലേക്ക് നമുക്ക് ഒരു യാത്ര പോയാലോ? #13;അപ്പോൾ നിങ്ങൾ നിങ്ങളൂടെ ആ സ ൺഗ്ലാസ് എടുത്തോളൂ, പിന്നെ ബീച്ചിൽ പോകുമ്പോൾ ധരിക്കുന്ന വസ്ത്രങ്ങളും, നമ്മൾ അടിച്ച് പൊളിക്കാൻ പോകുവാ... #13; കേരളത്തിലാണെങ്കിൽ അധികം ചിലവില്ലാതെ പോകാൻ പറ്റുന്ന ദ്വീപാണ് വൈപ്പിൻ തുരുത്ത്. കൊച്ചിയിലാണ് വൈപ്പിൻ തുരുത്ത് സ്ഥിതി ചെയ്യുന്നത്. പോർച്ചുഗീസുകാരുടെ കാലത്ത് നിർമ്മിക്കപ്പെട്ടിട്ടുള്ള നിരവധി നിർമ്മിതികൾ കൊണ്ട് സമ്പന്നമാണ് ഈ ദ്വീപ്.Photo Courtesy: Arnab J Deka ഗോവൻ ആഘോഷം എന്നാൽ എപ്പോഴും ബീച്ചിൽ തന്നെയു ള്ള ആഘോഷമാണെന്ന് കരുതെണ്ട. ഗോവയിലും ആഘോഷിക്കാൻ ഒരു ദ്വീപുണ്ട്. അധികം പേരൊന്നും കേട്ടിട്ടില്ലാത്ത ഒരു കൊച്ചു ദ്വീപ്. ബട്ടർഫ്ലൈ അയലൻഡ് എന്നാണ് ഈ ദ്വീപ് അറിയപ്പെടുന്നത്. പാലോലെം ബീച്ചിൽ നിന്ന് ബോട്ടിൽ ഈ തുരുത്തിലേക്ക് വരാം. ഡോൾഫിനുകളെ കാണാൻ പറ്റിയ സ്ഥലമാണ് ഈ ബീച്ച്.Photo Courtesy: Gili Chupak അറബിക്കടലി ൽ സ്ഥിതി ചെയ്യുന്ന ഈ കൊച്ച് ദ്വീപിനേക്കുറിച്ചും അധികം ആളുകൾക്ക് അറിയില്ല. കർണാടകയിലെ മുരുഡേശ്വരയിൽ നിന്ന് 9 നോട്ടിക്കൽ മൈൽ അകലേയാണ് ഈ ദ്വീപ് സ്ഥിതി ചെയ്യുന്നത്. പീജിയൻ അയലൻഡ് എന്നും ഈ ദ്വീപ് അറിയപ്പെടുന്നുണ്ട്.Photo Courtesy: Chetansv ഇന്ത്യയ്ക്കും ശ്രീലങ്കയ്ക്കും ഇടയിലുള്ള മാന്നാർ കടലിടുക്കിലാണ് രാമേശ്വരം സ്ഥിതി ചെയ്യുന്നത്. ഇന്ത്യയിലെ പ്രശസ്തമായ തീർത്ഥാടന കേന്ദ്രമാണ് രാമേശ്വരം. പ്രശസ്തമായ പാമ്പാൻപാലത്തിലൂടെയാണ് രാമേശ്വരത്തിലേക്ക് പോകുന്നത്.Photo Courtesy: tn.nic കാവേരി നദിയിൽ സ്ഥിതി ചെയ്യുന്ന മൂന്ന് ദ്വീപുകളെ പവിത്രമായ ദ്വീപുകൾ എന്നാണ് അറിയപ്പെടുന്നത്. ശ്രീരംഗപട്ടണം, ശിവാനസമുദ്ര, ശ്രീരംഗം എന്നീ സ്ഥലങ്ങളിലാണ് ഈ ദ്വീപുകൾ സ്ഥിതി ചെയ്യുന്നത്. ആദി രംഗ, മധ്യ രംഗ, അന്ത്യ രംഗ എന്നിങ്ങനെയാണ് ഈ ദ്വീപുകൾ അറിയപ്പെടുന്നത്. ഇവയിൽ ശ്രീരംഗം സ്ഥിതി ചെയ്യുന്നത് തമിഴ്നാട്ടിലാണ്. മറ്റ് രണ്ടും കർണാടകയിലാണ് സ്ഥിതി ചെയ്യുന്നത്.Photo Courtesy: Rockuzz ദ്വീപുകളുടെ പൂരപ്പറമ്പാണ് ആൻഡമാനി ൽ ഒന്നും രണ്ടൊന്നുമല്ല. ഏകദേശം 572 ദ്വീപുകളാണ് ഇവിടെ സ്ഥിതി ചെയ്യുന്നത്. നീണ്ട ലീവെടുത്തെ ഈ ദ്വീപിൽ സന്ദർശിക്കാൻ കഴിയു. കാരണം കാണാൻ കാഴ്ചകൾ നിരവധിയാണ്. ഹാവ് ലോക്ക് ദ്വീപും, വൈപ്പെർ ദ്വീപുമാണ് ഇവയിൽ പ്രശസ്തം.Photo Courtesy: Venkatesh K 36 ദ്വീപുകളുടെ സമൂഹമാണ് ലക്ഷദ്വീപ്. കേരളത്തിൽ ഉള്ളവർക്ക് എളുപ്പം പോകാൻ കഴിയുന്ന ദ്വീപാണ് ഇത്. എളുപ്പം പോകാം എന്ന് പറയുമ്പോൾ നീന്തിച്ചെല്ലാം എന്നൊന്നും കരുതരുത്.Photo Courtesy: Lenish Namath #13;